Tɛsalonikə dɔlɔɔ 4:6 - Bible

⁶ a gɛ́ɛ núu da fe mɛni nyɔ́mɔɔ kɛ́ a m̀arâŋ-nuu, kpaa máŋ é wôya kɛ́ la mɛnii ŋí su, kpɛ́ni fêi, Kúnuu-namui kâa a mɛni-pɔɔ-teei kula-nuu mɛni-ŋai ŋí kélee su, yɛ̂ɛ berei ku dòo la kákili ŋá nâa tuɛ a gbanaŋɔɔi.

Yálá laawoo hɛɓɛ (dc)

⁶ nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Yálá laawoo hɛɓɛ

⁶ nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Tɛsalonikə dɔlɔɔ 4:6 Referans Kwoze

Hebreu 13:4

Tɔɔ nɛnî-kula-mɛni é kɛ́ a ƃaa-kɛ-maa pere-sii kélee su. Nɛnî-kula-pɛrɛi mu fé kàra. Kpɛ́ni fêi, Ɣâla a pâi goyaŋ-wulu-wulu kɛ́-ƃelai da ŋwulu-wulu kɛ́-ƃelai dímɛnii ŋá têei.

Lomaŋ 12:19

Ŋáwɛli-kɛ-maa-ƃelai, káfe mɛni pɔ́ɔ kula káa kpîŋ. Kɛ́lɛ, ka ǹɛɛ naa Ɣâla ŋɔlii-wana kpanaŋ mɛni ma, yɛ̂ɛ berei bɔ̃yɛɛ̂i la, “Mɛni pɔ́ɔ kúlaa káa a ḿbɔɔ, ŋa pâi bɔ́ɔ kulâi. Kúnuu-namui ƃe mò ti.”

Lɛɛ gbɔwɔ ɓa 20:17

“Ífe íƃarâŋ-nuu ŋɔpɛ́rɛ maa liî tèe. Ífe íƃarâŋ-nuu ŋɔnɛnîi maa liî tèe, é pɛ́lɛ ǹyée ŋá surɔ̂ŋ ma, ǹyée ŋá nɛnîi, ŋɔni-ŋai, da ŋɔsoo-falaŋ é pɛ́lɛ gɔ̃liŋ kélee ma.”

Lomaŋ 1:18

Ɣâla ŋɔlii-ŋwanai a kûla Ɣâla-taa é lɛ́ diai dîa da tɔ̂ɔ Ɣâla mai da ŋ̀wana-lɔ̂ɔ-ƃelai nyíi-ŋai da dɔ̃yâi su kara a díŋ̀wana-lɔ̂ɔi.

Hanwon 28:24

Ǹúui a ǹâŋ kpaa máŋ ǹee kɔ̂liŋ ŋùmai, é m̀ó ǹyɛɛ, “Mɛni nyɔ́mɔɔ fêi,” maa núui tí káa a ŋúma-nuu.

Lɛɛ gbɔwɔ ɓa 20:15

“Ífe ŋúma kɛ̀.

Zĩi 5:4

Ka gáa, diai da tíi kɛ̀ kákpâlaŋ ŋái, dífela-féi nyíi ka ǹɛɛ pôlu wôya-pere sui, da wɔ́lɔ̂i a díwoo sú kɛ́tɛ. Ǹyaŋ dii-kɛ-ƃelai wɔ́lɔ-woo a lɔ́ Ŋ̀wála-wâla kelee-Namui wólii.

Zĩi 2:6

Kɛ́lɛ, ka ƃâa kula gôlo-nuui ma. Dɔɔ-ƃelai dífa káluaŋ? Dia fa pa a káa kôti sui?

Galatə 5:21

sɛŋ maa-lii téɛɛ, (núu paá,) lɔɔ kpeleɛ, lɔɔ-kpele-kuu, da gbeli-ŋai díkaa yɛ̂ɛ nyíi-ŋai. Ŋa kalia-woo ƃôi yɛ̂ɛ berei ŋá kalia-woo ƃò la a maa-ŋuŋ, a gɛ́ɛ ǹúui a mɛni-ŋai ŋí kɛ̀i, ve pâi Ɣâla ŋɔkâloŋ-laai maa sɔlɔ ƃôi.

Lomaŋ 13:4

kpɛ́ni fêi, gáa a Ɣâla yée-mu-nuu a gɛ́ɛ é mɛni lɛ́lɛɛ kɛ́ ímɛni ma. Kɛ́lɛ, à kɛ̀ yà mɛni nyɔ́mɔɔ kɛ̀, gɛ̀ ní yao é kɛ́ íkɔlɔ̂i, kpɛ́ni fêi, va ŋɔƃóa-sɔkpɔ̂i siɣe, kpɛni fêi, gáa a Ɣâla yée-mu-nuu a gɛ́ɛ e Ɣâla ŋɔlii-ŋwanai maa-tɔŋ kpɛ́ sɔnyɔ̂ŋ-ƃela dîa.

Lukə 12:5

Kɛ́lɛ, ŋa pâi kálîa-woo ƃôi ǹúui nyii fɛ̂ɛ ka yao mai. Ka yao ǹúui ma a kápàa, nàa pôlu ma wala-wala kɛ́ ƃo ǹyêei a gɛɛ e kápili Dɛ̂ƃele-taa; ooei, ŋá m̀ó kâa, ka yao mà!

Malasi 3:5

Ŋ̀wála-wâla kélee Yâwɛɛ a môi ǹyɛɛi, “Ŋa pâi pâi kápɔ ŋá kámɛnii ŋáa tée, ŋá sêre-faa kɛ́ ŋɔ́nɔ é pîlaŋ bóniŋ kɛ́-ƃelai dîa da ŋ̀ulu-wulu kɛ́-ƃelai, ǹɛ́ɛ-sere-faa kɛ́-ƃelai, da diai da díi-kɛ́-ƃelai dífela-fei mîi a wôya perei, diai da díŋɛi nàɣiŋ bɔɔ-nɛyãai mɛi, dee-lônii, ǹɔii da kpɛ́ni su-ƃelai, é pɛ́lɛ diai dîa dífa ƃaa-kɛ́-maa tɛ̀ɛ ḿbɔi.

Izikiɛ 22:13

“ ‘Ŋa pâi ńyee tôoi kâa ka-woya sãai da ká núu paa mɛni-ŋai mɛ̂ni ma.

Tɛsalonikə veelɛ 1:8

a gɛ́ɛ dí tɔ̂ŋ-kpɛ́ diai dîa dífe Ɣâla kɔ́lɔŋ da diai dífa díyee see Kúnuu-namui Zîsɛ ŋɔtuŋ lɛ́lɛɛi mui.

Ifisiɛŋ 5:6

Núu da fé kápɛlɛ a wóo folo-ŋa. Kpɛ́ni fêi, nyíŋi-ŋai ƃe da pâ a Ɣâla ŋɔlii-ŋwanai nîa-pɛlɛɛi dîa dífa ŋ̀óo mɛ̀nii.

Ifisiɛŋ 4:17

Mɛni ma ŋá nyíŋi ƃó kâa ŋa sere-faa kɛ̀ Kúnuu-namui kponôi a gɛ́ɛ káfe ŋɔ́nɔ tua yɛ̂ɛ berei Zɛ̃tai-ŋai da tûa la díkili-ŋai su kɛ́ ƃo kpɛni-kpɛni;

Markə 10:19

Í dɔ̂ŋ-ŋai kɔ́lɔŋ: ‘Ífe núu pàa, ífe wulu-wulu kɛ̀, ífe ŋúma kɛ̀, ífe wôya sere-faa kɛ̀, ífe wôya kɛ̀, ƃâa kɛ́ ínâŋ ma da ílee.’ ”

Sofoni 3:5

Kɛ́lɛ Yâwɛɛ káa dísama. A tɔ̃yâ-mɛni kɛ̀, va mɛni nyɔ́mɔɔ kɛ̀. Ɣele-wâla kélee a ŋɔtɔ̃yâ-laai lɛ̂, ɣele ƃɔ́ɔ kélee va fɛ̂ɣɛ, kɛ́lɛ ŋumɛ fé wôya-nuu ma.

Sofoni 3:1

Kpalo ƃêlai Zerusâlɛŋ taa-leei ma dɔɔ̂i Ɣâla mai, gɛ́ ŋɔnûai lûwaŋ!

Ɉeremi 9:4

Ka ká mɛi káa a kálâoi-ni. Káfe kákili tɔ̀ɔ kákaayɔɔ-ŋai dîa. Kpɛ́ni fêi, kákaayɔɔ-ŋai díkaa a núu pɛlɛ-ƃela yɛ̂ɛ Zeeka. Ǹyaŋ núu kélee káa a núu láa kara-ƃela.

Ɉeremi 7:6

à kɛ̀ ka wàla tûa a ŋ̀ɔ̃ya-ŋai, da diai dínâŋ-ni dífe mai, kpaa a bɔɔ-nɛyãai a nyɔ́mɔɔ, kpaa ká núu páa ƃɛ́ nyíi ŋuŋ fé mai, à kɛ̀ ka wàla ɣâla-da-kpɛ́ni-ŋa fɛli, a kákpîŋ lii ŋwàna,

Azaya 5:7

Gbɔmɔ kpâlaŋ ŋí káa a Ŋ̀wála-wâla kélee Yâwɛɛ pɔ́ɔ. Eezuɛ-ƃelai ƃa gbɔmɔ kpâlaŋ è zìi. Zuda-ƃelai ƃa ǹaa si-sãa lɛ́lɛɛ-ŋai. A ŋ̀wɛ̂li nûa díkɛ teniŋ-ƃô mɛni-ŋa kɛ̀, kɛ́lɛ díkaa nɔ́ núu paâi. A ŋ̀wɛ̂lii díkɛ tɔ̃yâ mɛni kɛ̀, kɛ́lɛ maloŋ too-maa wɔlɔ-woo nɔ́ ƃé a mɛni lá da díluanîi.

Ikilisiati 5:8

Ya gàa ǹúu mɛi-ƃelai díkɛ gôlo-ƃelai lùaŋ núu da fé naa é lóno dímɛni ma, vé kɛ̀ a guláa a yá. Kpɛ́ni fêi, kâloŋ-ŋa kélee díkaa díkîe-ni wóo pôlu, ǹyaŋ ǹúui ŋɔwála-walai tɛɛ̂i díwɔ̂i mai gɛ́ ƃò dípôlu.

Hanwon 20:23

Sɛŋ-kɔɔŋ-sɛŋ sii feerɛ ƃɛlɛ fé Ɣâla Yâwɛɛ koi. Wôya sɛŋ-kɔɔŋ-kɔli fé lɛ́lɛ-ni.

Hanwon 20:14

Sɛŋ-ya-nuu a ǹá-wɔlɔ ƃò gɛ̀ m̀o a gɛɛ zɛŋ a ǹyai vé lɛ́lɛ ní a gɛ́ɛ é zɔ̃ɔ maa yèŋ. Kɛ́lɛ, tãi a ǹya lai, a kɛ́ yoŋka têei a gɛ́ɛ è ǹya a zɔ̃ɔ-loŋ.

Hanwon 11:1

Ɣâla Yâwɛɛ a ǹûai kpɔ̀ara diai da dí-sɛŋ kɔ̂ɔŋ-kɔli-ŋai ɣîrii, kɛ́lɛ ǹíi lâai dɔ̃yâ sɛŋ-kɔɔŋ-kɔli namelai yêei.

Mąątɛ̨nɛ̨ 140:12

Yâwɛɛ, ŋá gɔ́lɔŋ a gɛɛ ya tɔ̂ɔ gôlo-ƃelai pôlu, íkɛ ǹúu doo-mu-ŋai maa kɔ̃̂ɔ.

Mąątɛ̨nɛ̨ 94:1

Óo Yâwɛɛ, íkaa a Ɣâla nyii a mɛni kpa kulai. Gba kula Ɣâlai, íkpîŋ lɛ́ kûa.

Dutɛrɔnome 32:35

Nyaa ƃé a pɔ̂ri mɛni kula maa kɛ̂i. Nàa fé pâi tûai da pâi tálanîi dí tóo. Díkula maa kɛ́ tãi a pâi. Dísu-kara tãi a lɛɣɛ.

Dutɛrɔnome 24:7

“Ka núu da soŋ nyii a Eezuɛ nuui da ǹóŋ ŋúma a gɛɛ é gɛ́ a ŋɔluɛ kpaa máŋ é gɔlɛ, ka maa nuui kpîŋ paa. Fɛ̂ɛ ka m̀ɛni nyɔ́mɔɔ kɛ́-ƃelai kúla kásama.

Levetekɔ 25:17

Káfe káƃarâai Eezuɛ-ŋai da fìli. Ka ƃaa kɛ́-maa tɛ́ɛ Káɣâlai Yâwɛɛ pɔ́.

Levetekɔ 25:14

Ka káƃarâai ka mɛni kpɛtɛɛ kɛ̀ a gɛɛ ká sɛŋ da yá díyêei kpaa máŋ kɔ́lɛ dîa, káfe ŋɛi-naɣiŋ mɛi kɛ̀ a maa-ƃelai. Ka kákîe ni soŋ a núu-lâa pere.

Levetekɔ 19:13

“Káfe káƃarâŋ nuu ŋuŋ mɛi tée tûa kɛ̀ la, kpaa máŋ ká vili. Kátii kɛ́-ƃelai dífela-fei fé nyîi kâa.

Levetekɔ 19:11

“Káfe ŋuma, fili kpaa máŋ lɛ́ɛ kɛ̀ kákîe-ni dîa.

Ifisiɛŋ 4:28

Ŋuma-nuu fe ŋɔ́nɔ ŋuma kɛ̀. Tɔɔ é tíi kɛ́ a ǹyée tɔ̃yâ-pere su, a gɛ́ɛ sɛŋ da é kɛ́ ǹyêei é da tɛɛ ǹúui pɔ a da wɛlii.

Mise 2:2

Da núu da kpɛ́ni ŋɔlɔii maa liî tèe dí ziɣe. Da núu da kpɛ́ni ŋɔpɛ́rɛi maa liî tèe dí gula ǹyêei. Da núu fìli da ŋɔnûai dí díkɔliŋ kula díyêei.

Hanwon 16:11

Ɣâla Yâwɛɛ a ŋ̀wɛ̂lii a gɛɛ kúsɛŋ kɔ̂ɔŋɔɔi kélee é kɛ́ a zã́a kú tela gɔ̀lɛ a teniŋ ƃô-pere.

Lukə 16:28

Kpɛ́ni fêi, lee-kaa-sinaa lɔ́ɔlu káa ńyêei. Ǹɛɛ naa é dília-woo ƃó a gɛɛ dífe lâa pá la mɛni-kpɔ̂lu-kwaai ŋi ma.’

Korɛntə veelɛ 7:11

Ka gáa, berei Ɣâla-nia lii-solii e ká kɛ̀ la ka mɛni soŋ a gbanaŋɔɔ̂i, berei e ká kɛ̀ la a gɛ́ɛ ká kákpîŋ maa-kɔ̃ɔ̂i, berei e ká kɛ̀ la kálii é ŋwánai, berei e ká kɛ̀ la ká yaôi, berei e ká kɛ̀ la ŋ́wɛli é kákɛ̂i, berei e ká kɛ̀ la ká mɛni kélee kɛ́ a ǹɛ́lɛɛi, da berei e ká kɛ̀ la a gɛ́ɛ ka mɛni ŋa tee a ǹɛ́lɛɛ! Ka kákpîŋ lɛ́ pere-sii kélee su a gɛ́ɛ kásɔŋ fe mɛnii su.

Tɛsalonikə dɔlɔɔ 2:11

kpɛ́ni fêi, ka gɔ́lɔŋ berei ku kalia-woo ƃò la tɛi-tɛi, yɛ̂ɛ berei nîa-pɛlɛɛ dínâŋ a dília-woo ƃò lai, ku kálii kpele ku m̀ó kâa

Hebreu 2:6

Da maa-sere-faa kɛ́ tɔ̃yâ-pere su kwaa da ma, díyɛɛi, “Le ƃa núu m̀aa-mɛni a pɔ̂ri kɛ̂i íkili ŋái, kpaa máŋ le ƃa núu-kpune ǹóŋ a gɛɛ ya pɔ̂ri kpáanîi mɛ̀ni mai?