Lɛɛ gbɔwɔ ɓa 15:2 - Bible

² Yâwɛɛ káa a ŋáwala-walai laa. Ŋa pâi ǹáa maa tɛ̂i ŋáwule-ŋai su. Ŋáɣâlai ká ŋí, ǹyaŋ ŋa pâi ǹáa maa tɛ̂i. Gáa a ńâŋ ŋɔɣâlai, ǹyaŋ ŋa pâi ǹáa maa tɛ̂i.

Yálá laawoo hɛɓɛ (dc)

² Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Yálá laawoo hɛɓɛ

² Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Lɛɛ gbɔwɔ ɓa 15:2 Referans Kwoze

Azaya 12:2

Ɣâla, yá nɔ́ ƃé ŋ́gili káa yâ ŋ́uŋ ma ƃó mɛni ma. Ŋa pâi lâai a yá, ǹyaŋ yao da kélee fé pâi kɛ̂i ŋ́gbonôi sɛŋ da mɛni ma. Yá, Ɣâla Yâwɛɛ, yá nɔ́ ƃa ŋ́gbonôi kpanaŋ íkɛ wála-wala tɛ̀ɛ ḿbɔ. Yá nɔ́ ƃa ŋ́uŋ ma ƃó-nuu.

Mąątɛ̨nɛ̨ 118:14

Yâwɛɛ è ŋ́uŋ ma ƃò, é ŋ́gbonôi kpanaŋ.

Mąątɛ̨nɛ̨ 18:46

Yá ƃa gɛ̀ ɣele ma Yâwɛɛi, ǹyaŋ ŋa pâi ílaa maa tɛ̂i. Yái íkaa a ḿaa kɔ̃ɔ Ɣâlai, ŋá ŋuŋ ma ƃô kɔnii, ŋa pâi lûwa toôi ya.

Mąątɛ̨nɛ̨ 59:17

Yá ƃa ḿaa kɔ̃ɔ-nuui. Ŋa pâi ílaa maa tɛ̂i. Yá ƃa ŋ́uŋ ma ƃó nuu, óo Ɣâla. Yá ƃa Ɣâla nyii ŋ́wɛlinii.

Azaya 25:1

Yâwɛɛ, yá ƃa Ŋáɣâlai. Ŋa pâi ƃaa kɛ́-maa tɛɛ̂i ípɔ, ŋá ílaa maa tɛ́. Ya mɛni kpaya-kpayaa mĩli-miliɛɛ támaa kɛ́. M̀ɛni kpaya-kpayaa mĩli-miliɛ-ŋai ŋí káa a m̀ɛnii í gbɛ̀tɛ tãi su-kôyaa tɛɛ pôlu ma.

Mąątɛ̨nɛ̨ 140:7

Óo Ŋ̀wála-wâla kélee Yâwɛɛi, yá ƃa ḿaa kɔ̃ɔ nûu wála-walaai. Ya ḿaa kɔ̃ɔ kɔ́ su.

Mąątɛ̨nɛ̨ 99:9

Ka Kúɣâlai Yâwɛɛ láa maa tɛ́. Ka vɛli ŋɔyée maa waai ma. Kúɣâlai Yâwɛɛ káa a Ɣâla maa waa.

M̀ɛni-lɛɛi 15:3

Dí kɛ̀ Mose ŋɔwulei toôi, nyíi kɛ̀ a Ɣâla yée-mu-nuui, díkɛ M̀ála-loŋ ŋɔwulei tôo, díyɛɛi, “Ítûa-perei kɛ́tɛ̂i maa pɔlɔ-pɔlɔɔ, Óo Kúnuu-namui Ŋ̀wála-wâla kelee-Ɣalai! Ítûa-perei sã́âi, gɛ ƃo a tɔ̃yâ, Óo ǹɔii-ŋuŋ kélee mɛi-Kaloŋ!

Filipə 2:11

a gɛ́ɛ ŋɔ́nɔ la-gbɔ kélee e m̀o a gɛ́ɛ Zîsɛ Kôrai káa a Kúnuu-namui Kúnâŋ-Ɣala ŋɔfólo-laai mɛni ma.

Mąątɛ̨nɛ̨ 118:28

Yá ƃa Ŋáɣâlai, ŋa pâi sɛɣɛi-fei tɛɛ̂i ípɔ. Ŋa pâi kɛ̂i ílaa kɛ́tɛi maa tûŋ toôi, kpɛ́ni fêi, Ŋáɣâlai ƃa yá.

Mąątɛ̨nɛ̨ 99:5

Ka Kúɣâlai Yâwɛɛ láa maa tɛ́ ká vɛli, kpɛ́ni fêi, m̀aa wâai.

Mąątɛ̨nɛ̨ 34:3

Kwaa kú Yâwɛɛ ŋɔkɛ́tɛ-laai maa mɛ̂ni ƃó. Kwaa ǹáa maa tɛ́ gîe ma.

Dutɛrɔnome 10:21

Ǹyaa ƃa Káɣâlai. Ka ǹáa maa tɛ́. A mɛni kpaya-kpaya támaa kɛ́ kâa. Káa kpîŋ ká ǹaa kàa.

Lɛɛ gbɔwɔ ɓa 3:6

Ńyãa ƃa ínâŋ-ni dí Ɣâlai, Eberaɣɛ̃ɛ Ŋɔɣâlai, Aise Ŋɔɣâlai da Zeeka Ŋɔɣâlai.” Nya ƃe Mose è ŋ̀ɛ́i lòo. Kpɛ́ni fêi, è kɛ̀ yaôi a gɛɛ é Ɣâla ŋɛ́i káa.

Korɛntə veelɛ 5:19

zu-kulai ƃa Ɣâla è kɛ̀ Kôrai kponôi, tãi ǹyaa Ɣâla è kɛ̀ díloai kpɛ́-tɛ̂i la da ŋ̀éniɛi su-ƃelai, ve dítɔ̂ŋ-karaa-ŋai siɣe ni a dísɔŋ, e loai-kpɛtɛ maa-worɛ-woo tɛ́ɛ kúpɔ.

Gɛlaɠaa 4:12

Ǹyaŋ ƃálo-laa fa kûla núu da kpɛni yêei, kpɛ́ni fêi, láa da kpɛ́ni kélee fé naa ǹɔii ma ƃé nyíi dɛɛ̂i nuu-kpune ƃálo-laa sɔlɔ ƃo zui.”

Mąątɛ̨nɛ̨ 145:1

Ŋáɣâlai da Ŋákâloŋ, ŋa pâi ílaa maa tɛ̂i. Ŋa pâi ílaa maa tɛ̂i wɔ́lɔ-wɔlɔ da wɔlɔ-wɔlɔ.

Samia Veerɛi 22:47

Yá ƃa gɛ-ɣele ma Yâwɛɛi, ǹyaŋ ŋa pâi ílaa maa tɛ̂i. Yái íkaa a maa kɔ̃ɔ Ɣalai ŋa pâi lûwa toôi ya.

Lɛɛ gbɔwɔ ɓa 14:13

Nya ƃe Mose è mò dîa ǹyɛɛi, “Káfe yào. Ka tɔ́ɔ tɔ̂ŋ ká Yâwɛɛ ŋɔƃálo-laai káa a pâi dɛɛ̂i kápɔ sâai. Kpɛ́ni fêi, Ize-ŋai ŋí ka díkâai sâai, káfe pâi ŋɔ́nɔ wɔ́lɔ díkâai.

Lɛɛ gbɔwɔ ɓa 4:22

Gɛ̀ ní m̀ó Gâloŋ ma yɛ̂ɛ Yâwɛɛ ǹyɛɛi, ‘Eezuɛ káa a ǹóŋ-surɔ̂ŋ maa-ŋuŋ.

Ifisiɛŋ 2:22

Kápuɔ̂i kákîe-ni ma Kôrai kponôi kwaa ma mɛni ma ƃɛi Ɣâla Ŋɔmɔ̂leŋ a kɛ̂ naai.

Azaya 49:6

Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma sɔlɔ ƃôi ísârai.”

Mąątɛ̨nɛ̨ 109:1

Ɣâla, ŋa ílaa maa tɛ̂i. Ífe lɛ̀ɛ a ímɛi saá.

Mąątɛ̨nɛ̨ 27:1

Yâwɛɛ ƃa ŋá kwaa ponoɔɔi da ŋ́uŋ ma ƃó nuu. Fé pâi yaôi núu da kélee ma. Yâwɛɛ ƃa ḿaa kɔ̃ɔ mɛni nyɔ́mɔɔ sii kélee su. Gbɛ̂ɛ ƃé ŋa pɔ̂ri ŋɔ́nɔ yaôi mai?

Lɛɛ gbɔwɔ ɓa 40:34

Ŋ̀ele-kɔlɔŋ kolei è Bɛ́rɛi mɛi pɛ̀lɛ. Ǹyaŋ Yâwɛɛ ŋɔfólo-laai è bɛ́rɛi láa fɛ̀ɛ.

M̀ɛni-lɛɛi 19:1

Nyíŋi pôlu ma, ŋá wóo su kpanaŋɔɔ mɛ̀ni é kúla Ɣâla-taa, gɛ́ɛ yɛ̂ɛ kpɔŋ kɛ́tɛ, díkɛ lâɣi, díyɛɛi, “Aleeluya! Ƃálo-laa, fólo-laa, da wála-wala-laa díkaa a Kúɣâlai pɔ́ɔ.

Filipə 4:13

Ŋa pɔ̂ri mɛni kélee kɛ̂i gbonôi nyíi a ńzu kpanaŋ.

Ɉaan 5:23

a gɛɛ ǹúui kélee dí ƃâa kɛ́ Nòŋ-nuui ma yɛ̂ɛ berei nɔ da ƃâa kɛ̀ la Nàŋ-nuui ma. Ǹúui nyii va ƃâa kɛ̀ Nòŋ-nuui ma, va ƃâa kɛ̀ Nàŋ-nuui ma nyii dɛ̀ɛi.

Ɉaan 4:22

Ka zɛŋ fɛ̀li nyii káfe gɔ́lɔŋ, kɛ́lɛ, kwa zɛŋ fɛ̀li nyii ku gɔ́lɔŋ, kpɛ́ni fêi, ƃalo-laa a kùla Zûu-ŋai yêei.

Lukə 2:30

kpɛ́ni fêi, ŋ́ɛi a íƃalo-laai káa,

Lukə 1:77

a gɛɛ í ƃálo-laa maa-tare tɛɛ ŋɔnûai pɔ dísɔnyɔ̂ŋ su-mɛni-lɛɛ sârai,

Zakari 13:9

Ŋa pâi ǹɛɛ-pôlu-ƃelai ŋí waâi yɛ̂ɛ berei núu a káne wàa la a ŋɔŋ, ŋá dímaa kpɛ́ɛ yɛ̂ɛ berei núu a gôo maa kpɛ̂ɛ la a ŋɔŋ. Ǹyaŋ da pâi ńdôlii, ǹyaŋ ŋa pâi díwoo su toôi. Ŋa pâi môi a gɛɛ díkaa a ŋánûa. Ǹyaŋ da pâi môi dîyɛɛ, ‘Yâwɛɛ ƃa Kúɣâlai.’ ”

Ɉeremi 32:38

À kɛ̀ tí, ŋa pâi kɛ̂i a Díɣâla, dia máŋ dí kɛ́ ƃò a ŋánûa.

Ɉeremi 31:33

Bere ƃé gbanaŋ-woo ninai a pâi kɛ̂i la: Ŋa pâi ŋá tɔ̂ŋ pûi díkili ŋá, ŋá bɔ̃yɛ dí líi su. Ŋa pâi kɛ̂i a Díɣâlai, dí kɛ́ ƃò a ŋánûa.

Ɉeremi 3:23

Tɔ̃yâ ma kúfe sɛŋ da káa ní ŋ̀âla da kpɛ́ni-ŋai fɛliɛi su. Yâwɛɛ Ɣala ǹyaa tɔ̂nɔ nɔ́ ƃé a Eezuɛ ŋuŋ ma ƃò.

Azaya 66:1

Yâwɛɛ è m̀o ǹyɛɛi, “Ŋ̀elei-su ƃa Ŋákâloŋ see-sɛŋ seêi. Ǹɔii ma ƃé ŋa ŋ́gɔɔ tɔ̀ɔ naa. Pɛ́rɛ sîi lé kɛ́ɛ ƃé ka pɔ̂ri dɔɔ̂i ḿɛni mai? Mí ƃé ka pɔ̂ri gbɛtɛ̂i a gɛɛ ŋ́gɛ ḿvii tɔ̀ɔ naai?

Azaya 45:17

Kɛ́lɛ Yâwɛɛ a Eezuɛ ŋuŋ ma ƃó. Lɔii-ŋuŋ da fé pâi wɔ́lɔ pɔrîi ǹyée mɛi ɣâlei. Ƃaa kûla maa fé wɔ́lɔ ŋɔ́nɔ pâi sɛ̂lɛnii dîa.’ ”

Mąątɛ̨nɛ̨ 132:5

é lɛ́ɛ la zu ŋá pɛ́rɛ tɔ́ɔ Zeeka Ŋɔɣâlai Yâwɛɛ mì.”

Mąątɛ̨nɛ̨ 68:20

Kúɣâlai káa a ŋuŋ maa ƃô Ɣala. Ǹyaa ƃa Kúnuu-namui Yâwɛɛ. Ǹyaa ƃa kúkùla saa yêei.

Mąątɛ̨nɛ̨ 30:1

Ŋa pâi ílaa maa tɛ̂i, óo Yâwɛɛ, kpɛ́ni fêi ya ŋuŋ maa ƃô, ǹyaŋ ífe pâi ǹɛɛ̂i naa ŋ́gbɔara-ƃelai dí ńyee mɛi ɣále.

Mąątɛ̨nɛ̨ 28:8

Yâwɛɛ a ŋɔnûai maa kɔ̃ɔ gɛ́ kɔ̀ dímɛni ma. Ǹúui è zìɣe zu a kâloŋ, a kɔ̀ m̀ɛni ma gɛ́ ŋ̀uŋ ma ƃò.

Mąątɛ̨nɛ̨ 22:10

É síɣe ḿaa sɔlɔ ƃó tãi ma, ŋ́gili tɔɔ̂i yá. Yá nɔ́ ƃa Ŋáɣâlai é síɣe ḿaa sɔlɔ ƃó tãi ma.

Mąątɛ̨nɛ̨ 22:3

Yá ƃa Ǹúu Maa Waai. Íkɛ ƃò seêni íkâloŋ see-sɛŋ ŋá. Yá ƃe Eezuɛ-ƃelai da laa-ma-tɛ̂ tɛ̀ɛ ípɔ.

Tɔɔɓɛlaa dɔlɔɔ 8:27

“Kɛ́lɛ Ɣâla a pâi ŋɔkɛ-naai kɛ̂i ŋ̀éniɛi su? Ɣâla-taa nyíi gáa ɣelêi-pere póŋ-poŋ, fa pɔri íkɛtɛ-laai mu. Gɛ̀ ní ǹyaŋ Ŋ̀âla-pɛrɛ Kɛ́tɛi ŋí ŋa dɔ̀ɔi ya pâi pɔrii léŋ mu?

Tɔɔɓɛlaa dɔlɔɔ 8:13

Ŋá Ŋ̀âla-pɛrɛ Kɛ́tɛi ŋí tɔ̀ɔ yɛ̂ íkɛtɛ-laai mɛni ma. Naa ƃé pâi kɛ̂i a íkɛ̂i wɔ́lɔ-wɔlɔ da wɔ́lɔ-wɔlɔi.”

Samia Veerɛi 22:51

Ya gɛ́ íkâloŋ a ŋɔkpɔara-ƃelai yée mɛi ɣále. Íwɔlɔ-wɔlɔ wɛli-kɛ maai káa naa ǹúui mɛni ma í zìɣe zui, gɛ́ ƃò naa máŋ Deeƃé mɛni ma da ŋɔsuui wɔ́lɔ-wɔlɔ da wɔlɔ-wɔlɔ

Samia Veerɛi 7:5

“Lí í m̀ó ńyee mu-nuui Deeƃé ma yɛ̂ɛ mai, Yâwɛɛ ǹyɛɛ: ‘Ya pɔ̂ri pɛ́rɛ tɔɔ̂i ḿî?

Zɛnɛse 17:7

“Ŋákpanaŋ-wooi a pâi kɛ̂i kwa yá kúloai. A pâi máŋ kɛ̂i kúloai kwa ísuui nyii pâi lɛ̀ɛi ípôlui da díwɔ suui wɔlɔ-wɔlɔ da wɔlɔ-wɔlɔ. Ŋa pâi kɛ̂i a Íɣâla da ísuui nyii pâi lɛ̀ɛi ípôlui Ŋɔɣâla.

Kolosə 2:9

Kpɛ́ni fêi, Ɣâla Ŋɔɣâla-laai kélee káa gbonôi.

Zɛnɛse 49:18

“Óo Yâwɛɛ, ŋa íƃalo-laai maa kpɛ̂nii.

Nwun mąąɓo 5:21

Kisɔŋ Yai è fɛɛ é lí a Sisela ŋɔkɔ-kuluƃa-ŋai. Kisɔŋ ya ŋíliŋ su kpanaŋɔ̂ɔi a ɣele kéleei. Ŋa pâi liî kɔ́ ma. Ŋa pâi liî kɔ́ ma a lii kpele-pere a ɣele kélee!

Mąątɛ̨nɛ̨ 48:14

“Ɣâla ŋí káa a Kuɣâla wɔ́lɔ-wɔlɔ da wɔ́lɔ-wɔlɔ. A pâi kɛ̂i kúteniŋ tɔɔ̂i tãi nɔ́ kúkaa la ɣele mai.”

Habakukə 3:13

Í lì ínûai ƃálo mɛni ma da ǹúui í íyee lɛ̀ mai. Í zɔnyɔ̂ŋ ƃelai ŋuŋ tuɛ ǹúui su kara dípɛrɛi é lɛ́ɛ a gbolôŋ.

Lɛɛ gbɔwɔ ɓa 6:7

Ŋa pâi kásiyêi a ŋánûa, ŋá kɛ́ a Káɣâla. Ka pâi gɔlɔnîi a gɛɛ ŋ́gaa a Yâwɛɛ Káɣâlai nyii kákùla m̀ɛni-kpɔlui su nyii Ize-ŋai dí ǹaa kâai.

Samia Veerɛi 7:24

Ya ínûai kɛ̂i kɛ́ ma ya kɛ́ a Díɣâla.

Samia Veerɛi 22:3

Ŋáɣâlai káa a ḿaa kpɛ́-nuu. A ḿaa kɔ̃ɔ yɛ̂ɛ berei kpála ŋá-ɣale kɔli-kalaŋ a kɔ-kuluƃa maa kɔ̃ɔ lai. Ǹyaa ƃé ŋa ŋuŋ ma ƃô sɔlɔ ǹyêei. Ǹyaa ƃa ŋ́uŋ ma ƃó nuui. A ŋ́uŋ ma ƃó sɔnyɔ̂ŋ-ƃela yêei.

Kɔlɔnikɔ Maa-ŋuŋ 16:14

Yâwɛɛ ƃa Kúɣâlai. Ŋɔtɔ̂ŋ-ŋai káa ŋ̀éniɛi kélee mɛni ma.

Mąątɛ̨nɛ̨ 118:21

Ŋá ílaa maa tɛ̀, kpɛ́ni fêi, ya ŋ́oo mɛni, íkɛ ŋ́uŋ ma ƃò ŋ́gbɔara-ƃelai yêei.