Ɛstɛrə 7:4 - Bible

⁴ Da kúsuui tɛ́ɛ nûa pɔ́ a gɛɛ dí zu-kara. Eêi kɛ̀ da ŋ̀wɛ̂lii nɔ́ dí kúkɔlɛ, ŋ́âi lɛ̀ɛ a ḿɛi saa, fêi fũa-fũa tɔɔ yâ. Kɛ́lɛ da gbɛ̀tɛ a gɛɛ dí kúsuu kpɛ́ɛ ɣele ma.”

Yálá laawoo hɛɓɛ

⁴ Yaan, ɲą́ą́ kwa ɉúwuhu nuą ka tii daa ku kwɛlɛ, ə gɛ, di ku paa. Ə li kɛ, di kɛ diɛ, ku kɛ lɔ a luwɔɠaai, və́li hvaa, mąąhɔlɔɓo, və́ li ə́ hviikpɛɛ a yili mąą mɛ̨nį.»

Ɛstɛrə 7:4 Referans Kwoze

Ɛstɛrə 3:9

A kɛ̀ íyee seɛɛi ŋ́ooi ŋí mu, m̀ó a gɛɛ dí ǹúu suui ŋí su kara ílɔii kpîniŋ-ŋai su. Ya gɛ̀ tí, ŋa pâi káne pãŋ ŋuŋ lɔ́ɔlu mɛi feerɛ pôlu buu lɔ́ɔlu (750) pûi ǹɔii ŋɔsɛŋ-kao lâai kɛ́ kwaai ma ǹɔii ŋɔtíi kɛ́ mɛni ma.”

Dutɛrɔnome 28:68

Yâwɛɛ a pâi kátɛɛ̂i pôlu Ize ya-ŋa keleŋ su berei máŋ ŋá mò la a gɛɛ káfe pâi wɔ́lɔ liî la naai. Ka kɛ̀ naa ka pâi kɛ̂i ŋ̀wɛ̂lii ká kákpîŋ kɔlɛ kákpɔara-ƃelai dîa, kɛ́lɛ núu da fé pâi ŋ̀wɛ̂lii é ká yá.”

Ɛstɛrə 3:13

Dí gɔlɔ-ŋai ŋí tɛ̀ɛ ǹɔii kpîniŋ-ŋai lá túɛ-ƃelai kélee pɔ́ naa a tɛɛ-ŋa. Gɔlɔi ŋí wóo ƃé kɛ̀ a gɛɛ dí fólo tɔnɔ siɣe dí Zuda-ŋai kélee paa, ǹúu kpaya-kpayai da bɛlɛ-pɛlɛi, a ŋ̀áloŋ buu káo feerɛi nyii Ibulu-ŋai da dòli a Adai ŋɔfólo puu káo saaƃa ɣele ti-ti, dí díkɔ̃lîŋ kélee síɣe.

Ɛstɛrə 8:11

Gɔlɔi ŋí wóo ƃé kɛ̀ a gɛɛ Zuda-ŋai da pɔ̂ri kpɔnîi díkîe ma dí díkpîŋ maa kɔ̃ɔ díkpɔara-ƃelai yêei. Gɔlɔi ŋí è wála-wala tɛ̀ɛ dípɔ a gɛɛ núu da a kɛ̀ pâi a gɛɛ é dísu-kara, da dílônii, dínɛyâai é pɛ́lɛ díkɔ̃liŋ ma, dí tɔ́ɔ a gbanaŋɔɔ dífe yào maa-ƃelai dîa. Da pɔ̂ri díkpɔara-ƃelai kpîŋ paâi dí díkɔ̃liŋ siɣe.

Amɔsə 2:6

Ɣâla Yâwɛɛ è mò, ǹyɛɛi, “Eezuɛ ŋɔsɔnyɔ̂ŋsaaƃa kpaa náaŋ mɛni ma, fé pâi ŋɔtɔŋ-kpɛ-maai siɣêi pôlu ma kpɛ́ni fêi, da dɔ̃yâ-nuui kɔ́lɛ sɛŋ-kao kole pôlu, da gôlo-nuui kɔ́lɛ kɔ́ɔ ŋá-kɔlɔ pôlu.

Zooɛ 3:6

Ka Zuda da Zerusâlɛŋ-ƃelai kɔ́lɛ Gurii-ŋai dîa lɔii kôya-ŋa su.

Ɛstɛrə 7:6

Ɛtɛ è ŋ̀óo su tòo ǹyɛɛ mai, “Emaŋ nalôŋ ŋí ƃe. Gáa a kúmaa wûlu-nuu, kúkpɔara-nuu da kúmaa nɔ̃́ɔ-nuu.” Emaŋ è gâloŋ da Ɛtɛ dí ŋɛ́i kàa kpɔ́ sĩ́i é yao kpɔ́ a ŋánaa.

Nehemi 5:5

Kwa dîa-ni kú fé kula ní koo ƃɔ̂lɔŋ tɔnɔ su? Dínîa pɛlɛi mɛni kpanaŋɔ̂ɔi é tɛ́ɛ kúwɔ̂-ŋai dîa? Gáa, kwa kúnîa pɛlɛi da-ŋa tɛɛ̂i luɛ lâa su, kúkɛ kúlônii-nɛyãai kɔ̂lɛ. Pɔ̂ri mâa tɔnɔ kpîŋ fé ŋɔ́nɔ kûɛ, kpɛ́ni fêi, da kú kpâlaŋ-ŋai da kú kpɔmɔ-ƃa kpâlaŋ-ŋai kélee kúla kúyêei.”

Samuɛlə dɔlɔɔ 22:23

Ye kɛ́ ƃɛ́ ífe yào. Núu da à kɛ̀ ŋ̀wɛ̂lii é ífulu-laai su lá, gɛ̀ ní m̀aa a kɔ̂i ŋ́ɔi pɔ́ máŋ. Ílii fé sɛ̀lɛŋ! Ya pâi kɛ̂i a íŋuŋ ma ƃóɔɔ ŋ́gɔlɛ ma ƃɛ́.”

Zasua 9:23

M̀ɛni ma, náɣaŋ káa kâa. Ká ta-ŋa ka pâi kɛ̂i a luɛ-ŋa, ká kɛ́ kɔi sîɣe, ká kɛ́ yá kɔɔ Ŋáɣâlai ŋɔpɛ́rɛi mu mɛni ma.”

Lukə 12:45

Kɛ́lɛ, ǹyée-mu-nuui ti à mò ǹíi su, ǹyɛɛi, ‘Ńâmu a tûa naa a zu-kôyaa,’ gɛ ǹyée-mu-sinaâi lôkwa, bɛlɛɛ ǹyée-mu-nɛyaai dîa, gɛ ǹáa miî, gɛ gbele, ǹɔɔ̂i kɛ́ gɛ̀,

Ɛstɛrə 7:5

Gâloŋ Atasɛra è Ɛtɛ marê kɛ̀ ǹyɛɛ mai, “Ǹúui nênɛ ƃé ŋɔkili ŋa siai a pɔ̂ri m̀ôi ma a gɛɛ é píli m̀ɛni kɛ́ɛ tí sui. Maa surɔ̂ŋ kɔ̂ɔ?”

Ɛstɛrə 8:6

Ŋà sèe ŋ́gɛ nûa kàa díkɛ ŋásuui da ŋá káayɔɔ-ŋai su-kara, lé lii see ƃé pâi kɛ̂i ńyêei?”

Ɛstɛrə 9:25

Ɛtɛ è lì gâloŋ pɔ́ naa é m̀ɛnii ŋí su kula ma. Nya ƃe gâloŋ è kɔlɔ tɛ̂ɛ ǹɔii kpîniŋ-ŋai su a gɛɛ m̀ɛni nyɔ́mɔɔi Emaŋ è gbɛ̀tɛ Zuda-ŋai mɛni mai, dí gɛ́ a ǹyaa Emaŋ. Dí zɛ̀lɛŋ ǹyeŋkêŋ-ŋai dîa da ǹônii-sinaai.

Danîa 6:2

É kúla nyíŋi pôlu, gâloŋ è núu saaƃa sìɣe é dísee ǹûai ŋí mɛi. Ǹûai ŋí dɔnɔ ƃé kɛ̀ a Danîa. Ǹûa saaƃai ŋí da kâa koraŋ-ƃo-ŋa tɛ̀ɛ gâloŋ pɔ́ a tãi kélee. È gɛ̀ tí a gɛɛ gɔ̃liŋ-ŋai da mɛni fé pili zu.