Timote dɔlɔɔ 3:16 - Bible

¹⁶ Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ: E gbîŋ lɛ̀ núu-kpune kɛ-pere su, Ɣâla e fâa Ŋɔmɔ̂leŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é dɛ́ la folo-laa su.

Yálá laawoo hɛɓɛ (dc)

¹⁶ A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Yálá laawoo hɛɓɛ

¹⁶ A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Nįį-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Timote dɔlɔɔ 3:16 Referans Kwoze

Ɉaan 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Hebreu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Markə 16:19

Kúnuu-namu Zîsɛ kɛ́ɛ a lóno dípɔi, è tɛ̀ Ɣâla-taa, é sée Ɣâla láa-mii-yee mɛi.

Lomaŋ 16:25

Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi kɛ̀ noo-perei wɔ́lɔ a tãi su kôya,

Lukə 24:4

Nya ƃe e kɛ̀ ti, díkɛɛ díkili ŋá siâi a mɛnii ŋi, ka gáa, sinâa feerɛ dí kɛ̀ tɔɔ ni díkɔlɛ yokpo foloɔ-ŋa su;

Kolosə 1:23

Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔɔ ka fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí e ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Zɔ̂ŋ Maa-ŋuŋ 1:2

Vúlu-laa è lɛ̀ kûa, kú gáa. Kwa m̀aa-sere-faa kɛ̀, kú ŋwɔlɔ-wɔlɔ fulu-laai mɛni ƃó kâa, nyíi kɛ̀ Nàŋ-nuui pɔ́ naa, ǹyaŋ è ǹɛ kûai,

Piɛrə dɔlɔɔ 3:22

nyíi a lí Ɣâla-taa gáa see ni Ɣâla láa-mii-yee mɛi da ŋ̀âla-taa-kela-ŋai, núu-mɛi-ƃelai, é pɛ́lɛ ŋwála-wala-ƃelai dîa nyíi-ŋai díkaa mui.

Piɛrə dɔlɔɔ 1:12

Ɣâla è ǹɛ dîa a gɛɛ dífe tíi kɛ́ ni díkpîŋ mì, kɛ́lɛ, dí tíi kɛ̀ kâa, mɛni-ŋai sârai nyíi-ŋai diai Duŋ Lɛ́lɛɛi ƃo kâa M̀ɔlêŋ Maa Waai nyíi kula Ɣâla-taai zarâi. Dí mɛni-ŋai ƃò kâa, ŋ̀âla-taa-kela-ŋai díkaa ŋ̀wɛ̂lii kpɔ́ a gbanaŋɔɔ a gɛɛ dí ŋ̀á káa.

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Kolosə 2:2

a gɛ́ɛ dílii su e kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Kolosə 1:27

Ɣâla e gbɛ̀tɛ gíli ŋá a gɛ́ɛ e nɛ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolosə 1:6

Duŋ Lɛ́lɛɛi a pá kápɔ. Gáa ƃâi ǹɔii su gwaa kélee gɛ ƃɔlɔ. Bere ƃé è kɛ̀ la kásama tãi ká Ɣâla ŋɔƃɛlɛ-sêei maa-mɛni mɛ̀ni la ká táre zu tɔ̃yâ sui,

Lukə 22:43

Nya ƃe kéla tɔnɔ e kùla Ɣâla-taa e pa bɔ a gɛɛ e zu kpanaŋ.

Maafîu 3:16

Zîsɛ kɛ́ɛ Zɔ̂ŋ a ŋɔbatâi kɛ́i, è kùla ǹyái su a maa félaa. Nya ƃe ŋele-kɔlɔŋ lá è ƃò mì, è Ɣâla Ŋɔmɔ̂leŋ kaa gɛ yeŋ yɛ̂ɛ tòloŋ é sée ma.

Zɔ̂ŋ Maa-ŋuŋ 3:5

Ká gɔ̀lɔŋ è pà a gɛɛ é sɔnyɔ̂ŋ siɣe, ǹyaŋ sɔnyɔ̂ŋ fé gbonôi.

Hebreu 12:2

Kwaa kúŋɛi kɛ́ Zîsɛ ma nyíi kúlaa-laai kɔ́ɔ pìlaŋ é maa waai, nyíi zaa-wurii siɣe a ǹii-nɛɛi kɛ̀ duɛi é ŋ̀ɛi nàɣîŋ ŋumɛ mɛ́i é see Ɣâla ŋɔsee-sɛŋ láa-mii-yee mɛi.

Timote dɔlɔɔ 3:9

fɛ̂ɛ dí naa-lai ŋɔloo-mɛnii kélee soŋ a díkili-ŋa-siai kélee.

Ɉaan 20:12

È Ɣâla-taa-kêla feerɛ kàa seɣe kôle su seêni ƃɛ́i dí Zîsɛ pomai lâa naai, dɔnɔ kɛ́ ƃò ŋuŋ tûɛ, dɔnɔ kɛ́ ƃò gwara.

Maafîu 1:23

“Ka gáa, nɛnî-kpela tɔnɔ a pâi koo siɣêi é lóŋ-surɔŋ maa sɔlɔ ƃó, nyii da pâi dôlii a Imayuwɛ” (nyii su-kulai ƃa, Ɣâla káa kúkɔlɛ).

M̀ɛni-lɛɛi 7:9

Nyíŋi pôlu ma, ŋá kpɔŋ kɛ́tɛ kàa, nyíi núu fa pɔ̂ri zu-ƃela lônoi. Dí kùla lɔii-ŋuŋ kélee su, dí kúla nuu-suu kélee su, dí kúla sii kélee su, díkɛ sii-woo kélee ƃo. Dí kɛ̀ ƃò tɔɔ ni gâloŋ-see-sɛŋ ŋ́ɛi-tuɛ da M̀ála-loŋ. Yokpo kole è kɛ́ dîa, tóu-laa kɛ́ ƃò díyêei.

Piɛrə dɔlɔɔ 1:20

Ɣâla è kɛ̀ a gɔ́lɔŋɔɔ nàa túɛ ŋ̀éniɛi kɔ́ɔ pîlaŋ tãi é lɛ́ɛ serii. Kɛ́lɛ, è ǹɛ a tãi gbɛɛ ŋá kámɛni ma.

Hebreu 7:7

Sîa kélee fé zu a gɛɛ núu pɔlɔ a lûwa làa lôloŋ ma.

Ifisiɛŋ 6:19

Ka Ɣâla fɛli máŋ ḿɛni ma a gɛ́ɛ ŋa mɛnii kɔlɔŋ ŋa pâi m̀ôi tãi ŋà ńâ ƃò-la a gɛ́ɛ ŋa Duŋ Lɛ́lɛɛi su loo-mɛnii ƃo a lii-kpelei.

Ifisiɛŋ 1:9

A ŋɔnîa-mɛnii su-loo-mɛnii lɛ́ kûa, yɛ̂ɛ berei ŋɔnîa-mɛni lɛ́lɛɛi káa la, nyíi gáa a ŋɔmɛni kpɛ́tɛɛi Kôrai kponôi.

Galatə 4:4

Kɛ́lɛ, tãi kpîŋ páai, Ɣâla e Ǹóŋ tɛ̀ɛ, nyíi nɛnî e zɔlɔ ƃôi. E pà dɔ̂ŋ yée mu. E pà a gɛ́ɛ e diai maa tée dí kɛ̀ dɔ̂ŋ mui,

Korɛntə dɔlɔɔ 15:47

Ǹúui maa-ŋuŋ è kùla ǹɔii su, dí gbɛtɛ a pɔ́rɔ; ǹúui veerɛi è kùla Ɣâla-taa.

Korɛntə dɔlɔɔ 2:7

Kɛ́lɛ, kwa Ɣâla ŋɔtáre-loo-mɛni-ŋai lɛ̀, nyíi Ɣâla e gbɛ̀tɛ nàa tuɛ ŋ̀éniɛi ŋí kɔ́ɔ e lɛ́ɛ pâi pîlanii kúfolo-laai mɛni mai.

Lomaŋ 10:18

Kɛ́lɛ, ŋa mare-kɛɛ kɛ̂i, dífe mɛni ni? Tɔ̃yâ ma, dí mɛ̀ni; kpɛ́ni fêi, “Ŋ̀âla-woo ƃo-ƃelai wóo a seri ǹɔii gwaa kélee, díwoo a seri ǹɔii kóyaŋ ma.”

Gɛlaɠaa 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Galatə 2:8

kpɛ́ni fêi, ǹúui Pitɛ kɛ̀ a sia-nuu a gɛ́ɛ e tíi kɛ́ diai sama díkpɛtɛɛ̂i, e ŋ́gɛ̀ máŋ a sia-nuu Zɛ̃tai-ŋai mɛni ma.

Lomaŋ 9:5

dia ƃe nàŋ-ƃela pɔlɔ-ŋai díkaa a dínâŋ-ni, ǹyaŋ Kôrai é kúla dísîi su yɛ̂ɛ berei díkaa-pere káa lai. Gáa a Ɣâla nyíi gáa sɛŋ kélee mɛi. Lûwa é kɛ́ mà wɔlɔ-wɔlɔ da wɔlɔ-wɔlɔ. É kɛ́ ti.

Gɛlaɠaa 10:34

Pitɛ è pɛ̀lɛ lônoi, ǹyɛɛi, “Tɔ̃yâ ma, ŋá gɔ́lɔŋ a gɛ́ɛ Ɣâla fa núu su ɣɛɛ.

Lomaŋ 8:3

Kpɛ́ni fêi, Ɣâla a mɛnii kɛ́ nyíi Dɔ̂ŋ fa pɔ̂ri gɛ̂i nyíi kúkpîŋ tua-perei e zu saai. È ǹyaa kpîŋ-Loŋ tɛɛ a gɛ́ɛ gbono e kɛ́ ma yɛ̂ɛ kúkpono nyíi ǹáa fɛɛ̂i a sɔnyɔ̂ŋ a gɛ́ɛ e saa sɔnyɔ̂ŋ mɛni ma. Berei-sii ŋí su ƃe e sɔnyɔ̂ŋ su kara la núu-kpune kpîŋ-tua-pere su,

Gɛlaɠaa 14:27

Dí páai, dí Kôrai-toli-kpɔŋ su-ƃelai kélee ŋá tɛ̀ ma, dí m̀ɛnii kélee ƃó dîa Ɣâla è gɛ̀ a diai da berei è pere lá ƃò la Zɛ̃tai-ŋai dîɛ a gɛ́ɛ dí láa lai.

Ɉaan 16:28

Ŋá kùla Nàŋ-nuui pɔ naa ŋa pa ǹɔii su; ǹyaŋ ŋa kulâi ǹɔii su ŋa li Nàŋ-nuui pɔ.”

Ɉaan 13:3

Zîsɛ e gɔ̀lɔŋ a gɛɛ Nàŋ-nuui a sɛŋ kélee tɛ́ɛ bɔ a gɛɛ ǹyaŋ e kula Ɣâla yée ŋá gɛ ŋɔ́nɔ li bɔ,

Lukə 24:51

Nya ƃe e kɛ̀ ti, gɛɛ kɛ̀ lûwa toôi diai, e kùla dísama, (e tɛ Ɣâla-taa).

M̀ɛni-lɛɛi 17:7

Kɛ́lɛ, Ŋ̀âla-taa-kelai è mò mâ, nyɛɛi, “Íla kpálaâi yâ, le-mɛni ma? Ŋa pâi nɛnîi ŋɔloo-mɛnii ƃôi yâ, da zuai gáa see ni mɛi, zuai nyíi ŋuŋ káa ŋûa lɔ́ɔlu mɛi feerɛ, míla kɛ́ ƃo ŋ̀ûa puui.

M̀ɛni-lɛɛi 17:5

Kili-ŋa-tɛi-laa è kɛ̀ a bɔ̃yɛɛ dôŋ lá. Nyíi zu-kulâi ƃa, “Babelɔŋ kɛ́tɛi, nyíi gáa a ŋwulu-wulu-nɛyaai da ǹɔii su ŋwana-lɔ̂ɔi díleei.”

Hebreu 8:1

M̀ɛnii kpîŋ gáa m̀ɛnii ŋí su kwa m̀ôi ǹyaa ká ŋí. Sâla láa soŋ-nuu kɛ́tɛ kɛ́ɛ ŋí káa kúyêei, nyíi gáa see ni Ŋ̀wála-wâla kélee Ɣalai ŋɔsee-sɛŋ láa-mii-yee mɛi-pere Ɣâla-taai.

Tɛsalonikə veelɛ 2:7

Kpɛ́ni fêi, ŋwana-lɔ̂ɔ ŋɔloo-mɛnii káa nâa tíi kɛ̂i; ǹúui nɔ́ a ŋ̀wana-lɔɔ̂i soŋ pôlui a pâi gɛ̂i ti é lɛ́ɛ la zu maa-nuui su é kara.

Tɛsalonikə veelɛ 1:10

Tãi a pâ la a maa-ɣelei ti a gɛ́ɛ ŋɔnûai dí ŋɔfólo-laai maa tɛ díƃâa kɛ́ m̀ai, kákelee ka pâi kɛ̂i dí sama, kpɛ́ni fêi, ka láa a kúsêre-faai.

Gɛlaɠaa 1:19

Nya ƃe Zerusâlɛŋ-ƃelai kélee dí gɔ̀lɔŋ, dí m̀aa lɔii kpuai ŋí tóli dísîi-wooi su a Akedama. Ŋ̀óoi ŋí su-kulâi ƃa Ŋãa Lɔii.)

Ɉaan 17:5

Ńâŋ, tãi ŋi su, ŋáfolo-laai maa tɛ́ íkpîŋ ŋɛi, volo-laai nyii kɛ̀ ńyêei, íkɔlɛ ǹɔii é lɛ́ɛ pâi kpɛtɛ̂i.

Ɉaan 15:26

“Kɛ́lɛ, Gbɔŋ-ma-nuui à pà, nyii ŋa pâi dɛɛ̂i kápɔ é kúla Nàŋ-nuui yêei, Dɔ̃yâ-Mɔleŋ ǹyaa kpîŋ, nyii kulâi Nàŋ-nuui yêei, ǹyaa ƃe pâi ḿaa-sere-faa kɛ̂i;

Ɉaan 6:62

Gɛ̀ ní eêi kɛ̀ leŋ à kɛ̀ kâi núu-kpune Ǹóŋ kàa gɛ tɛ ƃɛi e kɛ̀ naa fulɔi?

Lukə 2:32

Gáa a kwaa-ponoɔ a gɛɛ e Zɛ̃tai-ŋai ŋɛi lá ƃó. Gáa a folo-laa ínûai Eezuɛ-ŋai mɛni ma.”

Markə 16:5

Nya ƃe dí lɔ̀ gɔni-ƃoloŋ su, dí ńyaŋkpa tɔnɔ káa seêni naa laa-mii-yee mɛi-pere, yokpo kole kɛ́ ƃò ma. Díkili ŋá è tɛ̀i.

Markə 1:13

È kɛ̀ naa a ɣele kûu buu náaŋ Sêtɔŋ kɛ́ ǹyée làa ma. È kɛ̀ naa lɔɔ sua-ŋa sáma. Kɛ́lɛ ɣâla-taa kela-ŋa dí kɛ̀ naa máŋ díkɛ m̀ɛi kàa.

Maafîu 28:2

Ǹɔii è kpɛ̃liŋ kpɔ́ a ŋánaa. Kpɛ́ni fêi, Kúnuu-namui ŋɔkélai dɔnɔ è kùla Ɣâla-taa é pá é gɔnii kílîŋ é gúla m̀olôŋ lá é see mɛi.

Maafîu 13:11

È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Maafîu 4:11

Nya ƃe Dɛ̂ƃele è nâa sìɣe gɔlɛ. Ɣâla-taa-kela-ŋa dí pá bɔ díkɛ tíi kɛ̂ mì.

Mise 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyai.”

Piɛrə dɔlɔɔ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbonoi pàa, kɛ́lɛ, è kɛ̀ a vúlu mɔ̂leŋ su.

Azaya 7:14

M̀ɛni ma, Ǹuu-namui ǹyaa kpîŋ a pâi ŋɛi-kɛ-maa sîi da kɛ̂i káŋɛi. Nɛnî-kpela tɔnɔ da a pâi koo siɣêi é lóŋ-surɔ̂ŋ maa sɔlɔ ƃó. Da pâi ǹáa seêi a Imayuwɛ.

Lomaŋ 10:12

Kpɛ́ni fêi, Zûu-ŋai da Gurii-ŋai díŋa fe kɔlɛ ni. Nuu-namu tɔnɔi káa a núu kélee Namu, ǹyaŋ e ŋɔtɔɔ-laai tɛɛ diai kélee pɔ da ǹáa tolii.

Lomaŋ 3:4

Vé tí a dɔnɔ kpîŋ! Tɔɔ Ɣâla maa-mɛni é kɛ́ a tɔ̃yâ, berei máŋ núu-kpune mɛni fé la a tɔ̃yâi, yɛ̂ɛ berei bɔ̃yɛɛ̂i lai, “Nûa da pâi ítolîi a tɔ̃yâ-nuu ílono-woo-ŋai ma. Ɣele da ímɛnii ŋá tèe lai, ímɛnii a pâi lɛ̂lɛɛi.”

Lomaŋ 16:26

kɛ́lɛ, a nâa kula fíeŋ ŋái. Ɣâla ŋɔlóno kɛ́-ƃelai díkɔlɔ pɔ̃yɛɛi a ǹɔii-ŋai kélee kɛ́ da ŋorɛ-wooi ŋí kɔlɔŋ. Ŋwɔlɔ-wɔlɔ-Ɣalai ƃe mò ŋɔlóno kɛ́-ƃelai dîa a gɛ́ɛ dí nyíŋi kɛ́ a gɛ́ɛ ǹɔii-ŋai dí ǹaa-laai maa-mɛ̂ni siɣe a tɔ̃yâ.

Korɛntə veelɛ 1:19

Kpɛ́ni fêi, Zîsɛ Kôrai Ɣâla Ǹóŋ nyíi kwa maa-mɛni ƃò kásamâi, kwa Seveenɔ da Temete, ve niî kɛ́ ni a Ooei, Kpa; Ooei nɔ́ ƃe a tãi kélee gbonôi.

Piɛrə dɔlɔɔ 1:21

Ŋ̀âlai nyíi m̀u siɣe saa yêei é fólo-laa tɛ̀ɛ bɔi, ká láa la Zîsɛ sârai a gɛɛ kálaa-lai da kákili-kɛ-zui káa Ɣâla kponôi.

Zɔ̂ŋ Maa-ŋuŋ 3:8

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sâpoi Ɣâla Ǹóŋ è pà lai, nya ƃa a gɛɛ é Dɛ̂ƃele ŋɔtíi su kara.

Lukə 20:44

Deeƃé a dòli a Nuu-namu; à kɛ̀ ti, a pɔ̂ri kɛ̂i leŋ a ǹóŋ?”