Yêşû 3:1 - Kurmanji Încîl

¹ Yêşû serê sibê zû rabû, bi tevahiya gelê Îsraêl re ji Şîttîmê derket û hat ber Çemê Şerîayê. Wan pêşî çem derbas kir û wê şevê li wir man.

Yêşû 3:1 Referans Kwoze

Yêşû 2:1

Yêşûyê kurê Nûn, ji Şîttîmê bi dizî du sixûr şandin û ji wan re got: “Herin welêt, bi taybetî li Erîhayê binêrin.” Ew jî bi rê ketin û çûn mala fahîşeyeke ku navê wê Rahav bû û wê şevê li wê derê man.

Marqos 1:35

Bi berbangê re, serê sibê zû Îsa rabû û derket, çû cihekî bêpêjin û li wir dua kir.

Mîxa 6:5

Ya gelê min, pîlanên Balaqê Padîşahê Moavê bi bîr bîne! Bersiveke Balamê kurê Beor bîne bîra xwe. Ka ji Şîttîmê heta Gîlgalê çi qewimiye? Wê gavê tê bizanibî rizgariyên min.”

Yêremya 26:5

û guh nedin gotinên xulamên min ên pêxember ên ku min gelek caran ji we re şandin, jixwe hûn guh nadin wan,

Yêremya 25:3

“Ev bîst û sê sal in, ji sala sêzdehan a Yoşiyayê Padîşahê Cihûdayê kurê Amon heta îro, gotina Xudan ji min re tê û min gelek caran ji we re got, lê we guhdarî nekir.

Yêremya 7:13

Gotina Xudan ev e: “‘Niha, ji ber ku we ev kirin û tevî ku min gelek caran ji we re got, we guhdarî nekir û gava min gazî we kir, we bersiv neda,

Zebûr 119:60

Ji bo ku ez emrên te bigirim, Min lezand û ez derengî nemam.

Hejmartin 25:1

Gava gelê Îsraêl li Şîttîmê dima, hinek mêrên wan bi keçên Moaviyan re zina kirin.

Destpêk 22:3

Îbrahîm serê sibê zû rabû, kerê xwe kurtan kir, bi du xulam û Îshaqê kurê xwe re da rê. Wî ji bo qurbana şewitandinê êzing birîn û çû cihê ku Xwedê jê re gotibû.

Destpêk 21:14

Îbrahîm serê sibê zû rabû, hinek nan û meşkek av hilda, danî ser milê Hacerê û kurik pê re, ew şand. Hacer çû û demekê li Deşta Beêr-Şevayê geriya.

Yêşû 6:12

Dotira rojê Yêşû serê sibê zû rabû û kahinan Sindoqa Xudan hilda.

Yêşû 6:15

Roja heftan ew serê sibê zû rabûn û heft caran li dora bajêr geriyan. Tenê wê rojê ew heft caran li dora bajêr geriyan.

Yêşû 7:16

Yêşû serê sibê zû rabû û gelê Îsraêl li gorî eşîrên wî derxistin pêş. Ji nav wan eşîra Cihûdayê hat kifşkirin.

Yêşû 8:10

Yêşû serê sibê zû rabû, gel da hev. Wî û rîspî da pêşiya gel û berê xwe da bajarê Ayê.

Dadger 20:19

Gelê Îsraêl serê sibê rabû çû. Wan li dijî Gîvayê artêşgeh ava kirin.

Samûêl I, 17:20

Dawid serê sibê zû rabû û keriyên xwe teslîmî şivan kir û çawa ku Yêşa lê emir kiribû, çû. Gava hat artêşgehê, leşker li meydana şer diqîriyan.