Luke 6:21 - Mbumbukiam-qa Manqat Mbomambaqape

²¹ Zo khanakhanakh mbá qanegó, zo ndakin ifi ndøzøvinam. Zapa ndǿgo, zo ndø̀zø-ewéz. Zo khanakhanakh mbá qanegó, zo ndakin ndozo-eivam. Zapa ndǿgo, zo khanakhanakh møzǿ-asøtáv.

Luke 6:21 Referans Kwoze

John 6:35

Yaq Yesu gezø-qavøiu, “Lou ndøgo, ezoqa khandi ndøzø-etoam, nó. Gekha ezoqām ndego, no-te tendowav, ndego ifi nqawa gembóvinák. Neka gekha ezoqām ndego, no te-unimanqatin, ndego ibøkha naq nqawa gembópapák.

Matthew 5:6

Ezoqa matev eqeieqei-te, ande ifin me ndøzømbe-viti neka ande ibøkha naq me ndøzømbe-papat, ndigu khanakhanakh mbá giabitigú. Zapa ndǿgo, Mbumbukiam ndø̀zø-etoám, ate vøzǿ-ewēz.

James 1:12

Ezoqam khanakhanakh mbá geabetegó, ndego bazaføgakh-us teyat, khamasim matev tømbo-fakhanumat. Ndego bazaføgakh-us teyat, yaq-fia khandi miavmiav ndǿndáp. Ta khandi miavmiav-qa yaq-te, Mbumbukiam manqa mbusa, āv genevé nqǽgo: Ezoqa ndígu tíndapém, te-te kuku ndøzøgo.

Luke 1:53

Ezoqa ndigu, ifi qazøvitam, loge gigiap mbomømboma me꞉zøkéf. Geté gigiap kopoav ezoqam, khakha-mbá sege-khofosám.

Matthew 5:4

Ezoqa mutøkhop ndiwaniap, ndigu khanakhanakh mbá giabitigú. Zapa ndǿgo, Mbumbukiam tiqa mokho-te ndø̀khakheinám.

Revelation 7:16

Yaq ndigu ifin nango gezǿvinák neka ibøkha naq ma gezǿpapák neka khøuwa tatas o gekha tatas nøme ndøgo, kha ma gezǿtayák.

Luke 6:25

Neka zo, mòzo-soqoéz, zo ndakin lou ndøzø-ewezat. Zapa ndǿgo, zo ifi møzǿvinám. Neka zo, mòzo-soqoéz, zo ndakin khanakhanakh mba ndøzø-asøtøve. Zapa ndǿgo, zo mbøni vaev-té qazó-waniapát neka zó-eivumát.

1 Corinthians 4:11

Até ndakín-a, ni ifin nivinumatún neka ibøkha naq vønī-papumatun. Neka ni ndabua eqeieqei mbaín. Ni gèzitangatún. Neka ni manqei mbaín, teiyagat.

John 4:10

Yaq Yesu gumbo-qavøiu, “Qo amba Mbumbukiam-qa etoam matev toqote-qateqɨn, neka voqotē-qateqɨn, ngenek gekha ezoqām, qo ibøkha manqat ngeqa-manqate, yaq qo ambá qombo-viamɨ́n, yaq ngenek ambá khandi ibøkha qa-etoamɨ́n.”

Revelation 21:3

Yaq no manqat kandambaqape nø-ewág. Kawa ezoqam-qá qonam nonqo-té qando-manqatát. Āv qande-eín nqǽgo, “Nqáe! Ndakin Mbumbukiam, ezoqám namba mé꞉goát. Ndego namba mé꞉yagát. Neka ndigu tegí ezoqam ndǿgoát. Mbumbukiam ekezan, ti namba mé꞉goát, neka ndego tigi Mbumbukiam vǿgoāt.

2 Corinthians 12:10

Yaq nakémbá, no bazaføgakh mbain nqægo neka ngenøgim matev o potonam matev o gekha viniv vinivinimba tønø-fakhanam, o ezoqa no tingiænonam, Keliso zapaya, yaq no khanakhanákh. Zapa ndǿgo, no mø̀tenøtén. No bazaføgakh ndǿgo tønǿgoát, no nøkezan bazaføgakh mbain tægoat.

2 Corinthians 11:27

No sasai føgakh-qape nømbo-ngetøgeapám. Khøuwa nøme, no sasai khàpe nømbe-khouwevtám neka venanqei sømbimáv. Neka khøuwa nøme, no ifín neka ibøkha naq páp. Khøuwa kandambá, ififina qægoam. Neka khøuwa nøme, no qozáq neka ndabua eqeieqei mbaín.

2 Corinthians 6:10

Ni mbøni nivavatún. Geté ni khanakhanakh oskia ni-asøtøvé. Ni gigiap-av ezoqám. Geté ni mokho-te, ezoqa kopoáv, andé ge꞉-gigiap-kopoav-ezoqam-éz. Ni zenda-zenda mbá qatiyagé. Geté Keliso mokho-te, ate ndægo, niqá.

John 11:35

Yaq Yesu gèvín.

Luke 6:20

Yaq Yesu ekeza paev ezoqam ndøwabám, gezø-ein, “Zo khanakhanakh mbá qanegó, zo gigiap-av ezoqam. Zapa ndǿgo, Mbumbukiam-qa Megeat Matev, zoqá.

Luke 6:22

Unimanqatín, zo khanakhanakh mbá qanegó, zo Ezoqam-ge Yo zapaya ndisanqaza neka ndøzømbo-qasi꞉v neka zoqa manqat ndiponqom neka zoqa iz ndingenøiwat.