Timote dɔlɔɔ 1:9 - Bible

⁹ Fɛ̂ɛ ku táre nyíŋi su a gɛ́ɛ dɔ̂ŋ fé tɔ̃yâ-ƃela mɛni ma, kɛ́lɛ, gáa diai mɛni ma dífa dɔ̂ŋ mɛi kâai, dífa woo-mɛni kɛ̀i, diai dífe a Ɣâla-ƃelai, sɔnyɔ̂ŋ-ƃelai, diai dímaa fé waa ni, diai dífa ɣâla-sii kélee fɛlii, diai da dínâŋ-ni pàai, diai da dílee-ni pàai, diai da núu pàai,

Yálá laawoo hɛɓɛ (dc)

⁹ 'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Yálá laawoo hɛɓɛ

⁹ 'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Timote dɔlɔɔ 1:9 Referans Kwoze

Galatə 3:19

Dɔ̂ŋ ŋɔsapoi ƃa ŋaŋ a le? Ɣâla e dɛɛ sɔnyɔ̂ŋ mɛni ma, é lɛ́ɛ la zu ǹóŋ é pá nyíi dí gono-teei kɛ̀ ǹyêei; dí dɛ̀ɛ a Ɣâla-taa-kela-ŋa ǹúu-loai-nuui sârai.

Piɛrə dɔlɔɔ 4:18

Ǹyaŋ, “À kɛ̀ dɔ̃yâ-nuui ƃálo-laa walai, gɛ̀ ní mí ƃe diai dífe Ɣâla kɔlɔŋ da zɔnyɔ̂ŋ-nuui da pâi kulâi naai?”

Lomaŋ 5:20

Dɔ̂ŋ è pà é dɔ̂ŋ karaai su kɛ́tɛ, kɛ́lɛ, ƃɛ́i sɔnyɔ̂ŋ su kɛ́tɛ̂i naai, m̀ɛlɛ-seei su kɛ́tɛ̂i naa e tɛɛ ma máŋ.

Galatə 5:23

maa-yeŋ, da núu kpîŋ mɛi káa; ǹyaŋ tɔ̂ŋ fe nyíi-ŋai ŋí dîa.

Taitɔ 3:3

Kpɛ́ni fêi, kûa kpîŋ kú kɛ̀ a ƃoo-ƃela a tãi da. Kúfe kɛ́ ní a woo-mɛni-ƃela. Kú pɔ̀ara berei mâ. Kú kɛ̀ a mɛni nyɔ́mɔɔ-sii támaa wɛ́liɛɛ ŋɔluɛ-ŋa da ǹîa-kɛ. Kúkɛ̀ kúɣele-ŋai tɛɛ̂i lii-ŋwâna su da tólo. Nûa dí kúkpɔara, kúkɛ kúkîe-ni kpɔara.

Lomaŋ 6:14

Káfe ǹɛɛ naa sɔnyɔ̂ŋ ŋɔwála-walai fé kɛ̀ kámɛi, tãi nɔ́ káfe la tɔ̂ŋ mu, fɛ̂ɛ m̀ɛlɛ-seei.

Lomaŋ 1:30

Dí kɛ̀ a laa-kâra-ƃela, Ɣâla kpɔara-ƃela, lii-kɛ̂tɛ-ƃela, su-mɛni kɛ̂tɛ-ƃela, yoŋka-ƃela, díkɛ sɔnyɔ̂ŋ nina kpɛ́-tɛ díkili ŋá, dífa díkaa-ƃela wóo mɛni,

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔɔkɔ̂ŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣaŋ pôlu pere.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́-ƃelai, da ŋwulu-ƃelai, da ŋâla-pɔɔkɔ̂ŋ fɛli-ƃelai, da nɛ̃ɛ-ƃelai kélee, díwɔ̂i a pâi kɛ̂i a ŋɔŋ kɛ́tɛi su, nyíi sɔɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ-ɣelei ká ŋí.”

Taitɔ 1:16

Da díkpîŋ lɛ̀ a gɛɛ dí Ɣâla kɔ́lɔŋ, kɛ́lɛ, da m̀aa-sia tòo dítûa-perei su. Nûa dífe díkɛ-naai wɛ̂li ní. Dífe a woo-mɛni-ƃela dífa pɔ̂ri mɛni lɛ́lɛɛ-sii kélee da kɛ̂i.

Piɛrə dɔlɔɔ 3:20

nyíi-ŋai dífe woo-mɛni kɛ̀ ni a maa-ŋuŋ tãi Ɣâla è dímaa kpɛ̂ŋ la a lii-kpele-pere Nôa ŋɔtãi ma a geleŋ-kpɛtɛ-tãi, nyíi núu-kpulu loŋ, zu-kulâi ƃa nuu lɔ́ɔlu mɛi saaƃa, è ƃàlo zu yá sârai.

Hebreu 11:31

Laa-la sârai Leea nyíi gbîŋ tɛ̀ɛ sinâa pɔ sɛŋ-kao mɛni mai, da diai dífe Ɣâla wóo mɛni ni dífe saa ni gîe ma, kpɛ́ni fêi, diai dí dítɛ̀ɛ a gɛɛ dí li Zɛleko kâai, è ǹyée sèe dímu a wɛli-kɛ-maa-pere.

Tɛsalonikə veelɛ 2:8

Ɣâla a pâi ŋ̀wana-lɔ̂ɔ-nuui lɛ̂i, Kúnuu-namui Zîsɛ é bàa a Ǹɛ̃wo, é zu kara a ŋɔpâi.

Lomaŋ 4:13

Ɣâla ŋɔkono-teei è gɛ̀ Eberaɣɛ̃ɛ yêei da ŋɔsuui su-ƃelai a gɛ́ɛ ǹɔii a pâi kɛ̂i a dípɔɔi, vé pa ní dɔ̂ŋ sârai, kɛ́lɛ, è pà tɔ̃yâ laa-lai sârai.

Maafîu 10:21

“Lia-nuu da leɣe-nuu da pâi díkîe tɛɛ̂i saa pɔ. Nàŋ-nuu kɛ́ ǹóŋ tɛ̀ɛ máŋ. Nîa-pɛlɛɛ da pâi tɔɔ̂i díkaa-ƃela dîa dí dípaa.

Izikiɛ 21:25

“Kaai a Eezuɛ mɛi-ƃela wãna-lɔɔi, ká mɔ̃lɛ-laai gbɛɛ-ŋai ŋɔ tãi a seri.

Ɉeremi 23:11

Yâwɛɛ è mò ǹyɛɛi, “Ɣâla ŋɔlóno kɛ́-ƃelai da zâla láa-soŋ-ƃelai dífe ŋɔ́nɔ a ɣâla-ƃela. Ŋá dísòŋ dí kɛ̀ ŋwana lɔ̂ɔ tùa-ŋa kɛ̀ Ŋ̀âla-pɛrɛ Kɛ́tɛi kpîŋ-kpiŋ mu.

Hanwon 30:17

Ǹúu a ɣɛ́lɛ-maa kùla ǹâŋ kponôi gɛ́ ǹee wóo pilii, kuɛ-ŋa da pâi ŋ̀ɛ́i-gao kulâi, gɔ̃ɔ-ŋa dí ǹuu kpéle.

Hanwon 30:11

Núu da-ni káa naa da dínâŋ náɣaŋ-laa, dífa máŋ ƃaa-kɛ-maa tɛ̀ɛ dílee pɔ́.

Hanwon 28:24

Ǹúui a ǹâŋ kpaa máŋ ǹee kɔ̂liŋ ŋùmai, é m̀ó ǹyɛɛ, “Mɛni nyɔ́mɔɔ fêi,” maa núui tí káa a ŋúma-nuu.

Hanwon 28:17

Núui a núu pàai, tɔɔ é pú é lɛ́ɛ naa é sáa. Núu da fé kpɔ̀ŋ mà.

Hanwon 20:20

Ǹúui a ǹâŋ kpaa máŋ ǹee nàɣaŋ, maa nuui ŋɔfúlu-laai a nîiŋ yɛ̂ɛ laŋpo a nìiŋ a kpíni.

Kɔlɔnikɔ Veerɛi 32:21

Maa kpîni tí, Yâwɛɛ è ŋɔkélai dɔnɔ tɛ̀ɛ Asiria-ŋai díƃûui su. È díkɔ-kuluƃai-ŋai wála-wala-ŋai da dílaa-tuɛ ƃelai da díi-kɛ́ ƃela kpaya-kpayai páa. Nya ƃe Asiria kaloŋ è lì pôlu ŋɔlɔii sú a ŋumɛ-pere. Tãi è li lai, è lì Ŋɔɣâlai ŋɔpɛ́rɛi kɛ́tɛi mui, a gɛ́ɛ é vɛ̀li. Ǹônii sinaai veerɛ dí lí naa dí bàa a díƃoa-sɔkpɔ-ŋai.

Tɔɔɓɛlaa veelɛ 19:37

Ɣele tɔnɔ da tãi è kɛ̀ ŋɔɣâlai Nisirɔ ŋɔpɛ́rɛi mu gɛ́ vɛ̀lii, ǹóŋ sinaai veerɛ, Aduramele da Sɛrizɛ dí pà dí bàa a díƃoa-sɔkpɔ-ŋai. Tãi dí bàa lai, dí pù dí lí Alala lɔii su. Dí ǹóŋ Isɛaadɔŋ sèe a kâloŋ bɔ́ɔ ŋá.

Samia Veerɛi 16:11

Deeƃé è mò ǹyée mu-nuui Abisai ma da m̀arâai ǹyɛɛi, “Gáa, ŋ́gbîŋ loŋ a wɛ̂lii é ŋuŋ lâ píli. Bɛŋsima ŋɔsuui su naloŋ ŋí ŋ̀ɔi káa a lé? Ka tée ma é ǹîa lono kɛ́, kpɛ́ni fêi, a gɛ̂i a Yâwɛɛ ŋɔwála-walai.

Dutɛrɔnome 27:16

“ ‘Náɣaŋ káa ǹúui ma va ƃaa kɛ́-maa tɛ̀ɛ ǹâŋ kpaa máŋ ǹee pɔ́i.’ “Ǹûai kélee da pâi m̀ôi dîyɛɛi, ‘É kɛ́ tí.’

Levetekɔ 20:9

“Ǹúu kélee a ǹâŋ kpaa máŋ ǹee laraŋ, fɛ̂ɛ dí maa nuui tí páa. Zaa mɛni a pâi lɛɛ̂i gbîŋ ŋ̀ûa.

Lɛɛ gbɔwɔ ɓa 21:14

Kɛ́lɛ à kɛ̀ núu à gìri à pɛ̀lɛ m̀arâŋ-nuu ma dɛ̂i-pere à bàa, fɛ̂ɛ í maa-nuui kúla ŋ̀âla-teƃelei ma a gɛɛ é sáa.

Lɛɛ gbɔwɔ ɓa 20:13

“Ífe núu pàa

Piɛrə dɔlɔɔ 2:7

Mɛni ma káai ka lâa lai, maa-mɛni kpanaŋɔɔ̂i káŋɛi. Kɛ́lɛ, diai dífe laa ni lai, “Gɔnii nyíi bɛ́rɛ tɔɔ-ƃelai dí díŋɛi nàɣiŋ mɛi, a nâa kɛ́ a bɛ́rɛi sonôŋ su-kɔnii gbîŋ-kpiŋ da.”

Hebreu 12:16

Ka gáa a gɛɛ núu da kélee fé kɛ̀ a goyaŋ-wulu-wulu kɛ-nuu, kpaa máŋ núu da kélee fé kɛ̀ a ǹúui Ɣâla-mɛni fé ǹíi sú yɛ̂ɛ Isɔɔ, nyíi ŋɔpɔɔ-sɛŋ kɔlɛ mii-sɛŋ miî tɔnɔ kpéŋ pôlui.

Galatə 5:21

sɛŋ maa-lii téɛɛ, (núu paá,) lɔɔ kpeleɛ, lɔɔ-kpele-kuu, da gbeli-ŋai díkaa yɛ̂ɛ nyíi-ŋai. Ŋa kalia-woo ƃôi yɛ̂ɛ berei ŋá kalia-woo ƃò la a maa-ŋuŋ, a gɛ́ɛ ǹúui a mɛni-ŋai ŋí kɛ̀i, ve pâi Ɣâla ŋɔkâloŋ-laai maa sɔlɔ ƃôi.

Galatə 5:18

Kɛ́lɛ, à kɛ̀ M̀ɔlêŋ à tɔ̀ɔ kátuɛ, gɛ̀ ní káfe dɔ̂ŋ mu.

Timote dɔlɔɔ 4:7

Ífe íwoli tɔ̀ɔ ƃoo-lɛɛ-mɛni pɔlɔ-ŋa dia. Dímaa fé waa ni. Íkpîŋ mɛi káa Ɣâla-mɛni su;

Timote dɔlɔɔ 6:20

Óo Temete, zɛŋ dí nɛ̀ɛ íyeêi, m̀ɛi káa. Ƃoo-lono nyíi maa fé waa ni, ísu kula ma, da sîa-mɛnii nyíi da dòli a táre lɛ́ɛ-perei sui,

Timote veelɛ 2:16

Ífe íyee píli moo-lono kɛɛ-ŋai ti su nyíi-ŋai dímaa fé waa ni, kpɛ́ni fêi, a pâi nûa kɛ̂i dí dípôlu tɔɔ Ɣâla-mɛni-kɛɛ ma a gbanaŋɔɔ.

Timote veelɛ 3:2

Kpɛ́ni fêi, nûa da pâi kɛ̂i a díkpîŋ-wɛli-ƃela, dí ƃo a sɛŋ-kao wɛli-ƃela, su-mɛni kɛtɛ-ƃela, yoŋka-ƃela, woo-nyɔŋ-ńâ-ƃela, ǹûai dífa díkaa-ƃela wóo mɛnii, ǹûai dífa mɛni lɛ́lɛɛ maa-sɛɣɛi-féi kɛ̀i, da ǹûai dímaa fé waa níi,

Taitɔ 1:6

Dí kɛ́ a ǹûai nyíi dísɔŋ fé diai. Dí nɛnî tɔnɔ-tɔnɔ kúla nɔ. Dí kɛ́ a ǹûai nyii-ŋai dínîa-pɛlɛɛi díkaa a laa-la-ƃela. Dífe kɛ̀ a nîa-pɛlɛɛ nyíi-ŋai nûa da mò a dílaa a tãi kélee a gɛɛ dísɔŋ nyɔ́mɔɔ̂i, woo-mɛni fé díyêei.

Taitɔ 1:10

Kpɛ́ni fêi, nûa támaa, ŋ̀uŋ kpɔ-kpɔɔi ƃa diai díkaa a Zûu-ɣala-woo ƃó ƃelai díkaa nɔ́ naa woo-mɛni fé díyêei. Díkaa nɔ́ a lóno-folo kɛ-ƃela da nuu-pɛlɛ-ƃela.

Zûu 1:15

a gɛ́ɛ é núu kélee ŋɔmɛni ŋá tée é tɔ̂ŋ pu ŋ̀wana-lɔ̂ɔ-ƃelai dîa díŋwana-lɔ̂ɔ-tuai kélee mɛni ma nyíi-ŋai dí gɛ̀ a ŋwana-lɔ̂ɔ-pere da ŋ̀óo kpanaŋ nyɔ́mɔɔ-ŋai kélee nyíi-ŋai zɔnyɔ̂ŋ-ƃelai nyíi-ŋai dífe Ɣâla-mɛni wɛ́li nii dí mò a ǹáai.”