Tɛsalonikə dɔlɔɔ 2:4 - Bible

⁴ kɛ́lɛ, yɛ̂ɛ berei Ɣâla e kúlɛ̀ la a gɛ́ɛ e Duŋ Lɛ́lɛɛi lɛɛ kúyêei, bere nɔ́ ƃe kwa lôno la, kúfa núu-kpune líi làa, kɛ́lɛ, kwa Ɣâla líi làa, nyíi a kúlii-ŋai su kɔ̀ɔŋ.

Yálá laawoo hɛɓɛ (dc)

⁴ Kɛlaa, Yálá ə ku mąąkpɛɛ, yili ɓə gɛ, ə nwɛlɛɛ lɛlɛɛ kalihvaɓo kuɔ; yili mɛ̨nį ɓə ku kaa naa həlii la, ku hvo ku nɛ̨ɛ̨i kwɛlii nu kanŋaa hu, kɛlaa, Yálái ku kwəi kili mąąkpɛɛ, ya ɓə ku kaa niiɓa kwɛlii.

Yálá laawoo hɛɓɛ

⁴ Kɛlaa, Yálá ə ku mąąkpɛɛ, yili ɓə gɛ, ə nwɛlɛɛ lɛlɛɛ kalihvaɓo kuɔ; yili mɛ̨nį ɓə ku kaa naa həlii la, ku hvo ku nɛ̨ɛ̨i kwɛlii nu kanŋaa hu, kɛlaa, Yálái ku kwəi kili mąąkpɛɛ, ya ɓə ku kaa niiɓa kwɛlii.

Tɛsalonikə dɔlɔɔ 2:4 Referans Kwoze

Galatə 1:10

Ŋ́gaa ŋɛi lɛ́lɛɛ̂i núu-kpune yêei, kpaa Ɣâla? Kpaa máŋ ŋ́gaa kɔ̂i a gɛ́ɛ ŋá núu-kpune líi láa? Ŋâi kɛ̀ núu-kpune líi lâai, fêi pɔ̂ri kɛ̂i a Kôrai yée-mu-nuu.

Lomaŋ 8:27

Ǹúui a núu-kpune líi su kɔ̀ri, e M̀ɔlêŋ ŋɔkili-ŋa-siai kɔlɔŋ, kpɛ́ni fêi, M̀ɔlêŋ a tɔ̂ɔ Ŋ̀âla-ƃelai mɛni ma yɛ̂ɛ berei Ɣâla nîa-mɛni káa lai.

Galatə 2:7

kɛ́lɛ, dí gàa a gɛ́ɛ Ɣâla e Duŋ Lɛ́lɛɛi lɛ̀ɛ ńyêei a gɛ́ɛ ŋá lí la diai pɔ dífe kpɛtɛ níi, yɛ̂ɛ berei e nɛ̀ɛ la Pitɛ yêei a gɛ́ɛ é lí la diai pɔ díkpɛtɛɛ̂i

Timote veelɛ 1:14

dɔ̃yâi dí nɛ̀ɛ íyeêi mɛi káa M̀ɔlêŋ Maa Waai sârai nyíi gáa kúkponôi.

Mąątɛ̨nɛ̨ 17:3

Í m̀ɛnii kélee kɔ́lɔŋ gáa ńii sui. Yà pà ḿbɔ a kpíni, yà ḿaa kpɛ̂ɛ, ífe pâi mɛni nyɔ́mɔɔ kélee da kâai ŋ́gbonôi. Wóo nyɔ́mɔɔ kélee da fa kûla ńa,

Ifisiɛŋ 6:6

Káfe nuu-ŋɛi-woo mɛni kɛ̀ nɔ́ a dia. Káfè kɛ̀ nɔ́ a núu lii-laa-ƃela. Kɛ́lɛ, ka kɛ́ yɛ̂ɛ Kôrai yée-mu-ƃela, ká kɛ́ Ɣâla nia-mɛni kɛ̀ é kúla kálii su.

Taitɔ 1:3

Ɣâla è nyíŋi lɛ̀ ŋɔwóoi su tãi tí ma Ŋ̀âla-woo ƃóɔɔi sârai, nyíi ǹyaa Ɣâla, nyíi gáa a Kúƃalo-nuui è ǹɛɛ ńyêei a gɛɛ ŋá gɛ́ yɛ̂ɛ berei è m̀o la ḿâi.

Ifisiɛŋ 3:8

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.

Korɛntə veelɛ 4:2

Kwa kúyee kúla noo-mɛni-ŋai su nyíi-ŋai díkaa a ŋumɛ-mɛnii; kúfa fâa ma a gɛ́ɛ ku wôya maa kɔ́ri, kpaa máŋ ku Ɣâla ŋɔwóoi ƃó a maa-faleŋɔɔ, kɛ́lɛ, kwa kúkpîŋ lɛ̀ nuu-kpune ŋɔkili-ŋa-siai ma Ɣâla ŋɛi a Ɣâla ŋɔtɔ̃yâ-wooi ƃóɔ pono ŋá.

Ɉeremi 32:19

Ya mɛni kpɛ̂tɛ a táre pere, íkɛ mɛni kpaya-kpaya-ŋa kɛ̀. Ya núu kélee kpɔ́ kɛ́-mɛni kàa, íkɛ núu kélee féla fè dítûa-pere ma.

Kɔlɔnikɔ Maa-ŋuŋ 29:17

Ŋáɣâlai, ŋá gɔ́lɔŋ a gɛ́ɛ yâ núu líi su kâa ǹyaŋ ílii a ǹɛ̃ɛ diai da tùa a teniŋ ƃó perei dímɛni ma. Ǹyaŋ ŋá zãai ŋí kélee tɛɛ a teniŋ ƃo pere é kúla ńii su. Ŋa ŋɔ́nɔ berei káa ínûai díkaa ƃɛ́i da sama-sãa tɛɛ̂i la ípɔ gɛ́ kùla dílii su a lii-nɛ̃ɛ perei.

Korɛntə dɔlɔɔ 9:17

À kɛ̀ ŋà nyíŋi kɛ̀ a ŋ́gbɔɔi-woo ŋa pâi fela-fei sɔlɔ ƃôi; kɛ́lɛ, à kɛ̀ ŋà wàla gɛ a ŋ́gbɔɔi-woo, gɛ̀ ní dí ńɛ̀ a gɛ́ɛ ŋá gɛ́.

Lukə 16:11

À kɛ̀ káfe kɛ́ ni a núu sã́a-ŋa ŋôya-sɛŋ-kao sɔlɔ-ƃoɔi su, gbɛ̂ɛ ƃe pâi tɔ̃yâ-tɔɔ-laa tɛɛ̂i kápɔ e gíli kɛ́ kâa?

Hanwon 17:3

Da káne da gôo kɔ̀ɔŋ ŋɔŋ su, kɛ́lɛ Ɣâla Yâwɛɛ ƃa núu líi su kɔ̀ɔŋ.

Tɔɔɓɛlaa dɔlɔɔ 8:39

gɛ̀ ní lɛɛ Ɣâla-taa í mɛni, í dísu-mɛni lɛɛ, í dûa kɛ́. Ǹúui kélee dímɛnii su-too dîɛ tɛi-tɛi yɛ̂ɛ berei dítûa-pere káa lai nyíi nɔ́ í núu líi su-mɛni kɔ́lɔŋ, kpɛ́ni fêi, ƃía tɔnɔ nɔ́ ƃé núu-kpune líi su-mɛni kélee kɔ́lɔŋ.

Lonon mo 27:16

“Óo Yâwɛɛ, ƃái íkaa a vúlu-laa kpɛtɛ-ɣalai, núu lɛ́ nyíi a pɔ̂ri kɛ̂i Eezuɛ-ŋai mɛi,

M̀ɛni-lɛɛi 2:23

Ǹyaŋ ŋa pâi ŋɔnîa-pɛlɛɛi paâi. Kôrai-toli-kpɔŋ-ŋai kélee da pâi gɔ́lɔnîi a gɛɛ ńyãa ƃa ǹúui a kíli kélee su kàa da líi kéleei, ǹyaŋ ŋa pâi sɛŋ kélee tɛɛ̂i núu pɔ́ tɛi-tɛi yɛ̂ɛ berei ŋɔtíi káa lai.

Hebreu 4:13

Fúlu-sɛŋ kélee da fé loo ní ma, kɛ́lɛ, gélee puɔɔ̂i fíyeŋ ŋá ŋ̀ɛi-tuɛ, nyíi gáa a ǹúui kwa dîa-ni kwa tíi kɛ̀i.

Timote dɔlɔɔ 6:20

Óo Temete, zɛŋ dí nɛ̀ɛ íyeêi, m̀ɛi káa. Ƃoo-lono nyíi maa fé waa ni, ísu kula ma, da sîa-mɛnii nyíi da dòli a táre lɛ́ɛ-perei sui,

Kolosə 3:22

Luɛ-ŋa, ka kámɛi-ƃelai wóo mɛ́ni mɛni kélee su, nyíi-ŋai díkaa kámɛi ǹɔii sui. Káfe núu ŋɛi-woo-mɛni kɛ̀ nɔ́ a dia a gɛ́ɛ ka núu líi láa, kɛ́lɛ, ka gɛ́ a kálii kélee Kúnuu-namui ŋɔyao-maai su.

Korɛntə veelɛ 5:11

Mɛni ma berei ku Kúnuu-namui ŋɔkili-ŋa-siai kɔ́lɔŋ lai, kúkaa nuu-kpune líi penêi; berei kúkaa lai Ɣâla e gɔ́lɔŋ, ǹyaŋ eêi pɔ̂ri kɛ̂i a sɛŋ a gɛ́ɛ káa máŋ ka gɔ́lɔŋ kákili-ŋa-siai su.

Ɉeremi 17:10

Ńyãa Yâwɛɛ ƃa núu líi su kàa, ŋ́gɛ núu líi su kɔ̀ɔŋ. Ŋà núu ŋɔmɛnii ŋá tèe yɛ̂ɛ berei ŋɔkɛ-ɣeniɛi káa lai, yɛ̂ɛ berei a tûa lai.”

Mąątɛ̨nɛ̨ 44:21

gɛ̀ nî ya gɔ́lɔŋ, kpɛ́ni fêi, í kúlii su mɛni kélee kɔ́lɔŋ.

Timote veelɛ 2:2

da nyíi í mɛ̀ni é kúla ńa sere támaa ŋɛ́i, ǹɛɛ ǹúu sã́a-ŋai yêei nyíi-ŋai da pɔ̂ri máŋ ǹɛ̂i nûa dîai.

Korɛntə veelɛ 5:16

Mɛni ma é síɣe tãi ŋí ma e li tuɛ-pere, kúfa núu maa-mɛni ŋá tèe yɛ̂ɛ núu-kpune ŋɔmɛni ŋá-tee-pere; berei máŋ tãi tɔnɔ ku Kôrai maa-mɛni ŋá tèe la yɛ̂ɛ núu-kpune ŋɔmɛni ŋá-tee-perei, kúfa ŋɔ́nɔ maa-mɛni ŋá tèe ti.

Korɛntə dɔlɔɔ 7:25

Káai a gòyaŋ-ŋai, mɛni da fe ńa ŋá m̀ó káa é kúla Kúnuu-namui lá, kɛ́lɛ, ŋa ŋ́gbîŋ-tarei lɛ̂i káa yɛ̂ɛ ǹúui zã́âi Kúnuu-namui ŋɔmaloŋ-kaai sui.

Ɉaan 21:17

E mò ŋɔ́nɔ ma a zaaƃa-ɣelei, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni?” Pitɛ malôŋ e tòo ma, kpɛ́ni fêi, e m̀arê kɛ̀ a zaaƃa-ɣelei, ǹyɛɛ ma, “Í ŋ́wɛli ni?” Nya ƃe e mò ma, ǹyɛɛi, “Ŋánuu-namui, í mɛni kélee kɔ́lɔŋ; í gɔ́lɔŋ a gɛɛ ŋá íwɛli ni.” Zîsɛ e mò ma, nyɛɛi, “Ŋáƃala-ŋai ŋá kɔ́ŋ.

Lukə 12:42

Nya ƃe Kúnuu-namui e mò ma, ǹyɛɛi, “Gbɛ̂ɛ ƃe ŋaŋ gáa a tenîŋ-mo-nuu kɛ́tɛ táreɛ nyii ǹâmu a pâi zeêi ŋɔpɛ́rɛ-mu-ƃelai mɛi a gɛɛ e dímii-sɛŋ tɛɛ dípɔ a tãi lɛ́lɛɛi?

Mąątɛ̨nɛ̨ 7:9

Íkaa a teniŋ ƃô Ɣala. Yá ƃé núu-kpune líi su kɔ́lɔŋ da ŋɔkili ŋa sîai. M̀ɛni ŋ̀wana-lɔ̂ɔ-ƃelai su-kara, í diai ŋɛ́i malôŋ káa da íwoo mɛnii.

Mąątɛ̨nɛ̨ 139:23

Óo Ɣâla, ḿaa kpɛ́ɛ í ŋákili-ŋa sîai kɔ́lɔŋ, ńzu kɔ̂ɔŋ í ŋákili-ŋa sîai kɔ́lɔŋ.

Korɛntə veelɛ 2:17

Kpɛ́ni fêi, kúfe yɛ̂ɛ núu támaa nyíi-ŋai da Ɣâla ŋɔwóoi kàrai; kɛ́lɛ, kúkaa yɛ̂ɛ ǹûai díkaa a tɔ̃yâ-ƃela, Ɣâla a dímaa wáa ŋɔtíi mɛni ma, kwa lôno Kôrai kponôi Ɣâla ŋɛi.

Piɛrə dɔlɔɔ 4:11

Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-maa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sârai, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ ti.

Tɔɔɓɛlaa veelɛ 16:16

Zâla láa-soŋ-nuui Yuraya è mɛnii kélee kɛ̀ yɛ̂ɛ berei Gâloŋ Eɣa è mò la mai.