Timote dɔlɔɔ 1:17 - Bible

¹⁷ Ŋwɔlɔ-wɔlɔ-Kaloŋ, nyíi va wɔlɔ saai, Ŋ̀âla tɔnɔi, nyíi núu fa gàai, ƃaa kɛ́-maa da fólo-laa dí kɛ́ ma wɔlɔ-wɔlɔ da wɔlɔ-wɔlɔ. É kɛ́ ti.

Yálá laawoo hɛɓɛ (dc)

¹⁷ Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Yálá laawoo hɛɓɛ

¹⁷ Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Timote dɔlɔɔ 1:17 Referans Kwoze

Zûu 1:25

fólo-laa, kɛ́tɛ-laa, da kpanaŋ-laa, é pɛ́lɛ wala-wala-laa ma dí kɛ́ Ŋ̀âla tɔnɔi ma tãi kélee tuɛ da tãi ŋí su, é pɛ́lɛ wɔlɔ-wɔlɔ ma, Ŋ̀âla tɔnɔi nyíi gáa a Kúƃalo-nuui Kúnuu-namui Zîsɛ Kôrai sârai. É kɛ́ ti.

M̀ɛni-lɛɛi 19:1

Nyíŋi pôlu ma, ŋá wóo su kpanaŋɔɔ mɛ̀ni é kúla Ɣâla-taa, gɛ́ɛ yɛ̂ɛ kpɔŋ kɛ́tɛ, díkɛ lâɣi, díyɛɛi, “Aleeluya! Ƃálo-laa, fólo-laa, da wála-wala-laa díkaa a Kúɣâlai pɔ́ɔ.

Kɔlɔnikɔ Maa-ŋuŋ 29:11

Óo Yâwɛɛ, íkɛ̂tɛi, íwala-walaa, ífolo-laai kɛ̀ ƃo ǹaa. Íkâloŋ-laai su kɛ́tɛi. Zãai kélee gáa ŋ̀elei su da ǹɔii mai díkaa a ípɔɔ. Óo Yâwɛɛ, yá ƃé ímaa tɛɛ̂i a zãai kélee kpɔ́ mɛi.

M̀ɛni-lɛɛi 17:14

Da pâi kɔ́ pɛlɛ̂i M̀ála-loŋ mâ. M̀ála-loŋ a pâi díyee mɛi ɣálêi, kpɛ́ni fêi, gáa a nuu-namu kélee Mɛi-nuu-namu, gɛ ƃo a kâloŋ-ŋa kélee Mɛi-kaloŋ. Diai díkaa gɔlɛi, dítoliɛ̂i, dílɛɛ, dísã́a.”

Kolosə 1:15

Gáa a Ŋ̀âlai nyíi kúfa gâai bɔɔkɔ̂ŋ, gáa a ǹúui maa-ŋuŋ ŋ̀éniɛi su kpɛtɛ-sãai kélee tuɛ;

M̀ɛni-lɛɛi 19:16

Láa è kɛ̀ a pɔ̃yɛɛ ŋɔyokpoi ma da ŋ̀wɛ́rɛ ma, nyíi kɛ̀ a kâloŋ-ŋa kélee Díkâloŋ da nuu-namela kélee Dínuu-namui.

Lomaŋ 1:23

Ɣâla nyíi va wɔ́lɔ saai, dí ŋɔfólo-laai maa fàleŋ a pɔɔkɔ̂ŋ nyíi m̀óoloŋɔɔ̂i núu-kpune ma nyíi zaâi, kpaa máŋ ŋɔni, sua, kpaa máŋ tɔara sãa.

Mąątɛ̨nɛ̨ 45:6

Gâloŋ-laai Ɣâla a dɛɛ ípɔi, gɔyɛŋ fé ma. Ya ínûai mɛi kâai a teniŋ ƃô-pere.

M̀ɛni-lɛɛi 19:6

È kɛ̀ tí, ŋá wóo mɛ̀ni gɛɛ yɛ̂ɛ kpɔŋ kɛ́tɛ wóo, gɛɛ yɛ̂ɛ yá támaa súluŋ-tiŋ, gɛ̀ ƃò yɛ̂ɛ ŋele-gbana-tiŋ kɛ́tɛ gɛ̀ lâɣi, nyɛɛi, “Aleeluya! Kpɛ́ni fêi, Kúnuu-namui Ŋ̀wála-wâla kelee-Ɣalai káa sɛŋ kélee mɛi.

Zɔ̂ŋ Maa-ŋuŋ 4:12

Núu da kélee fé niî Ɣâla káa ni. A kɛ̀ kwa kúkîe-ni wɛ̀li, gɛ̀ ní Ɣâla káa kúkponôi, ŋɔwɛli-kɛ-maai láa fɛ̂ɛ kúkponôi.

Ɉaan 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Maafîu 6:13

Tɔɔ kútuɛ kúfe píli yee-laa-maa su, Kɛ́lɛ, í kúkula mɛni nyɔ́mɔɔ su. (Kpɛ́ni fêi, ƃia ƃe ípɔɔ ƃa gâloŋ-laai, ŋwála-wala-laai, da vólo-laai, wɔlɔ-wɔlɔ da wɔlɔ-wɔlɔ. É kɛ́ tí.’)

Mąątɛ̨nɛ̨ 90:2

Í lɛ́ɛ pâi ǹyée kpaya-kpayai kpɛtɛ̂i, kpaa máŋ ǹɔii da ŋ̀éniɛi, íkaa nɔ́ a Ɣâla wɔ́lɔ-wɔlɔ da wɔ́lɔ-wɔlɔ. Yá nɔ́ ƃa Ŋ̀ɔlɔ-wɔlɔ da wɔ́lɔ-wɔlɔ Ɣalai.

Mąątɛ̨nɛ̨ 10:16

Yâwɛɛ káa a kâloŋ wɔ́lɔ-wɔlɔ da wɔlɔ-wɔlɔ. Diai da ɣâla da kpɛ́ni-ŋa fɛlii, da pâi lánîii ǹɔii su.

M̀ɛni-lɛɛi 15:3

Dí kɛ̀ Mose ŋɔwulei toôi, nyíi kɛ̀ a Ɣâla yée-mu-nuui, díkɛ M̀ála-loŋ ŋɔwulei tôo, díyɛɛi, “Ítûa-perei kɛ́tɛ̂i maa pɔlɔ-pɔlɔɔ, Óo Kúnuu-namui Ŋ̀wála-wâla kelee-Ɣalai! Ítûa-perei sã́âi, gɛ ƃo a tɔ̃yâ, Óo ǹɔii-ŋuŋ kélee mɛi-Kaloŋ!

M̀ɛni-lɛɛi 7:12

díyɛɛi, “É kɛ́ tí! Lûwa, fólo-laa, táre, sɛɣɛ-féi, ƃaa-kɛ-maa, wala-wala-laa da kpanaŋ-laa dí kɛ̀ Kúɣâlai ma wɔ́lɔ-wɔlɔ da wɔlɔ-wɔlɔ! É kɛ́ tí.”

Piɛrə veelɛ 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ ti.

Piɛrə dɔlɔɔ 5:11

Ŋ̀wála-wâlai é kɛ́ a bɔ́ɔ wɔlɔ-wɔlɔ da wɔlɔ-wɔlɔ. É kɛ́ ti.

Hebreu 11:27

Laa-la sârai è kùla Ize, vé yao ní gâloŋ ŋɔlii-ŋwanai mâ. Kpɛ́ni fêi, è kɛ̀ yɛ̂ɛ ǹyaa ƃe è ǹúui kàa nyíi núu fa gàai.

Lomaŋ 16:27

Laa-maa-tɛ̂ é tɛ́ɛ dáre Ɣala tɔnɔi pɔ́ wɔ́lɔ-wɔlɔ da wɔ́lɔ-wɔlɔ Zîsɛ Kôrai sârai! É kɛ́ tí.

Lomaŋ 11:36

Kpɛ́ni fêi, sɛŋ kélee a kûla ǹyêei, ǹyaŋ sɛŋ kélee kɛ́ kpɛ̀tɛ zarâi, sɛŋ kélee kɛ́ ƃo ŋɔ́nɔ a bɔ́ɔ. Ǹyaŋ folo-laa káa mà wɔlɔ-wɔlɔ da wɔlɔ-wɔlɔ. É kɛ́ ti.

Lomaŋ 2:7

Diai da mɛni lɛ́lɛɛ kɛ̀ a lii-kpele díkɛ folo-laa kɔ̀ri, ƃaa kɛ́-maa, da wɔ́lɔ-wɔlɔ fulu-laai, Ɣâla a pâi wɔ́lɔ-wɔlɔ fulu-laa tɛɛ̂i dípɔ.

Lomaŋ 1:20

M̀ɛni-ŋai bîlaŋɔɔi Ɣâla ma nyíi-ŋai kúfa díkàa a kúŋɛi-gaoi, nuu-kpune a díkàa kpɔ́ a zu-ponoɔɔ é siɣe ŋ̀éniɛi kpɛtɛ tãi ma, kpɛ́ni fêi, da díkàa ŋɔkpɛtɛ sãai sârai. M̀aa mɛni-ŋai ƃa ŋɔwɔ́lɔ-wɔlɔ wála-walai da Ŋɔtɔ̃yâ Ɣala-laai. M̀ɛni ma káfalo da kélee fe díyêei.

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ-tãi mai.

Malasi 1:14

Náɣaŋ káa fili-nuu ma nyii sâla kula ḿâ a taa-sûa nyɔ́mɔɔ, ǹyaŋ a góno tee a taa-sûa lɛ́lɛɛ ŋɔtaa-sûai sáma a gɛɛ é sâla kula la ḿâ. Kpɛ́ni fêi, ŋ́gaa a kâloŋ kɛ́tɛ, ǹyaŋ ǹɔii-ŋûŋ-ŋai kélee da yao ḿâ.”

Mise 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyai.”

Danîa 7:14

Dí wála-wala-laa, ƃaa kɛ́-maa da lɛɛ-yeei-sɛŋ tɛ̀ɛ bɔ́. Sîi kélee ɣele mai dí pɛ̀lɛ gɔ́ɔ mu dí vɛ̀li. Ŋɔkɛ-naa-laai káa naa wɔ́lɔ-wɔlɔ da wɔ́lɔ-wɔlɔ. Núu da fé pâi wɔ́lɔ ŋɔkâloŋ-laai su-karai.

Danîa 4:37

“Mɛni ma, ńyãa Nɛbukinaza, ŋa ŋ̀elei su Kaloŋ láa ma tɛ̂i a ŋ̀ánaa, ŋ́gɛ ŋɔkɛ́tɛ-laai mɛ̂ni ƃò a gbanaŋɔɔ. Ŋa gɛ̂i tí, kpɛ́ni fɛ̂i, dûa-pere kélee lɛ̂lɛɛi gɛ́ mɛni kélee kɛ̀ a tɔ̃yâ-pere. Ǹyaŋ ǹúui kélee a gbîŋ su-mɛni kɛ̀tɛi, a maa-nuui ŋáa yèŋ.”

Danîa 4:34

M̀ɛni-ŋai ŋí kɛ́ɛ pôlu ma, gâloŋ Nɛbukinaza è mò ǹyɛɛi, “Góraŋ lɔ́ɔlu mɛi feerɛi tɛɛ pôlu maa, ŋá ŋ́ɛi tɛ̀ ŋ̀elei su ŋá gáa a gɛɛ ŋa pá pôlu ŋ́gbonôi yɛ̂ɛ berei ŋá kɛ̀ la a bɔlɔi. Nya ƃe ŋá Ŋ̀wɔ́lɔ-wɔlɔ da wɔ́lɔ-wɔlɔ kɛ-ɣele ma ɣala kɛ́tɛi láa ma tɛ̀, ŋá ƃaa kɛ́-maa tɛ́ɛ bɔ́, ŋá ŋɔkɛ́tɛ-laai maa mɛni ƃó. Ŋɔkâloŋ laai káa a wɔ́lɔ-wɔlɔ da wɔ́lɔ-wɔlɔ kaloŋ-laa.

Ɉeremi 10:10

Kɛ́lɛ, Yâwɛɛ ƃa dɔ̃yâ Ɣâlai. Ǹyaa ƃé gáa a gɛ̀-ɣele-ma Ɣalai da ŋ̀ɔlɔ-wɔ́lɔ Kaloŋ. A ńii ŋwàna, ǹɔii a pû zu. Lɔii-ŋuŋ da fa pɔ̂ri tɔɔ̂i ŋɔlii ŋwânai ŋɛ́i túɛ.

Mąątɛ̨nɛ̨ 145:13

Íkâloŋ-laai káa naa wɔ́lɔ-wɔlɔ, ǹyaŋ íkaa a kâloŋ wɔ́lɔ-wɔlɔ. Yâwɛɛ teniŋ ƃôɔɔi ŋɔkono-tee-ŋai kélee su. Ŋɔmaloŋ kâai káa gɛ́-mɛni kélee su.

Mąątɛ̨nɛ̨ 106:48

Ka Yâwɛɛ, Eezuɛ Ŋɔɣâlai láa maa tɛ́. Ka ǹáa maa tɛ́ wɔ́lɔ-wɔlɔ da wɔ́lɔ-wɔlɔ. Kákelee ka m̀ó kâai, “É kɛ́ tí.” Kwaa Yâwɛɛ láa maa tɛ́.

Nehemi 9:5

È kɛ̀ tí, Liiva-ŋai ŋí, Zasua, Kamiɛ, Bani, Asania, Sirɛbiya, Odia, Sibania da Pitaia ni dí mò ǹûai dîa dîyɛɛi, “Ka ká mu siɣe ká tɔ́ɔ, ká laa maa tɛ̂ tɛɛ Káɣâlai Yâwɛɛ pɔ́ nyii gáa naa wɔ́lɔ-wɔlɔ da wɔlɔ-wɔlɔi. Tɔɔ núu kélee é laa maa tɛ̂ tɛɛ bɔ́ ŋɔláa maa waai mɛni ma. Núu-kpune fa pɔ̂ri gɛ́ mɛni kélee ƃôi.”

Danîa 2:44

Gâloŋ-ŋai ŋí dítãi ma, ŋ̀elei-su Ɣalai a pâi kâloŋ-laa da seêi. Núu da fé pâi wɔ́lɔ pɔrîi zu-karai kpaa máŋ é ǹyée mɛi ɣále. A pâi gâloŋ-laa-ŋai tí kélee pûi gɔ́ɔ mu é dí fṹa-fûa. A pâi kɛ̂i naa wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 57:11

Óo Ɣâla, íkɛtɛ-laai lɛ́ ŋ̀elei su, da ífolo-laai ŋ̀éniɛi gwaa kélee ma.

Mąątɛ̨nɛ̨ 45:1

Wóo lɛ́lɛɛ-ŋa da ńii láa fɛ̂ɛ, ŋa kɛ̀ wule toôi gâloŋ ma. Berei kpɔ́ nɔ́ kɔlɔ pɔ̃yɛ-nuu a kɔlɔ-kpáu sìɣe la gbɛtɛɛ kɔlɔ pɔ̃yɛ mɛni mai, bere nɔ́ ƃé ŋ́gbîŋ kpɛtɛ̂ɛi la ŋ̀ulei ŋí too mɛ̂ni ma.

Mąątɛ̨nɛ̨ 41:13

Ka laa maa tɛ̂ tɛɛ Eezuɛ Ŋɔɣâlai Yâwɛɛ pɔ́! Ka laa maa tɛ̂ tɛɛ bɔ́ wɔ́lɔ-wɔlɔ da wɔ́lɔ-wɔlɔ. É kɛ́ tí! É kɛ́ tí!

Ɉaan 5:44

Ka pɔ̂ri leŋ lâai la, káai ka káyee sèe kákîe-ni díƃâa-kɛ-maai mu? Káfa ǹyaŋ mâa-kɛ-maai kɔri nyii a kùla Ŋ̀âla tɔnɔi yêei.

Lomaŋ 2:10

Kɛ́lɛ, folo-laa, ƃaa kɛ́-maa, da lii-sêe káa ǹúui kélee mɛni ma da mɛni lɛ́lɛɛ kɛ̀i, m̀aa-ŋuŋ ƃa Zûu-nuu da Gurii-nuu máŋ,

Hebreu 2:7

Í gɛ̀ ŋ̀âla-taa-kela-ŋai mu-pere a da-loŋ. Í fólo-laa da ƃaa-kɛ-maa-ƃɔrɔ sèe ŋ̀ûa, í zee íkpɛtɛ-sãai kélee mɛi,