Ɛsdrasə 1:2 - Bible

² “Ńyãa Sarɔ, Pɛsia-ŋai díkâloŋ, Ɣâla Yâwɛɛ nyii gáa Ɣâla-taai, a ŋ́gɛ a kâloŋ ǹɔii ŋuŋ-ŋai kélee mɛi ŋ̀éniɛi su. A wála-wala-laa tɛɛ ḿbɔ a gɛɛ ŋá ŋɔpɛ́rɛi tɔ́ɔ Zerusâlɛŋ taa-leei su Zuda lɔii su.

Yálá laawoo hɛɓɛ (dc)

² «Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Yálá laawoo hɛɓɛ

² «Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Ɛsdrasə 1:2 Referans Kwoze

Azaya 44:26

Kɛ́lɛ ŋ̀orɛ̂-woo-ŋai ŋá dɛ̀ɛ a ŋákela-ŋai, díŋaa-see a kɛ́ tí-ti ƃo. M̀ɛni-ŋai kélee ŋá gbɛtɛ a gɛ́ɛ ŋá gɛ̂i, gélee ŋaa-see è kɛ̀. Ŋá m̀o a gɛ́ɛ Zerusâlɛŋ taa-leei da Zuda taa-leei-ŋai da pâi tɔɔ̂i ŋɔ́nɔ pôlu, ǹaa láa é fɛ́ɛ a núu-kpune. Ŋa pâi gɛ̂i daa-lêe-ŋai ŋí dí kɛ́ yɛ̂ɛ berei dí kɛ̀ la a bɔlɔi.

Danîa 5:23

Ya tɔɔ Ŋ̀elei su Ɣalai ma. Í mò a gɛɛ gbele sɛŋ-folo-ŋai ínâŋ è díkùla Ŋ̀âla-pɛrɛ Kɛ́tɛi mu Zerusâlɛŋ é pá a diai, dí pá a dia ípɔ a gɛɛ yá, ǹɔii-lônii kpaya-kpayai, ínɛnîi da ínɛnî pɛlɛ-pɛlɛɛi ka dîa-ni ká ŋwã̂ai kpele zu. Ya ɣâla pɔɔkɔɔŋ-ŋa fɛlîi nyii-ŋai díkpɛtɛ̂i a káne, gôo, ƃara kɔli, wuru da kɔnii. Ŋ̀âla-ŋai ŋí dífa kwaa kâa, dímɛni mɛ̂ni kpaa máŋ dí mɛni da kɔ́lɔŋ. Kɛ́lɛ ífe yao-ni Ɣâla ma nyii a pɔ̂ri gɛ̂i ílɛɛ ɣele ma, kpaa máŋ ísaai, gɛ́ ƃò m̀ɛnii kélee mɛi ya gɛ̀i.

Danîa 4:32

Da pâi íkulâi núu-kpune sáma dí ítɛɛ ǹɔɔi su. Ya pâi kɛ̂i naa í kɛ́ kala mîi yɛ̀ɛ fɛnɛ-sɛŋ a kóraŋ lɔ́ɔlu mɛi feerɛ. Ya pâi gɔ́lɔnîi a gɛɛ Ŋ̀âla Kɛ́tɛi ƃa sɛŋ kélee ǹâmu. Ǹyaŋ núui a wɛ̂li é da tɛɛ bɔ́i, maa nûui ƃé a da tɛɛ bɔ́.”

Danîa 4:25

A pâi íkulâi núu-kpune sáma ka fɛnɛ-sãa ka ƃò kwaa tɔ̂a. Ya pâi kɛ̂i naa a kóraŋ lɔ́ɔlu mɛi feerɛ kala kɛ̀ ƃò a íkɔnɔ̃ŋ yɛ̂ɛ niŋa, nɛŋ kɛ́ pù yâ. Ya pâi gɔlɔnîi a gɛɛ Ɣâla ŋɔwála-walai tɛɛ̂i kâloŋ-laa kélee ma. Ǹyaŋ a wála-wala tɛ̀ɛ núui pɔ́ a wɛ̂li é dɛɛ bɔ́i.

Danîa 2:28

Kɛ́lɛ Ɣâla káa ɣêlei nyii a pɔ̂ri núu-kpune kíli ŋá-ponoi kili ŋa-tɛi mɛni sii kélee sui. Aâ m̀ɛnii lɛ́ Gâloŋ Nɛbukinaza ma pâi kɛ̂i ɣele kpɛ́-kpɛɛ tɛɛ pôlu mai. Zeei í m̀oi da zĩâi tɛ̀ɛ a yá tãi í kɛ̀ laa-ni lai dia ká ŋí.

Danîa 2:21

Nya ƃe a mɛni-ŋa maa fâleŋ. A gɛ̀ fólo lá-ƃoɔɔ é tɛ́ɛ, sama tãi é pá. A kâloŋ-ŋa sèe gɛ́ díwolo. A táre tɛ̀ɛ dáre-ƃelai pɔ́, gɛ́ mɛni ŋá káa tɛ̀ɛ diai pɔ́ da mɛni ŋá kaai.

Ɉeremi 10:11

M̀ó dîa yɛ̂ɛi, “Ŋ̀âla pɔɔkɔŋ-ŋai nyíi-ŋai dífe ŋ̀elei da ǹɔii kpɛtɛ níi, Ɣâla a pâi dí su karâi díkula ŋ̀éniɛi su.”

Azaya 66:1

Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?

Kɔlɔnikɔ Veerɛi 2:12

Elaŋ è ŋɔ́nɔ mò Saloma ma ǹyɛɛi, “Laa-ma-tɛ é tɛ́ɛ Eezuɛ Ŋɔɣâlai Yâwɛɛ pɔ́. Ǹyaa ƃé ǹɔii kpɛ̀tɛ da ŋ̀elei! A Gâloŋ Deeƃé ǹóŋ kɛ́ a táre nuu. A táre tɛ́ɛ bɔ́ a gɛ́ɛ gɛ́ mɛni ŋá kàa, nyíi pâi Ŋ̀âla-pɛrɛ Kɛ́tɛi tɔɔ̂i Yâwɛɛ mɛni ma é tela kâloŋ-pɛrɛ tɔɔ gbîŋ mɛni mai.

Tɔɔɓɛlaa dɔlɔɔ 8:27

“Kɛ́lɛ Ɣâla a pâi ŋɔkɛ-naai kɛ̂i ŋ̀éniɛi su? Ɣâla-taa nyíi gáa ɣelêi-pere póŋ-poŋ, fa pɔri íkɛtɛ-laai mu. Gɛ̀ ní ǹyaŋ Ŋ̀âla-pɛrɛ Kɛ́tɛi ŋí ŋa dɔ̀ɔi ya pâi pɔrii léŋ mu?

Ɛsdrasə 1:5

Nya ƃe Zuda da Bɛŋsima dísuui su-ƃelai láa túɛ-ƃelai, zâla láa-soŋ-ƃelai, da Liiva-ŋai dí dímu sìɣe a gɛɛ dí lí dí Yâwɛɛ ŋɔpɛ́rɛi tɔ́ɔ pôlu Zerusâlɛŋ. Dí gɛ̀ tí, kpɛ́ni fêi, Ɣâla ŋɔmɔ̂leŋ è dílii mu sìɣe.

Ɛsdrasə 3:7

Ŋ̀âla-pɛrɛ Kɛ́tɛi tɔɔ-ƃelai dífe dɔ̀ɔ-ni kpɛ́ni-kpɛni. Dí gɔni saa-ƃelai da ŋ̀úru-ƃela tii kɛ́-ƃelai féla fè a sɛŋ-kao. Dí mii-sãa, kpele-sãa da ɔle-wulɔ tɛ̀ɛ Taya da Sidɔŋ taa-lee-ŋai su-ƃelai pɔ́. Dí zãâi ŋí tɛ̀ɛ dí pɔ́ sîda wuru-ŋai dí gùla dílɔii su Lɛƃanɔŋ, mɛni ma. Dí pà a ŋ̀úru-ŋai ŋí yá ŋá keleŋ su Zâpa taa-leei su. Pɛsia kaloŋ Sarɔ è fàa ma dílɛɛ pâi ŋ̀úru-ŋai ŋí kulâi Lɛƃanɔŋ.

Ɛsdrasə 4:3

Nya ƃe Zɛrubabɛɛ, Zasua da ǹúu sûu-ŋai láa túɛ-ƃelai dí m̀o dîa dîyɛɛi, “Kúfe kpɔŋ-maa da kélee wɛ̂lii káyêei Ŋ̀âla-pɛrɛ Kɛ́tɛi tɔɔ mɛni ma. Kúa kpîŋ ƃé pâi dɔɔ̂i yɛ̂ɛ berei Pɛsia kaloŋ Sarɔ è m̀o la kûai.”

Mąątɛ̨nɛ̨ 136:26

Ka sɛɣɛ-fei tɛɛ ŋ̀elei su Ɣalai pɔ́. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

Azaya 41:2

“Gbɛ̂ɛ ƃé pà a Pɛsia kaloŋ Sarɔ wála-walai é kúla la vólo kulâi perei, é gɛ́ gɛ̀ nûa yée mɛi ɣâle ƃɛ́i kélee a lî naai? Gbɛ̂ɛ ƃé wála-wala tɛ̀ɛ bɔ́ gɛ́ kâloŋ-ŋa da lɔii-ŋuŋ-ŋa yée mɛi ɣâlei? È díyee mɛi ɣâle a ŋɔƃóa-sɔkpɔi yɛ̂ɛ da kɛ̀ a muluŋ. Ŋɔtɔ̃ai è dí tàa yɛ̂ɛ kala-kpâla ƃé fãa su.

Azaya 44:28

Ŋá mò Sarɔ mà ńyɛ̃ɛi, ‘Yá ƃé ŋá ísiɣe zu a gɛ́ɛ í tɔ́ɔ ŋánûai túɛ é díteniŋ tɔ́ɔ. M̀ɛni-ŋai ŋá mò yâi, ya pâi díkɛ̂i. Ya pâi lɛɛ̂i dítuɛ dí Zerusâlɛŋ taa-leei tɔ́ɔ pôlu, dí Ŋ̀âla-pɛrɛ Kɛ́tɛi tɔɔ́ kɔ́ɔ pîlaŋ naa.’ ”

Azaya 45:1

Yâwɛɛ a Sarɔ siɣe zu a gɛ́ɛ í kɛ́ a ŋátii kɛ́-nuu. È zìɣe zu a gɛ́ɛ é lɔii ŋuŋ-ŋa mɛi kâloŋ-ŋa yée mɛi ɣále. A pâi daa-lêe-ŋai maa kóli siɣãŋ-ŋai wôloi berêi. Yâwɛɛ è m̀o ŋɔ́nɔ Sarɔ ma ǹyɛɛi,

Danîa 6:25

Nya ƃe Gâloŋ Dariɔ è m̀ɛnii ŋí pɔ̃yɛ ǹûai kélee pɔ́ naa ǹɔii-kpîniŋ-ŋai su a tɔ̂ŋ ǹyɛɛi, “Ŋa laa tí-maa láa serîi kâa.

Zôna 1:9

È díwoo su tòo ǹyɛɛi, “Ŋ́gaa a Ibulu-nuu. Ŋa Yâwɛɛ fɛ̀li nyii gáa a Ŋ̀âlai gáa ŋ̀elei sui, nyii yúo kpɛ̀tɛ da ǹɔii kpâlai.”

Ɛsdrasə 5:15

È m̀o ma a gɛɛ é lí a zãâi ŋí a gɛɛ da kpɛ̀ɛ Ŋ̀âla-pɛrɛ Kɛ́tɛi tɔ̂ɔ ma pôlu ƃɛ́i è wɔ́lɔ kɛ̀ naa a bɔlɔi, é dípu mù.

Ɛsdrasə 6:3

“Gâloŋ Sarɔ ŋɔkâloŋ laa-koraŋ maa ŋúŋ su, è wála-wala laa tɛ̀ɛ Zuda-ŋai pɔ́ a gɛɛ dí Ŋ̀âla-pɛrɛ Kɛ́tɛi tɔ́ɔ pôlu Zerusâlɛŋ taa-leei su. Ǹaa ƃé da pâi kɛ̂i sâla-ŋa kulâi naa díkɛ kéreŋ-sala sãa kèreŋ naa. Ŋ̀âla-pɛrɛi ŋɔmɛi kôya é kɛ́ a kɔ́ɔ ƃɔ́rɔnîi buu lɔ́ɔlu mɛi náaŋ, ŋɔmu-kɛtɛ kɛ́ ƃò a kɔ́ɔ ƃɔ́rɔnîi buu lɔ́ɔlu mɛi náaŋ.

Ɛsdrasə 6:10

Ǹɛ̂lɛi zãâi ŋí díkɛ ƃò naa sâla-ŋa kùla mɛni ma nyíi a Ɣâla, nyii gáa Ɣâla-taai líi laai. Ka nyíŋi-ŋai kɛ́ a gɛɛ ǹûai dí Ɣâla fɛli é lûwa láa gâloŋ ma da ǹônii.

Ɛsdrasə 7:12

“Gɔlɔi ŋí a kulâi ńyãa Gâloŋ Atasɛra yêei. Ŋa dɛɛ̂i yá Ɛzura ípɔ naa, yái íkaa a zâla láa soŋ-nuui, íkɛ ƃò a Yâla nyii gáa Ɣâla-taai ŋɔtɔ̂ŋ lɛ́-nuui dai.”

Nehemi 1:4

Tãi dí mɛ̀nii ŋí ƃò la ḿâi, ŋá sèe ŋá wɔ́lɔ. Ŋá sèe a malôŋ pere yɛ̂ɛ nya ƃé saa a too ḿâ. Malôŋ è too ḿâ kpɔ́ a ŋ̀ánaa fé mii-sɛŋ da mii ní a ɣele kûu kpɛ́-kpɛɛ. Ŋá Ɣâla nyii gáa Ɣâla-taai fɛ̂li é pîlaŋ m̀ɛnii ŋí ma.

Nehemi 1:5

Ŋá mò ńyɛɛi, “Óo Yâwɛɛ Ɣâla, yái íkaa Ɣâla-taai, yá ƃa ŋ̀wála-wala kélee Ɣalai. Ǹyaŋ fɛ̂ɛ núu kélee dí ƃaa kɛ́ maa tɛ́ɛ ípɔ. Ƃa íkono têei ŋàa sèe kɛ̀ ǹúui kélee yêei í ŋwɛ́li ní gɛ́ íwoo mɛni, gɛ́ í tɔ̂ŋ-ŋai mɛi kâai.

Mąątɛ̨nɛ̨ 85:2

Í ínûai su mɛni lɛ̀ɛ zɔnyɔ̂ŋ-ŋai dí gɛ̀i m̀ɛni ma. Mɛni nyɔ́mɔɔ-ŋai kélee dí gɛ̀i, í íyee kùla zu.

Hanwon 21:1

Kâloŋ ŋɔmɛni-kpɛtɛɛ káa yɛ̂ɛ ya ƃoloŋ-ƃoloŋ Ɣâla Yâwɛɛ yêei, gɛ́ déniŋ tɔ̀ɔ ƃɛ́i a ŋ̀wɛ̂lii é lí naai.

Ɉeremi 27:5

Ŋá ŋ̀éniɛi kpɛ̀tɛ da zu-ƃela kélee é pɛ́lɛ vɛnɛ-sãai kélee dîa a ŋáwala-wala laa kɛ́tɛi. Ŋa pɔ̂ri dɛɛ̂i núu sîi kélee da pɔ́ nyíi ŋa ŋ̀wɛ̂lii.

Ɉeremi 29:10

Yâwɛɛ è mò ǹyɛɛ, “À kɛ̀ Babelɔŋ a gɛ̀ ká mɛi a kóraŋ buu lɔ́ɔlu mɛi feerɛ, gɛ̀ ní ká malôŋ a pâi ńzoniî ŋákono-teei kíli a pâi toôi ŋá, ŋá pá a káa pôlu ká pɔ́-taai.

Danîa 1:21

Danîa è lɛ̀ɛ tíi kɛ̂i gâloŋ ŋɔtíi kɛ́-pɛrɛi mu é lɛ́ɛ la zu Gâloŋ Sarɔ ŋɔkâloŋ koraŋ maa-ŋuŋ é seri.