Zebûr 101:3 - Kurmanji Încîl

³ Ezê tucar rê nedim ya xerab, Nefret dikim ez ji karê durûyan, Ew napeşke min.

Zebûr 101:3 Referans Kwoze

Zebûr 119:37

Tu çavên min ji tiştên vala bizivirîne, Û min di riya xwe de vejîne.

Eyûb 31:1

“Min bi çavê xwe re peymanekê çêkir, Gelo ezê çawa li keçikekê binêrim?

Methelokên 6:25

Di dilê xwe de çav bernede bedewiya wê Û bila bi awirên wê te neke êsîrê xwe.

Metta 5:28

Lê ez ji we re dibêjim, her kesê ku bi dilxwazî li jinekê binêre, ji xwe wî di dilê xwe de bi wê re zîna kiriye.

Zebûr 40:4

Xwezî bi wî ku ewle ye bi Xudan, Rû nade pozbilind û derewkaran.

Derketin 20:17

“Tê çav bernedî mal û milkê cîranê xwe. Tê çav bernedî jin, xulam, xadim, ga, ker an jî tu tiştekî cîranê xwe.”

Dubarekirina Şerîetê 15:9

Hay jê hebin ku hûn fikrê xerab nekin û di dilê xwe de nebêjin: ‘Sala heftan, sala bexişandina deynan nêzîk bûye.’ Hûnê beramberî tiştekî li birayê xwe yê hejar nenêrin û çikûsiyê nekin. Yan na wê cîranê we li dijî we bike hewar û hûnê sûcdar bin.

Petrûs II 2:21

Çimkî, eger piştî ku wan riya rastiyê zanî û ji pey emrê pîroz ê ku li wan hatibû spartin vegeriyabin, hingê nezanîna riya rastiyê wê ji bo wan hê çêtir bûya.

Galatî 4:9

Lê niha piştî ku we Xwedê naskir, hê zêdetir: Hûn ji aliyê Xwedê ve hatin naskirin, êdî çawa dîsa hûn li wan hêzên ruhî yên bêhêz û reben vedigerin? Ma hûn dîsa dixwazin xulamtiyê ji wan re bikin?

Romayî 12:9

Bila hezkirin bê durûtî be. Ji ya xerab nefret bikin, xwe li ya qenc bigirin.

Yêremya 22:17

“Lê çav û dilê te tenê li ser qezenca neheq e. Tu li pey rijandina xwîna bêsûcan, Neheqî û zordestiyê dikevî.”

Waiz 6:9

Ya ku çav dibîne ji ya ku canê mirov dixwaze çêtir e. Ev jî pûç e û wek ketina pey bayê ye.

Yêşû 23:6

Loma gelekî hêzdar bin ku hemû tiştên di Nivîsa Şerîeta Mûsa de hatiye nivîsandin pêk bînin. Jê ber bi milê çep û rastê ve averê nebin.

Îbranî 10:39

Lê belê em ne ji wan in ên ku xwe bi şûn ve dikişînin û helak dibin; lê em ji wan in ên ku ji bo rizgariya canê xwe bawer dikin.

Zebûr 119:113

Ez nefret dikim ji zilamê durû, Lê ez hez dikim ji şerîeta te.

Zebûr 78:41

Gellek caran wan Xwedê diceriband, Pîrozê Îsraêlê diêşand.

Zebûr 14:3

Hemû ji rê derketin, Bi hev re bûn mirdar. Kesî qencîker tune, Tenê yek nîne.

Derketin 32:8

Ew zû ji riya min li wan emir kir averê bûn. Wan ji bo xwe golikekî rijandî çêkir, perizînê û jê re qurban dan. Wan got: ‘Ya gelê Îsraêl, îlahê te yê ku tu ji welatê Misrê deranî ev e.’”

Mîxa 2:2

Ew çav berdidin zeviyan û desteser dikin, Dest datînin ser malan. Ew li mal û malxwê, Li mirov û mîrasê zorê dikin.

Îşaya 33:15

Kesê di riya heq de diçe û ya rast dibêje, Kesê qezenca bi zordariyê red dike, Kesê destê xwe ji bertîlê dûr digire, Kesê guhê xwe ji gotinên xwînrijandinê re digire Û ji bo xerabiyê nebîne, çavê xwe digire,

Îşaya 30:11

Xwe ji ser rê bidin alî, Ji rêçikan derkevin. Pîrozê Îsraêl ji pêş me rakin.’”

Zebûr 39:1

Min got, «Ezê li riyên xwe miqate bim, Bi zimanê xwe guneh nekim; Heta li pêş min be zilamê xerab, Ezê devê xwe girêdim, nedim cewab.»

Zebûr 125:5

Belê yên ku li riya xwe ya xwar diçin, Xudan wan bi xeraban re ceza dike. Aştî li ser Îsraêlê be!

Zebûr 97:10

Ey hûn hezkirên Xudan, nefret bikin ji xerabiyan. Canê dilsozên xwe ew diparêze, Ew wan azad dike, ji destê xeraban.

Zebûr 78:57

Wek bav û kalên xwe şûn ve vedigerîn, bêbextî dikirin, Wek kevanek xapînok xwar diçûn.

Zebûr 36:3

Hîle û derew li ser devê wî ye, Biaqilbûn, qencîkirin ne para wî ye.

Samûêl I, 15:11

“Ez poşman bûm ku min Şawûl kir padîşah. Çimkî êdî ji pey min vegeriya û gotinên min bi cih neanî.” Hêrsa Samûêl rabû û tevahiya şevê hewar û gaziyê xwe bir Xudan.

Dubarekirina Şerîetê 13:17

Wê tiştekî ji malên hatine rakirin di destê we de nemîne ku hêrsa Xudan a dijwar dakeve û çawa ku Xudan ji bav û kalên we re sond xwariye, ew li ber we bikeve, li we were rehmê û we zêde bike.

یوحنا 1 2:19

Ew ji nav me derketin, lê belê ew ne ji me bûn. Eger ew ji me bûna, wê bi me re bimana. Lê çûna wan diyar kir ku ew hemû ne ji me ne.

Zebûr 41:9

Yê ku nanê min xwar, dostê min ê nêzik û ewledar, Bêbextî li min kir.

Zebûr 139:22

Ez bi tevahî ji wan nefret dikim, Ew ji bo min bûne dijmin.

Methelokên 6:12

Mirovê beredayî û neheq, Bi devê derewîn digere.

Methelokên 6:13

Ew çavên xwe dişikêne, Bi lingên xwe dibêje, bi tiliyên xwe vedibêje.

Methelokên 8:13

Tirsa Xudan, nefreta ji xerabiyê ye. Loma ez ji quretî û pozbilindiyê, Ji riya xerab û gotinên şaş nefret dikim.

Zekeriya 8:17

Di dilê xwe de xerabiyan li hev nekin. Ji sonda derew hez nekin. Çimkî ez ji tevahiya van tiştan nefret dikim.’ Ev e gotina Xudan.”