Piɛrə dɔlɔɔ 3:3 - Bible

³ Káfe kɛ̀ nɔ́ a kálɛlɛɛ kákɔlɔ ma, káŋuŋ láa-a ǹɛ́lɛɛ, ká kámaa ɣiri a gôo ká seɣe lɛ́lɛɛ-ŋa too kâa.

Yálá laawoo hɛɓɛ (dc)

³ Ká mąąyili hɛnŋaa hvo kɛ lɔ ká kɔlɔ ɓa, yɛ bələi: nwun-naala lɛlɛɛɠaa, hɛni kwɛliɠaa, da mąąyili hɛn yəki-yəkiɠaa;

Yálá laawoo hɛɓɛ

³ Ká mąąyili hɛnŋaa hvo kɛ lɔ ká kɔlɔ ɓa, yɛ bələi: nwun-naala lɛlɛɛɠaa, hɛni kwɛliɠaa, da mąąyili hɛn yəki-yəkiɠaa;

Piɛrə dɔlɔɔ 3:3 Referans Kwoze

Lomaŋ 12:2

Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Azaya 61:10

M̀ɛnii Yâwɛɛ è gɛ̀i Zerusâlɛŋ a m̀aa koi-nɛ̃ɛ kula. Zerusâlɛŋ a m̀aa ɣíri yɛ̂ɛ nɛnî ƃé liî surɔ̂ŋ kulâi. Ɣâla a Zerusâlɛŋ m̀aa ɣíri a ƃálo-laa da yee-tɛɛ maa lâa.

Ɉeremi 4:30

Zerusâlɛŋ, ya lɛɛ a ífolo! Ya ímaa ɣirîi a seɣe kpɔ̂lu lé mɛni m̀a? Ya kɔyɛ̂ŋ sɔ̃ɔ-kpanaŋɔɔ nyíi dí gbɛ̀tɛ a gôoi, tôoi íkɔŋ ma, íkɛ íŋɛ́i-gɔ́loŋ pôlu tɛi lé mɛni ma? Ya ímaa ɣirîi nɔ́ kpɛ́ni-kpɛni. Í wɛli kɛ́ maa-ƃelai da díyee kúla ímu. Ǹyaŋ da ŋ̀wɛ̂lii dí ípaa.

Ɉeremi 2:32

Nɛnî-kpela a pɔ̂ri niâi ŋɔkɔyɛ̂ŋ-ŋai dîa, kpaa ǹɛniî nyíi gáa liî surɔŋ kulâi é nia ŋɔmaa ɣîri-sãai ma? Kɛ́lɛ, ŋánûai da nîa ḿâ a tãi su kóyaa dífe ŋɔ́nɔ góraŋ kɔ́lɔŋ.

Azaya 52:1

Ka káŋɛi lá ƃó, ká kámu-siɣe, kákponôi é kpanáŋ, óo Zerusâlɛŋ-ƃela. Káai a Ɣâla ŋɔtaa-lêe maa waai su-ƃelai, ka kámaa ɣíri a káseɣe lɛ́lɛɛ-ŋai. Ŋ̀ɔ̃ya-ŋai ká taa-lêei su kàrai, da fé pâi ŋɔ́nɔ tɛ̂i kátaai su.

Lɛɛ gbɔwɔ ɓa 33:4

Tãi ǹûai dí mɛnii ŋí mɛ̀ni lai, díkelee dí kɛ̀ wɔ̂lɔi díkoi pere, dífe dímaa ɣiri ní.

Zɛnɛse 24:53

Ǹyée mu-nuui è pà a káne da gôo maa ɣiri-sãa sɔ̃ɔ kpanaŋɔɔ-ŋa da seɣe-ŋa é dɛ́ɛ Lubɛka pɔ́. È sama-sãa sɔ̃ɔ kpanaŋɔɔ tɛ̀ɛ máŋ Lubɛka zâaƃɔlɔ pɔ́ da ǹee.

Zɛnɛse 24:47

Ŋá marê kɛ̀ ńyɛ̂ɛi, ‘Gbɛ̂ɛ ǹóŋ-nɛni ƃa yá?’ Ǹyɛɛ ḿâi, ‘Ŋ́gaa a Bɛtuɛ ǹóŋ nyii gáa a Maka ǹóŋ, nyii è zɔlɔ ƃô Naɔ mai.’ Nya ƃe ŋá gbonoi tôo zũai. Ŋá ǹyée-kwana kɔli-ŋai tóo ǹyée ma.

Zɛnɛse 24:22

Tãi zoo-faleŋ-ŋai dí kpɛ̂ɛ la a díkpeleɛi, nalôŋ è gôo gbono sìɣe nyii ŋɔwiɛ è kɛ̀ a sɛkɛ kpura, da yée kwana kɔ̂li feerɛ nyii-ŋai díwiɛ è kɛ̀ a gôo sɛkɛ puui, é dɛ̂ɛ nɛnîi pɔ́,

Mąątɛ̨nɛ̨ 45:9

Kâloŋ-lonii nɛyaa díkaa ǹɛyâai sáma nyii-ŋai ƃaa kɛ́-maa kɛ́tɛ káa dîa íkâloŋ-laai sui. Ípɛrɛ-leei káa tɔɔni ílaa mii yee mɛi pere, m̀aa ɣiriɛɛ a gôo maa ɣiri-sãa.

Lɛɛ gbɔwɔ ɓa 38:8

È zɛŋ-foloi da zee-sɛŋ kpɛ̀tɛ a mara mɛ̃lɛ-mɛ̃lɛ-ŋai nyii è gula nɛyâai yêei kɛ̀ tíi kɛ̂i Yâwɛɛ ŋɔpɛ́rɛ maa waai lai.

Lɛɛ gbɔwɔ ɓa 32:2

Nya ƃe Eelɔŋ è mò dîa ǹyɛɛi, “Ka ŋ̀ôlii-sãai kúla kánɛyâai, kálônii-sinaai, da kálônii-nɛyãai wôli, ká pá a dia ḿbɔ.”

Izikiɛ 23:40

“Díworɛ̂ tɛ̀ɛ kpɔ́o sinâa da kpɛ́ni-ŋa pɔ́ naa díkula lɔii da kpɛ́ni su dí pá. Dífeerɛ dí díwàa dí díŋɛi gonoŋ pôlu tée dí kɔyɛ̂ŋ sɔ̃ɔ kpanaŋɔɔ tóo dîa. Dí nyíŋi kɛ̀ zinâai ŋí mɛni ma.

Ɛstɛrə 5:1

Vólo saaƃa suŋ Ɛtɛ è m̀o Mɔdikai ma a gɛɛ díziɣe gbɛ̀ɛ ŋa ɣelei, Ɛtɛ è ŋɔkâloŋ-nɛni seɣei ɣîri ma é lí é tɔ́ɔ gâloŋ ŋɔpɛ́rɛi ŋɛ́i-tuɛ. Gâloŋ see-sɛŋ è kɛ̀ ƃɛ́i núu a kâa kɛ̀ seei-ni naa gɛ́ ŋ̀énii ŋá pere kàai. Maa tãi tí, gâloŋ è kɛ̀ seê-ni gâloŋ see sɛŋ ŋá.

Lɛɛ gbɔwɔ ɓa 35:22

Sinâa da nɛyâa dí pà. Diai kélee gùla dílii sui dí pà a maa-ɣili-sãa nyii da gana seɣe mai da-ni, wôlii-sãa da gbono-ŋa, kɔŋ mâ yɔlɛ-ŋa da gôo maa ɣiri-sãa sii támaa. Diai kélee gôo maa ɣiri-sãai lâai kɛ̀ Yâwɛɛ mɛni mai, dí pà la bɔ́.

Lɛɛ gbɔwɔ ɓa 3:22

Nɛnî kélee a pâi marâŋ-nɛni marê kɛ̂i nyii da ǹyaa díkaa pɛ́rɛ tɔnɔ mu da kóli tɔnɔ sui, a gɛɛ é káne da gôo, da m̀aa-ɣiri-sãa tɛɛ bɔ́ é pɛ́lɛ seɣe-ŋa dîa. Ka pâi zãâi ŋí toôi kálônii-sinaai da kálônii-nɛyãai dîa. Bere-sii ŋí ƃé ka pâi Ize-ŋai dítɔɔ-sãai kulâi la díyêei.”

Tɔɔɓɛlaa veelɛ 9:30

Nya ƃe Zewu è lì Zariɛɛ. Tãi Zɛsebɛɛ è mɛ̀ni lai, è wée sii da kpɛ́ni-ŋa sìa ŋ̀ɛ́i-gɔlɔŋ pôlu, é ŋuŋ-lêɣa kpɛtɛ, é ŋuŋ kúla vãa-lâɣi soŋ-kpôŋ lá, gɛ́ maa-kpɛ̂ŋ kɛ̀ a gɛɛ é gáa.

Piɛrə dɔlɔɔ 3:2

da pâi gaâi a gɛɛ kátûa-pere maa waâi yao-ma-pere su.