Samuɛlə dɔlɔɔ 7:3 - Bible

³ Samia è mò Eezuɛ-ƃelai dîa ǹyɛɛi, “À kɛ̀ ká ŋ̀wɛ̂lii ká tínaŋ Ǹuu-namui pɔ́-naa pere, gɛ̀ ní ka ǹɛ́ ma. Ká ŋ̀âla da kpɛ́ni-ŋai kélee kúla kásama da ŋ̀âla nɛnii Atarɔ pɔɔkɔ̂ŋ. Ka tínaŋ Ǹuu-namui pɔ́-naa pere a kálii kélee ká vɛli. Gɛ̀ ní a pâi káŋuŋ ma ƃôi Felesia-ŋai yêei.”

Yálá laawoo hɛɓɛ (dc)

³ Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Yálá laawoo hɛɓɛ

³ Samuɛlə yɛ Israɛlə nuą diɛ: «Akɛ ka káá pai Yai-Laa pɔ a ka lii kəlee, ka ká yee kulɔ ɉaliɠaa tii hu, ka gulɔ ka lɔwai, da ɉaliɠaa ŋɛ̨i a Astarteɠaa; ka ká kilitɔɔ Yai-La ɓa, ka kóló kɛ mą yaa tɔ̨nɔ̨, gaa ka kulɔi Filisti nuą yəi.»

Samuɛlə dɔlɔɔ 7:3 Referans Kwoze

Lukə 4:8

Zîsɛ e ŋ̀óo su tòo, ǹyɛɛi, “Bɔ̃yɛɛ̂i, ‘Ínuu-namui Ɣâla fɛli í tíi kɛ́ nɔ mì ǹyaa tɔnɔ.’ ”

Dutɛrɔnome 13:4

Káɣâlai Yâwɛɛ ƃé ka káwoli tɔ́ɔ ma ká ƃaa-kɛ-maa tɛ́ɛ bɔ́. Ka ŋɔtɔ̂ŋ-ŋai mɛi kaa, ká ŋ̀óo mɛni, ka tíi kɛ́ mì, ká kákili kɛ́ mà.

Maafîu 4:10

Nya ƃe Zîsɛ è mò Dɛ̂ƃele ma, ǹyɛɛi, “Siɣe ŋ́gɔlɛ, Sêtɔŋ! Kpɛ́ni fêi, bɔ̃yɛɛ̂i, ‘Ínuu-namui Ɣâla fɛli, í tíi kɛ́ nɔ́ mì ǹyaa tɔnɔ.’ ”

Dutɛrɔnome 6:13

Ka ƃaa-kɛ-maa tɛ́ɛ bɔ́, ká tíi kɛ́ mì. Ǹyaa nɔ́ ƃé ka káfoo a ǹáa.

Azaya 55:7

Ŋwana-lɔ̂ɔ-ƃela, ka kátûa-pere maa fáleŋ. Káai káfe a teniŋ ƃô-ƃelai, ka kákili ŋá sîai nyɔ́mɔɔ-ŋai maa fáleŋ. Ka tínaŋ Yâwɛɛ pɔ-naa pere. Kà gɛ̀ tí, a pâi kámalôŋ kâai, é kásu-mɛ̂ni lɛɛ. Kwaa tínaŋ Yâwɛɛ Kúɣâlai pɔ́naa pêre.

Zasua 24:14

“M̀ɛni ma, ká ƃaa kɛ́-maa tɛ́ɛ Yâwɛɛ pɔ́, ká tíi kɛ́ mì a tɔ̃yâ-laa da teniŋ ƃô pere. Ka kápôlu tɔɔ ŋ̀âla-ŋai kánâŋ pɔlɔ-ŋai da kâa kɛ̀ dífɛlîi Mɛsɛpotemia da Ize lɔii sui dîa. Ká tíi kɛ́ Yâwɛɛ mì.

Zasua 24:23

È m̀o dîa ǹyɛɛi, “Gɛ̀ ní ka káyee kúla ŋ̀âla da kpɛ́ni-ŋai díkaa kásamai fɛli mɛ̂ni mu, ká káyee sée Eezuɛ Ŋɔɣâlai Yâwɛɛ mu.”

Ɉaan 4:24

Ɣâla káa a mɔ̂leŋ. Diai da vɛ̀lii, fɛ̂ɛ dí vɛli mɔ̂leŋ su da tɔ̃yâi.”

Dutɛrɔnome 10:20

Ka ƃaa kɛ́-maa tɛ́ɛ Yâwɛɛ pɔ́, ká tíi kɛ́ mì. Ka maa mɛni siɣe a gbanaŋɔɔ. Ǹyaa nɔ́ ƃé ká káfoo ǹáai su.

Tɔɔɓɛlaa dɔlɔɔ 8:48

Dà tìnaŋ pôlu ípɔ-naa pere a dílii kélee da dímɔ̂leŋ kélee ŋɔ̃ya lɔii su díkpɔara-ƃelai da pâi liî naa a diai, da tìnaŋ ǹɔii ŋí naa-pere í dɛ̀ɛ dínâŋ-ni pɔ́i, dí tínaŋ daa-lêei naa-pere nyíi í zìɣe zui da Ŋ̀âla-pɛrɛ Kɛ́tɛi ŋí ŋá dɔ̀ɔ ílaa mai,

Maafîu 6:24

“Núu tɔnɔ fa pɔ̂ri tíi kɛ̂i nuu-mɛi-ƃela feerɛ dîɛ, kpɛ́ni fêi, a pâi dɔnɔ kpɔarâi é gbélii wɛ́li, kpaa máŋ a pâi kánanîi dɔnɔ ma é ŋ̀ɛi pôlu fé gbélii mì. Káfa pɔ̂ri kɛ̂i Ɣâla yée mu da sɛŋ-kao.

Maafîu 15:8

‘Ǹûai ŋí da ƃâa kɛ̀ ḿâ a díla-gbɔ, kɛ́lɛ, dílii su kôyai ḿâ.

Nwun mąąɓo 10:6

Naa kɛ́ɛ tíi, Eezuɛ-ŋai dí ŋɔ́nɔ sɔnyɔ̂ŋ kɛ̀ a Yâwɛɛ. Dí pɛ̀lɛ Bêe da Siria ɣala-ŋai fɛlîi. Dí ŋɔ́nɔ kɛ̀ Araŋ, Sidɔŋ, Môa-ŋai, Amɔŋ da Felesia-ŋai díɣâla-ŋai fɛlîi, kpɛ́ni fêi, Eezuɛ-ŋai dí dípôlu tɔ̀ɔ Yâwɛɛ ma. Dífe kɛ́ ní ǹíi láa mɛni kɛ̂i,

Kɔlɔnikɔ Maa-ŋuŋ 22:19

Mɛni ma, ka Káɣâlai kɔ́ri a kálii da kámɔlêŋ. Ka kámɛi káa a gɛ́ɛ ká Ɣâla Yâwɛɛ ŋɔpɛ́rɛi tɔ́ɔ a gɛ́ɛ ká pá a ŋɔkpanaŋ-woo Gãlai da zãa maa waa-ŋai nyii-ŋai díkaa a Ɣâla pɔ́ɔi bɛ́rɛi mu nyíi ká dɔ̀ɔ Yâwɛɛ mɛni mai.”

Zɛnɛse 35:2

Nya ƃe Zeeka è mò ŋɔpɛ́rɛi mu-ƃelai dîa da diai kélee kɛ̀ gɔlɛ ǹyɛɛi, “Ka ŋɔ̃ya-ɣala-ŋai píli ká kákpîŋ maa wáa, ká káseɣe-ŋai maa fáleŋ.

Izikiɛ 18:31

Ka káyee kúla kásɔnyɔ̂ŋ-ŋai su nyii-ŋai ka gɛ a ńyãai a gɛɛ líi-nina da mɔ̃leŋ nina díkɛ ká kponoi. Lé mɛni ƃe ka pâi saai la kaai a Eezuɛ ƃelai?

Kɔlɔnikɔ Maa-ŋuŋ 28:9

“Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípolu tɔɔ m̀a, a pâi ípilii kpɔ́ wɔ́lɔ-wɔlɔ da wɔ́lɔ-wɔlɔ.

Hanwon 16:1

Núu-kpune ŋɔmɛni-kpɛtɛɛ a kûla ǹíi su, kɛ́lɛ Ɣâla Yâwɛɛ ƃa ŋɔmɛni gbɛɛ-ŋai kpɛtɛ-nuu.

Kɔlɔnikɔ Veerɛi 19:3

Kɛ́lɛ é máŋ kɛ́ tí, ya mɛni lɛ́lɛɛ kɛ́. Kpɛ́ni fêi ya Asira ɣâla-ŋɛi-kɛ maa wurii kélee kúla ǹɔii ŋí su, íkili tɔɔ ŋɔ́nɔ Ɣâla ma.”

Nwun mąąɓo 10:16

Maa ɣelei tí zãai dí dí kùla díkɔlɛ lɔii ŋuŋ-ŋai su díkɛ dí fɛlii, dí gélee pìli. Dí pɛ̀lɛ ŋɔ́nɔ Yâwɛɛ fɛlîi. Eezuɛ-ŋai dímalôŋ è tòo mà dímɔ̃lɛ laai mɛ̂ni ma.

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Kɔlɔnikɔ Veerɛi 30:19

nyíi ŋai da díkili tɔɔ Ɣâla, Yâwɛɛ ma nyíi gáa a dínâŋ-ni Díɣâlai, a ǹɛɛ ma dífe kɛ a dímaa waa yɛ̂ɛ berei Ŋ̀âla-pɛrɛ Kɛ́tɛi ŋɔtɔ̂ŋ-ŋai díkaa lai.”

Nwun mąąɓo 2:13

Dí dípôlu tɔ̀ɔ Yâwɛɛ ma dípɛlɛ Keena-ŋai díɣâla-ŋai Bêe da Asira fɛlîi.

Samuɛlə dɔlɔɔ 31:10

Dí ŋɔkɔ́ yɛkɛi pù díɣâla nɛnii Atarɔ ŋɔpɛ́rɛi mu. Dí Sɔ̂ɔ poma kpamo Bɛsaŋ taa-leei ŋɔgalai ma.

Zasua 13:31

È Gilia lɔii gbua sîɣe, é seri Asatarɔ da Ɛdire lɔii ma da Basãŋ kaloŋ Oŋ ŋɔtaa lêe-ŋai kélee. Dí ǹɔii ŋí tɛ̀ɛ Manasɛ ǹóŋ Mesɛɛ pɔ́ yɛ̂ɛ berei ŋɔsuui káa lai.

Tɔɔɓɛlaa dɔlɔɔ 11:33

Ŋa pâi nyíŋi kɛ̂i, kpɛ́ni fêi, Saloma a bôlu tɔ̀ɔ ḿâ, gɛ́ ŋ̀âla-ŋai ŋí fɛ̀li, Sidɔŋ-ŋai díɣâlai, Atorɛ díɣâlai, Môa-ŋai díɣâlai Kemɔ, da Amɔŋ-ŋai díɣâlai Molɛ. Vé sia ní a ŋápere-ŋai, kpaa máŋ é mɛnii kɛ́ nyíi ǹɛ̂lɛɛi ŋɛ́i, kpaa máŋ é mɛni-ŋai mɛi káa ŋá nɛ̀ mai da ŋátɔ̂ŋ-ŋai yɛ̂ɛ berei ǹâŋ Deeƃé è gɛ̀ lai.

Ɉeremi 24:7

Ŋa pâi gɛ̂i ḿaa mɛ̂ni é lɛ́ɛ díkili ŋá dí gɔ́lɔŋ a gɛɛ ńyãa ƃa Yâwɛɛ. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla, kpɛ́ni fêi, da pâi tínanîi ḿbɔ naa pere a dí líi kélee.

Ɉeremi 36:3

Ɣele da Zuda-ƃelai da m̀ɛnii mɛ̂ni é pîlaŋ berei ma ŋa ŋ̀wɛ̂li la ŋá m̀ɛni kpɔ̂lu láa la dîai, da pâi dípôlu tɔɔ̂i díŋwana lɔ̂ɔ tua-ŋai dîa. À kɛ̀ tí, ŋa pâi dísu-mɛni lɛɛ̂i díŋwana lɔ̂ɔ-ŋai da dísɔnyɔ̂ŋ-ŋai mɛ̂ni ma.”

Izikiɛ 14:6

“Mɛni ma, m̀ó Eezuɛ-ŋai dîa, Ŋ̀wála-wâla kélee Yâwɛɛi ǹyɛɛi, ‘Ka kálii pene ka kápôlu tɔɔ káɣâla-pɔɔkɔŋ ŋai dîa. Ka tinaŋ ka káŋɛi siɣe ká mɛni nyɔmɔɔ-ŋai dîa.’

Dutɛrɔnome 4:29

Kɛ́lɛ à kɛ̀ kà Káɣâlai Yâwɛɛ kɔ̀ri a kálii kélee da kámɔliŋ, ka pâi gâai.

Nwun mąąɓo 2:11

Nya ƃe Eezuɛ-ŋai dí dípôlu tɔ̀ɔ Yâwɛɛ ma dí pɛ́lɛ Bêe Ɣalai fɛliɛɛ ma.

Tɔɔɓɛlaa veelɛ 17:39

Ńyãa tɔnɔ nɔ́ ƃé ká ḿvɛli, Ńyãai a Yâwɛɛ, Káɣâlai. Ŋa pâi kákulâi kákpɔara-ƃelai yeei.”

Tɔɔɓɛlaa veelɛ 23:15

Nyíti-ŋai kélee pôlu ma, Zosâya fé niî kɛ̀ kpɛɛ ní. È ŋâla-pɔkɔɔŋ fɛli kwaai ma su kàra-kara da ŋ̀âla-teƃelei kɛ̀ Bɛtɛɛ nyii Niƃa ǹóŋ Gâloŋ Zɛroboaŋ è wɔ́lɔ dɔ̀ɔ a kɔni-ŋa Eezuɛ-ŋai dí kɛ́ wɔ́lɔ pìlaŋ gɔ́ɔ-pɔɔi díkɛ sɔnyɔ̂ŋ kɛi. Zosâya è ŋâla-pɔkɔŋ fɛli kwaai tí ma kèreŋ. È nɛnî ɣâla-pɔkɔŋ Asira kèreŋ é pɛ́lɛ ŋ̀úru koyai ma nyii kɛ̀ ǹáai mɛni mai.

Kɔlɔnikɔ Veerɛi 20:33

Gɛɛ a kâloŋ, vé wɔ́lɔ ŋâla-pɔkɔɔŋ-ŋai fɛliî kara ni, m̀ɛni ma ǹûai dífe díkili tɔɔ ní dínâŋ-ni Díɣâlai ma.

Ɉeremi 4:1

Yâwɛɛ è mò ǹyɛɛi, “Eezuɛ-ƃela, à kɛ̀ ka pâi ŋ̀wɛ̂lii ká tínaŋ, gɛ̀ ní ka tínaŋ pôlu ḿbɔ naa pere. À kɛ̀ kà kɛ̀ a káteniŋ ƃôɔɔ, ká káɣâla pɔɔkɔŋ-ŋai pí lî nyíi-ŋai díƃɛlɛ fé ŋ́goi,