Yêşû 1:8 - Kurmanji Încîl

⁸ Divê ev Nivîsa Şerîetê ji devê te nekeve, ji bo ku tu bi baldarî ya ku tê de hatiye nivîsandin pêk bînî, tê bi şev û roj li ser wê kûr bifikirî. Wî çaxî wê riya te vebe û tê bi ser bikevî.

Yêşû 1:8 Referans Kwoze

Zebûr 119:15

Ezê li ser emrên te bixebitim, Û çavên min li riya te be.

Zebûr 19:14

Gotina ku dertê ji devê min, Fikra ku diçe ji dilê min, Bila maqûl bê dîtin li pêş te, Ya Xudan tu yî zinar û rizgarkarê min!

Kolosî 3:16

Bila peyva Mesîh bi hemû dewlemendiya xwe ve, di dilê we de cih bigire. Bi hemû şehrezayiyê hevdû hîn bikin, şîretan li hev bikin; bi gotina Zebûran, lavije û stranên ruhanî, di dilê xwe de bi şikirdarî ji Xwedê re bistrînin.

Methelokên 3:1

Lawo, hînkirina min ji bîr neke, Emrên min di dilê xwe de ragire.

Dubarekirina Şerîetê 29:9

Ji bo ku hûn di her tiştî de bi ser bikevin, hay jê hebin ku hûn gotinên vê peymanê pêk bînin.

Yûhenna 14:21

«Yê ku emrên min qebûl dike û wan tîne cih, ew e yê ku ji min hez dike. Yê ku ji min hez dike, ewê ji aliyê Bavê min ve bê hezkirin. Ez jî, ezê ji wî hez bikim û xwe ji wî re eşkere bikim.»

Lûqa 11:28

Lê wî got: «Rast e, lê hê bêtir xwezî bi wan ên ku peyva Xwedê dibihîzin û pêk tînin!»

Metta 7:24

«Îcar her kesê ku van peyvên min dibihîze û tîne cih, mîna wî mirovê aqilmend e ku xaniyê xwe li ser latê ava kiriye.

Zebûr 119:11

Da ku ez guneh nekim li hember te, Min di dilê xwe de veşart gotina te.

Zebûr 119:97

Ez çiqas hez dikim ji şerîeta te! Tevahiya rojê li ser wê difikirim.

Metta 7:21

«Ne ku her kesên ji min re dibêjin: ‹Ya Xudan, ya Xudan› wê bikevin Padîşahiya Ezmanan! Bi tenê yên ku daxwaza Bavê min ê li ezmanan dikin, wê bikevinê.

Yûhenna 13:17

Madem ku hûn van tiştan dizanin, xwezî bi we, eger hûn wan bikin.

Yêşû 1:7

Tenê hêzdar û wêrek be. Hay jê hebe ku tu tevahiya Şerîeta xulamê min Mûsa li te emir kir, pêk bînî. Ji wê bi milê çep û rastê ve averê nebe ku li her dera tu diçî de bi ser bikevî.

Dubarekirina Şerîetê 30:14

Ev peyv gelekî nêzîkî te ye. Ew li ser devê te û di dilê te ye ku tê pêk bînî.

Dubarekirina Şerîetê 5:29

Xwezî dilekî wisa bi wan re hebûya ku ji min bitirsiyana û hergav hemû emrên min pêk bianiyana! Xwezî qencî her û her bi wan û zarokên wan bihata kirin!

Zebûr 119:99

Ez ji hemû mamosteyên xwe bêtir şehreza me, Çimkî şîretên te di fikra min de ne.

Îşaya 59:21

Xudan dibêje: “Peymana min a bi wan re ev e: Ruhê min ê li ser te Û gotinên min ên min xistine devê te, Wê ji niha heta herheyî Ne ji devê te, ne ji devê ziriyeta te, Ne ji devê ziriyetên ziriyeta te bikevin.” Xudan ev yek dibêje.

Dubarekirina Şerîetê 5:32

Hay jê hebin! Çawa ku Xwedayê we Xudan li we emir kir, wan jî wiha pêk bînin. Ji wan bi milê çep û rastê ve averê nebin.

Dubarekirina Şerîetê 31:11

çaxê tevahiya gelê Îsraêl hat hizûra Xwedayê we Xudan, li dera ku wê hilbijêre, hûnê vê Şerîetê ji wan re bixwînin ku bi guhên xwe bibihîzin.

Efesî 4:29

Bila qet gotina xerab ji devê we dernekeve, lê belê ji bo perwerdekirinê çi qenc e – wek ku lazim e – wê bêjin, da ku ew ji guhdaran re keremdar be.

Metta 12:35

Mirovê qenc ji xezîna dilê xwe ya qenc tiştên qenc derdixe, lê mirovê xerab ji xezîna dilê xwe ya xerab tiştên xerab derdixe.

Zebûr 40:10

Min edaleta te di dilê xwe de veneşart, Min ji dilsozî û rizgariya te got, Min kerem û rastiya te ji cîvînên mezin veneşart.

Metta 28:20

hemû tiştên ku min li we emir kirine, hînî wan bikin, da ku pêk bînin. Va ye, ez herdem heta dawiya dinyayê bi we re me.»

Peyxam 22:14

«Xwezî bi wan ên ku xiftanê xwe şuştine, da ku heqê wan hebe, ku bên dara jiyanê û di dergehên bajêr re bikevin hundir!

Destpêk 24:63

Ber êvarê Îshaq çû nav zeviyan ku ji xwe re bifikire. Çaxê wî serê xwe rakir û dît ku deve nêzîk dibin.

Dubarekirina Şerîetê 31:24

Çaxê Mûsa bi tevahî gotinên vê şerîetê di nivîsê de nivîsî,

Yêşû 8:34

Piştre Yêşû hemû gotinên vê Şerîetê, bereket û naletê, bi awayê ku di Nivîsa Şerîetê de hatine nivîsandin xwendin.

Dubarekirina Şerîetê 5:1

Mûsa gazî tevahiya gelê Îsraêl kir û ji wan re got: “Ya gelê Îsraêl! Guh bidin qanûn û rêbazên ku îro ji we re dibêjim. Hûnê hînê wan bikin. Hay ji van tiştan hebin û pêk bînin.

Dubarekirina Şerîetê 29:8

Me welatê wan stand û bi milkî da eşîra Gad, Rûbên û nîveşîra Minaşşe.