Zɔ̂ŋ Maa-ŋuŋ 2:22 - Bible

²² Gbɛ̂ɛ ƃa ǹɛ́ɛ-nuui é kúla ǹuui pôlu a Zîsɛ maa sîa tòo a gɛɛ vé a Kôrai? Maa-nuui ƃa Kôrai ŋɔtɔɔ-maa-nuui nyíi a Nàŋ-nuui maa sîa tòo da Nòŋ-nuui.

Yálá laawoo hɛɓɛ (dc)

²² Gbɛɛ ɓə gaa a lɛɛmun akɛ nui a lənə Jesus ŋą Kristə laa ɓa, ya hvəə? Ɓɛ kaa, Kristə ɲowo ɓaa, nui a lənə Ną́n Yálá da Nón diɛ.

Yálá laawoo hɛɓɛ

²² Gbɛɛ ɓə gaa a lɛɛmun akɛ nui a lənə Jesus ŋą Kristə laa ɓa, ya hvəə? Ɓɛ kaa, Kristə ɲowo ɓaa, nui a lənə Ną́n Yálá da Nón diɛ.

Zɔ̂ŋ Maa-ŋuŋ 2:22 Referans Kwoze

Zɔ̂ŋ Veerɛi 1:7

Núu-pɛlɛ-ƃela támaa da lí ǹɔii sú, dia ƃa ǹûai dífa fâa Zîsɛ Kôrai pá mɛni ma núu-kpune kponôi. Ǹúu-sii-ŋai ŋí ƃe díkaa a ǹúu-pɛlɛ-ƃelai da Kôrai ŋɔtɔɔ-maa-ƃelai.

Zɔ̂ŋ Maa-ŋuŋ 4:3

M̀ɔlêŋ nyíi kélee va Zîsɛ maa-mɛni ƃòi, vé a Ɣâla pɔ́ɔ. Kôrai ŋɔtɔɔ-maa-nuui ŋɔmɔ̂leŋ ká tí nyíi ka m̀ɛni a gɛɛ gáa pâi. Gáa nâa ǹɔii su.

Zɔ̂ŋ Maa-ŋuŋ 2:18

Nîa-pɛlɛɛ, tãi gbɛɛ ŋái ká yɛ̂ɛ berei ka mɛni la a gɛɛ Kôrai ŋɔtɔɔ-maa-nuu a pâi, ŋɔtɔɔ-maa-ƃela támaa da nâa pá. Maa-mɛni ma kwa gɔ́lɔŋ a gɛɛ gáa a tãi gbɛɛ ŋái.

Zûu 1:4

Kpɛ́ni fêi, núu da-ni da lɔ́ kúsama loo-pere su nyíi-ŋai dítɔ̂ŋ-pu-maai maa-mɛni è ƃò nàa tuɛi. Maa-ƃelai díkaa a ŋwana-lɔ̂ɔ-ƃela nyíi-ŋai Kúɣâlai ŋɔƃɛlɛ-sêei pène wolii-kpɔlɔ su. Dí Kúmɛi-nuu tɔnɔi Kúnuu-namui Zîsɛ Kôrai maa-sia tòo.

Zɔ̂ŋ Maa-ŋuŋ 4:20

À kɛ̀ núu da à mò, ǹyɛɛ, “Ŋá Ɣâla wɛ́li ní,” kɛ́lɛ, é gɔlɛ-ma-nuui kpɔara, gáa a lɛ́ɛ-nuu, kpɛ́ni fêi, ǹúui vé gɔlɛ-ma-nuui wɛ́li ní, nyíi a gáai, va pɔ̂ri Ɣâla wɛ̂lii, nyíi vé niî gáa níi.

Zɔ̂ŋ Maa-ŋuŋ 2:23

Ǹúui kélee a Nòŋ-nuui maa sîa tòo Nàŋ-nuui fé ǹyêei. Ǹúui a Nòŋ-nuui maa-mɛni ƃòi, Nàŋ-nuui káa ǹyêei máŋ.

Zɔ̂ŋ Maa-ŋuŋ 1:6

A kɛ̀ kwa mò a gɛɛ kwa dîa-ni kúlii káa tɔnɔ, kɛ́lɛ, kúkɛ sia kpinii, gɛ̀ ní kwa lɛ́ɛ kɛ̂i, kútûa-pere fé a tɔ̃yâ-pere.

Zɔ̂ŋ Maa-ŋuŋ 2:4

Ǹúui a mò nyɛɛ, “Ŋá gɔ́lɔŋ,” kɛ́lɛ, va ŋɔtɔ̂ŋ-ŋai mɛi kâai, gáa a lɛ́ɛ-nuu, dɔ̃yâi fé gbonôi.

Ɉaan 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

M̀ɛni-lɛɛi 3:9

Diai da kûla Sêtɔŋ ŋɔnúu-kpului su nyíi-ŋai da mò a gɛɛ díkaa a Zûu-ŋa, kɛ́lɛ, dífe lai, kɛ́lɛ díkɛ lɛ́ɛ kɛi, gáa, ŋa pâi díkɛ̂i dí pá dí pɛ́lɛ íkɔɔ mu dí gɔ́lɔŋ a gɛɛ ŋá íwɛli ní.

Maafîu 24:5

Kpɛ́ni fêi, núu támaa da pâi pâi ńaai su, díkɛ mo, dîyɛɛi, ‘Ńyãa ƃa Kôrai,’ ǹyaŋ da pâi núu tamaa pɛlɛ̂i.

Maafîu 24:24

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Zɔ̂ŋ Maa-ŋuŋ 5:1

Ǹúui kélee a lâa la a gɛɛ Zîsɛ káa a Kôrai, maa-nuui káa a Ɣâla ǹóŋ. Ǹúui kélee a nàŋ-nuui wɛ̂lii, è ǹônii wɛ́li ni máŋ.