Lɛɛ gbɔwɔ ɓa 10:3 - Bible

³ Nya ƃe Mose da Eelɔŋ dí lì Gâloŋ pɔ́ naa dîyɛɛ mai, “Yâwɛɛ nyii gáa a Ibulu-ŋai Díɣâlai ǹyɛɛ, ‘Tãi ɣɛɛlu ƃé ƃa pâi ŋ̀óo karâi lai? Ŋánûai lɛ́ɛ naa dí lí a gɛɛ dí vɛli.

Yálá laawoo hɛɓɛ (dc)

³ Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Yálá laawoo hɛɓɛ

³ Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Lɛɛ gbɔwɔ ɓa 10:3 Referans Kwoze

Piɛrə dɔlɔɔ 5:6

M̀ɛni ma ka kákpîŋ maa yéŋ Ɣâla yée wâla-walai mu a gɛɛ tãi à sèri é kámaa tɛ́.

Zĩi 4:10

Ka kákpîŋ maa yéŋ Kúnuu-namui ŋɛ́i-tuɛ, gɛ̀ ní a pâi kámaa tɛ̂i.

Tɔɔɓɛlaa dɔlɔɔ 21:29

“Ƃa berei káa Eɣa a gbîŋ maa yéŋ la ŋɛ́i-tuɛi? M̀ɛni ma, fé pâi pâi bɔ́ a mɛni kpɔ̂lu ŋɔɣele-ŋai ma. Kɛ́lɛ ŋa pâi pâi a maa mɛni kpɔlui ŋɔpɛ́rɛi ma a ǹóŋ ŋɔɣele-ŋai ma. Ŋa pâi ŋɔsuui kélee su karâi.”

Hebreu 12:25

Ka gáa a gɛɛ ǹúui gáa lônoi, káfe káyee kùla mu. Kpɛ́ni fêi, à kɛ̀ diai díyee kùla ǹúui mu nyíi dília-woo ƃò ǹɔii ma ƃɛi, dífe kula ni tɔŋ-kpɛ́-maa su, gɛ̀ ní kûa máŋ kwa pɔ̂ri kɛ̂i leŋ tɔŋ kpɛ-maa su, à kɛ̀ kwa kúyee kùla ǹúui mu nyíi gáa Ɣâla-taa gɛ́ kúlia-woo ƃòi.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Ɉeremi 13:18

Yâwɛɛ è mò ḿâ ǹyɛɛi, “Mó gáloŋ da ǹee dîa a gɛɛ díkula díkâloŋ see-sãai ŋá dí pîlaŋ. Kpɛ́ni fêi díkâloŋ ƃɔrɔ lɛ́lɛɛ-ŋai da kula díŋûa da too.

Izikiɛ 5:6

A mɛni nyɔ́mɔ támaa kɛ́ kpɛ́ni fêi a tɔɔ mâ, a ŋátɔ̂ŋ-ŋai kara a ŋánaa a tɛɛ ǹɔii-ŋûŋ-ŋai ŋí dîa. A tɔɔ ŋátɔ̂ŋ-ŋai dîa a tɛɛ ǹɔii-ŋai ŋí dîa nyii-ŋai dítinaŋɔ̂ɔi mai. Kpɛ́ni fêi a ǹyée kúla ŋátɔ̂ŋ-ŋai mu va sîa a ŋátɔ̂ŋ lá-woo.

Ɉeremi 13:10

Ŋ̀wana lɔ̂ɔ-ƃelai ŋí ƃé da díyee kúla ḿù. Ǹûai ŋí wôlii kpɔ̂lɔɔi, dí ŋwana lɔ̂ɔ kpɔ́ nɔ́ dí kɛ́ ɣâla da kpɛ́ni-ŋa fɛ̀li, dí kɛ̀ tíi kɛ̀ dîɛ. M̀ɛni ma da pâi kɛ̂i nɔ́ yɛ̂ɛ gbasa bɛ̂rɛ-kpuai ŋí nyíi kɛ̂i fé ŋɔ́nɔ m̀a a dɔnɔ kpîŋ.

Azaya 2:11

Ɣele a pâi tãi Yâwɛɛ a pâi núu-kpune ŋɔsu-mɛni kɛ̂tɛi da ŋɔyoŋka mɛni-ŋai kélee kperâi. Yâwɛɛ ǹyaa tɔ̂nɔ kpéŋ nɔ́ ƃé núu-kpune a pâi kɛ̂i ǹáa maa tɛ̂i, gɛ́ ƃaa kɛ́ maa tɛ̂ɛ bɔ́.

Azaya 1:5

Óo ŋánûa, zɔnyɔ̂ŋ kula maa kɛ́ɛ ka zɔlɔ ƃôi, vé gula kɛ̂ɛ ƃó ní kámɛni ma? Lé mɛni ƃé ka tɔɔ̂i la m̀ai? Ka ŋ̀wɛ̂lii é ká kula maa kɛ́ a ŋ̀ánaa é tɛ́ɛ nyíti ma? Kɔlɔ a kpɛɛ kâa ka fûa.

Hanwon 18:12

Su-mɛni kɛ̂tɛ a pâ a su-kara núu pɔ́, ma-yeŋ-tua kɛ́ pà a ƃaa-kɛ-maa.

Hanwon 1:24

Tãi ŋá wɔ́lɔ ƃɛlɛ tôli ƃò la a káa a gɛɛ ká pái, káfe káwoli tɔɔ ni. Tãi ŋá wɔ́lɔ ńyee sã̀a lai, káfe ǹaa káa ni.

Hanwon 1:22

“Káai káfa mɛni ŋá kàa a ǹɛ́lɛɛi, ka pâi lɛ̂ɛi m̀ɛnii ŋí su a tãi ɣɛɛlu? Káai a ŋ̀ɛ́lɛ-maa-kula-ƃelai, lé-tãi ƃé ka pâi kperâi la kánîa-kɛɛ ma ɣɛlɛ-maa kuláa sui? Káai táre fé káŋuŋ sui, káfe pâi wɔ́lɔ mɛni maa kɔ̂rii?

Zôo 42:6

Maa mɛ̂ni ma, ŋâa nâa ŋ́oo síɣe pôlu. Ŋa ḿbôlu tɔɔ ńdûa-pere ma ŋa muluŋ da luu pú ŋûa a malôŋ-pere.”

Kɔlɔnikɔ Veerɛi 34:27

Kɛ́lɛ Yâwɛɛ è mò ǹyɛɛ kpɛ́ni fêi ílii mu è siɣe í ímaa-yeŋ Ɣâla ŋ́ɛi tuɛ tãi í mɛnii ŋí mɛ̂ni la é pîlaŋ gwaai ŋí da naa-ƃela diai ǹyaŋ í ímaa-yeŋ ŋ̀ɛi-tuɛ í íseɣei fála íwɔlɔi, ŋaâ nâa íwoo mɛni.

Kɔlɔnikɔ Veerɛi 33:19

Ŋɔɣâla fɛli wooi da berei Ɣâla è wɔ́lɔ zu too la da ŋɔsɔnyɔ̂ŋ, berei è wɔ́lɔ kula la Ɣâla polui, gwaa-ŋai è wɔ́lɔ gbɛtɛ gɛ ɣâla dakpɛ́ni-ŋa fɛli nâai da ŋâla-nɛniî Asira ŋ̀ɛi-kɛ-maa wurii da ŋâla-pɔkɔɔŋ-ŋai è wɔ́lɔ dɔ̀ɔ é lɛɛ pâi gbîŋ maa yenîi, gélee káa Ɣâla ŋɔlono-kɛ-ƃelai dímɛni pɔlɔi su.

Kɔlɔnikɔ Veerɛi 33:12

Tãi è kɛ la mɛni kpɔlui ŋí sui, è Yâwɛɛ nyíi kɛ̀ a Ŋɔɣâlai fɛli a mãa-yêŋ pere é m̀aa yêŋ ǹâŋ-ni Díɣâlai ŋɛ́i.

Tɔɔɓɛlaa dɔlɔɔ 18:21

Ilaiza è lì ǹûai ŋɛ́i-tuɛ ǹyɛɛ dîai, “Tãi ɣɛɛlu ƃé ka pâi kɛ̂i la Ɣâla feerɛ loai? À kɛ̀ Yâwɛɛ káa a Ɣâla, ka vɛli. Kɛ́lɛ à kɛ̀ Bêe káa a Ɣâla, ka vɛli.” Kɛ́lɛ ǹûai dífe mɛni da mò ní.

Lonon mo 14:27

“Tãi ɣɛɛlu ƃé ŋwana-lɔ̂ɔ-ƃelai ŋí da pâi díŋuŋ su-woo saâi la é pîlaŋ ḿâ? Ŋa díŋuŋ su-woo saa-wooi mɛ́ni a dámaa.

Lɛɛ gbɔwɔ ɓa 16:28

Nya ƃe Yâwɛɛ è Mose marê kɛ̀ ǹyɛɛ mai, “Tãi ɣɛɛlu ƃé káfe pâi fâai la a gɛɛ ka ŋatɔ̂ŋ-ŋai mɛi káa ká ŋalîa-woo-ŋai siɣei?

Lɛɛ gbɔwɔ ɓa 9:17

Kɛ́lɛ ƃa ŋɔnûai sóŋ ífe ŋ̀wɛ̂lii í dílɛɛ naa dí lí.

Kɔlɔnikɔ Veerɛi 7:14

À kɛ̀ ŋánûai nyii-ŋai ńaai seɣeɛɛi diai da dí maa yêŋdí ɣâla fɛli, dí ŋ́gɔri dí tínaŋ dí dípôlu tɔɔ dí ŋwana lɔɔ tua-ŋai dîa, gɛ̀ ní ŋa pâi lɛɛ̂i Ɣâla-taa ŋá díwoo mɛ́ni ŋá dísɔnyɔ̂ŋ su mɛni lɛɛ, ŋá dílɔii ƃálo.

Lɛɛ gbɔwɔ ɓa 4:23

Mɛni ma ŋa mó yâ a gɛɛ í ńoŋ-surɔ̂ŋ lɛ́ɛ naa é lí é ḿvɛli. Kɛ́lɛ ƃà wàla ǹɛɛ naa é lí, gɛ̀ ní ŋa pâi íloŋ-surɔŋ maa-ŋuŋ paâi.’ ”

Lɛɛ gbɔwɔ ɓa 10:4

Kɛ́lɛ à kɛ̀ ƃà wàla fáa a gɛɛ í ŋɔnûai lɛ́ɛ naa dí lí, gɛ̀ ní ŋa pâi gotó támaa tɛɛ̂i ílɔii su tínaa.

Tɔɔɓɛlaa veelɛ 22:19

Ŋa berei káa ímalôŋ è tòo la yâ tãi í ǹono la a gɛɛ ǹɔii da zu-ƃelai kélee su a pâi karâi kpɔ́ kpoŋ-kpoŋ dí kúla ŋ́ɛi. Í íma sêɣe fàla maloŋ tôo-maa su ǹyaŋ ŋa íwɔlɔ-woo mɛ̀ni.

Ɉeremi 50:29

“M̀ó gerâŋ pili-ƃelai dîa dí pɛ́lɛ Babelɔŋ ma. Diai kélee da pɔ̂ri kerâŋ pilîi dí dítɛɛ. Ka tínaŋ daa lêei ma. Káfe ǹɛɛ naa núu da é pú. Ka véla fé m̀ɛnii è gɛ̀i, m̀aa mɛ̂ni ma. Ka tûa la yɛ̂ɛ berei è tùa la a m̀arâai, kpɛ́ni fêi, è ŋɛi-tɛ kɛ̀ a ńyãai a Eezuɛi, Ŋɔmaa-waa ǹúui.

Danîa 5:22

“Kɛ́lɛ yái ŋí a ǹóŋ-surɔŋ Bɛsaza, ífe tûai a maa yêŋ-pere berei máŋ í m̀ɛni-ŋai ŋí kɔ́lɔŋ lai.

Lɛɛ gbɔwɔ ɓa 5:1

Nàa pôlu ma Mose da Eelɔŋ dí lì Gâloŋ pɔ́ naa dîyɛɛ mai, “Yâwɛɛ nyii gáa a Eezuɛ Ŋɔɣâlai è mò ǹyɛɛi, ‘Ŋánûai lɛ́ɛ naa dí lí a gɛɛ dí kúu kɛ́ ḿâ vɛ̃ɛ-kpâlaŋ su.’ ”