Yêşû 13:3 - Kurmanji Încîl

³ a ku ji Çemê Şîhorê yê li rojhilatê Misrê, ber bi aliyê bakur ve heta sînorê Eqronê diçû û axa Kenaniyan tê hesibandin –pênc begîtiyên Filîstiyan hene; Xeza, Aşdod, Aşqelon, Gat û Eqron– axa Ewiyan,

Yêşû 13:3 Referans Kwoze

Yêremya 2:18

Heke niha tu bidî riya Misrê Û ava Şîhorê vexwî, wê çi kar bide te? Yan çi karê te hebe ku tu bidî riya Aşûrê Û ava Çemê Feratê vexwî?

Dadger 3:3

Pênc begên Filîstiyan, hemû Kenanî, Saydayî û Hîwiyên ku Çiyayên Lubnanê, ji Çiyayê Baal-Hermonê heta Levo-Hamatê rûdiniştin.

Dubarekirina Şerîetê 2:23

Herwiha Kaftoriyên ku ji Kaftorê hatibûn, Ewayiyên ku li gundên heta Xezayê diman, tune kirin û li cihê wan man.–

Samûêl I, 6:4

Filîstiyan wiha pirsîn: “Em wekî pêşkêşiyeke berdêlê çi jê re bişînin?” Kahin û falbazan got: “Pêşkêşiya we ya berdêlê, li gorî hejmara begên Filîstiyan, bila pênc kunêrên zêrîn û pênc mişkên zêrîn be. Çimkî ev bela li ser we û li ser mîrên we ye.

Yêşû 13:13

Lê Îsraêliyan Geşûrî û Maexayiyan neqewitandin. Geşûrî û Maexayî îro jî di nav gelê Îsraêl de dimînin.

Destpêk 10:6

Kurên Ham: Kûş, Misrayîm, Pût û Kenan.

Dadger 16:5

Begên Filîstî çûn ba jinikê. Wan jê re got: “Wî bixapîne û hîn bibe ka hêza wî ya mezin ji ku tê. Dibe ku em bêtesîr bikin, girê bidin û têk bibin. Her yek ji me, emê hezar û sed perçe zîv bidin te.”

Samûêl I, 5:1

Filîstiyan, piştî ku Sindoqa Xwedê desteser kirin, wê ji Even-Êzerê birin Aşdodê.

Padîşah I, 8:65

Silêman û tevahiya gelê Îsraêl heft rojan li hizûra Xwedayê me Xudan cejn kir. Civîneke pir mezin a mirovên ji Levo-Hamatê heta Geliyê Misrê bûn. Wan li pey hev du caran cejnên heft rojan kirin ku dikin cejna çardeh rojan.

Îşaya 23:3

Ew ji ser ava rabûyî dihatin Ku hatina te ji genimê Şîhorê, Ji dexlê Nîlê be. Tu bazara miletan bûyî.

Destpêk 15:18

Wê rojê Xudan bi Avram re peyman çêkir û got: “Ezê welatê ku ji Çemê Misrê heta Çemê Mezin –ku Ferat e– berfireh e, bidim ziriyeta te

Samûêl I, 5:8

Li ser vê yekê wan çend qasid şandin. Wan gazî tevahiya begên Filîstiyan kir û got: “Em çi ji Sindoqa Xwedayê Îsraêl bikin?” Began got: “Sindoqa Xwedayê Îsraêl bibin Gatê.” Bi vî awayî Sindoqa Xwedayê Îsraêl birin Gatê.

Samûêl I, 5:10

Sindoqa Xwedê birin Eqronê. Lê gava hat Eqronê, gel kir hewar û got: “Ji bo ku me û gelê me tune bikin Sindoqa Xwedayê Îsraêl ji me re anîn!”

Dîrok I, 13:5

Dawid ji Çemê Şîhora Misrê heta Levo-Hamatê tevahiya gelê Îsraêl civand ku Sindoqa Xwedê ji Qîryat-Yearîmê bîne.