Yêşû 12:1 - Kurmanji Încîl

¹ Padîşahên welêt ên ku Îsraêliyan ew têk birin û welatên wan ên li rojhilatê Çemê Şerîayê, ji Geliyê Arnonê heta Çiyayê Hermonê û li tevahiya rojhilatê Eravayê ji xwe re kirin milk, ev bûn:

Yêşû 12:1 Referans Kwoze

Dadger 11:18

“‘Ew di beriyê re, di dora welatên Edom û Moavê re derbas bûn, gihîştin rojhilatê welatê Moaviyan û li aliyê din ê Geliyê Arnonê kon vedan. Ew neketin welatê Moavê, çimkî Geliyê Arnonê sînor bû.

Yêşû 1:15

Çawa ku Xudan rihetî daye we, gava bide wan û ew jî axa ku Xwedayê we Xudan dide wan, ji xwe re bikin milk, hûnê ji wan re bibin alîkar. Wî çaxî hûnê vegerin ser axa xwe û ji xwe re bikin milk. Çimkî Mûsayê xulamê Xudan ev axa li rojhilatê Çemê Şerîayê daye we.”

Hejmartin 21:24

Gelê Îsraêl ew da ber şûran û ji Arnonê heta Yabboqê, axa ku digihîje sînorê Emmoniyan desteser kir. Çimkî sînorê Emmoniyan asê bû.

Hejmartin 21:13

Ji wir bi rê ket û li aliyê din ê Geliyê Arnonê kon veda ku li beriyê digihîje sînorê Amoriyan. Arnon sînorê Moavê ye ku di navbera Moavî û Amoriyan de ye.

Îşaya 16:2

Çawa çivîk baskên xwe dihejînin, Çawa ji hêlîna xwe têne belavkirin, Keçên Moavê jî wê di bihorên Arnonê de wisa bin.

Zebûr 133:3

Ev wek xunava Çiyayê Hermonê ye, Ku li Çiyayê Sîyonê diherikîne. Çimkî Xudan li wê derê, Bereket û jiyana herheyî difermîne.

Yêşû 22:4

Va ye, çawa ku ji wan re gotibû, Xwedayê we Xudan aramî da birayên we. Niha rabin û vegerin konên xwe û welatê mîrasa xwe yê li aliyê din ê Çemê Şerîayê ku Mûsayê xulamê Xudan daye we.

Yêşû 11:17

Herwiha ji Çiyayê Halaqê yê ku ji Seîrê dertê heta Baal-Gada ku li Deşta Lubnana li quntara Çiyayê Hermonê ye jî desteser kir. Wî hemû padîşahên van deran desteser kirin, li wan xist û kuştin.

Yêşû 11:3

ji Kenaniyên li rojhilat û li rojava ne, ji Amorî, Hîtîtî, Perîzzî, ji Yevûsiyên li herêma çiyayî ne û ji Hîwiyên ku li jêr Çiyayê Hermonê, li herêma Mîspayê ne re xeber şand.

Dubarekirina Şerîetê 4:48

Ev welat, ji Eroêra li kêleka Geliyê Arnonê heta Çiyayê Siyonê ku navê din Çiyayê Hermonê ye

Dubarekirina Şerîetê 2:24

“‘De rabin û ji Geliyê Arnonê derbas bibin. Va ye, min Sîhonê Amoriyê Padîşahê Heşbonê û welatê wî da destê we. Rabin welatê wî ji xwe re bikin milk. Êrîşî wî bikin.

Hejmartin 32:19

Emê li aliyê din ê Çemê Şerîayê û wêdetir bi wan re mîras nestînin. Çimkî rojhilatê Çemê Şerîayê wekî mîras para me ket.”

Hejmartin 32:33

Mûsa padîşahiya Sîhonê Padîşahê Amoriyan û padîşahiya Ogê Padîşahê Başanê da eşîrên Gad, Rûbên û nîveşîra Minaşşeyê kurê Ûsiv. Wî welat, bajar û axa bajarên derdora wan dan wan.

Yêşû 13:8

Eşîrên Gad û Rûbên bi nîveşîra din a Minaşşe re mîrasên xwe ya li rojhilatê Çemê Şerîayê standin ku Mûsayê xulamê Xudan dabûn wan:

Zebûr 89:12

Bakûr û başûr te çêkir, Çiyayên Tabor û Hermon Bi navê te şa dibin.

Zebûr 136:21

Û ciyên wan bi mîrasî; Kerema wî her û her e!

Hejmartin 21:21

Gelê Îsraêl ji Sîhonê Padîşahê Amoriyan re qasid şandin. Wan got:

Hejmartin 32:32

Emê bi awayekî çekdar li ber Xudan derbasî welatê Kenanê bibin, lê milkê ku emê mîras bistînin, wê li rojhilatê Çemê Şerîayê be.”

Dubarekirina Şerîetê 2:32

Loma gava Sîhon li Yehasayê bi tevahiya gelê xwe re hat pêşberî me ku şerê me bike,

Dubarekirina Şerîetê 3:1

“Piştre em zivirîn û di riya Başanê re çûn. Ogê Padîşahê Başanê bi hemû artêşa xwe re li Edreiyê hat pêşiya me ku şerê me bike.

Dubarekirina Şerîetê 4:44

Şerîeta ku Mûsa danî ber Îsraêliyan ev e.

Dubarekirina Şerîetê 4:46

Ew li aliyê rojhilatê Çemê Şerîayê, li pêşberî Bêtpeorê, li deştê bûn. Ew der di welatê Sîhonê Padîşahê Amoriyan de bû ku Mûsa û Îsraêlî têk biribûn.

Padîşah I, 4:19

Li herêma Gîladê, ango li diyarê Sîhonê Padîşahê Amoriyan û Ogê Padîşahê Başanê, Geverê kurê Ûrî bû. Herwiha li welatê Cihûda bi tenê waliyek hebû.