Yêremya 9:8 - Kurmanji Încîl

⁸ Zimanê wan tîrekî kujer e, Hergav hîleyê dikin. Bi devê xwe, ji cîranên xwe re gotinên aştiyê dibêjin, Lê di dilê xwe de jê re kemînê datînin.”

Yêremya 9:8 Referans Kwoze

Zebûr 28:3

Min bi xerab û fesadîkiran re, Neke eynî mêzînê. Ew ji cîranên xwe re aştî dibêjin, Belê di dilê wan de xerabî heye.

Yêremya 9:3

“Ew zimanê xwe wekî kevanê ditikînin, Bi derewan, ne bi dirustiyê li welêt hêzdar bûn. Çimkî ew xerabiyê li ser xerabiyê dikin Û min nas nakin.” Ev e gotina Xudan.

Zebûr 120:3

Ey zimanê hîlekar, Wê çi bi te bê dayin, Wê çi li te bê zêdekirin?

Zebûr 57:4

Canê min di nav şêran de ye, Di nav zilamên ku dişewitînin de ez radizêm, Diranên wan wek rim û wek tîr in, Zimanê wan şûrê tûj.

Zebûr 55:21

Ji devê wî hingiv dibare, Belê dilê wî tije şer e. Gotinên wî ji rûn nermtir, Belê ji şûr tûjtir in.

Zebûr 12:2

Herkes ji cîranê xwe re derew dibêje, Bi xweşekî, bi durûtî dibêje.

Samûêl II, 3:27

Dema ku Avnêr zivirî Hevronê, Yoav bi hinceta hevdîtineke taybet a pê re, ew bir ber dergehê bajêr. Ji ber ku xwîna Esahêlê birayê wî rijandibû, Yoav li wê derê zikê Avnêr da ber şûran û ew kuşt.

Yêremya 9:5

Herkes cîranê xwe dixapîne, Tu kes rastiyê nebêje. Wan gotina derew hînî zimanê xwe kir. Ewqas xerabiyê dikin ku xwe diwestînin.

Yêremya 5:26

“Di nav gel de mirovên xerab hene. Wekî nêçîrvanên çivîkan di kemînê de ne, Kozikan datînin û mirovan digirin.

Zebûr 64:8

Wê zimanê wan, wan bibe xerabûnê, Yên ku wan bibînin, wê serê xwe bi wan bihejînin.

Zebûr 35:20

Çimkî ew nabêjin gotina aştiyê, Li hember yên ku rihet sekinî ne dikin hîlebaziyê.

Methelokên 25:18

Kesê li dijî cîranê xwe şahidiya derewîn dike, Gurz, şûr û tîrê tûj e.

Yêremya 9:4

“Bila herkes xwe ji cîranê xwe biparêze Û bi tu birayekî xwe ewle nebe. Çimkî her bira dixapîne Û her cîran fesadiyê dike.

Mîxa 6:12

Dewlemendên we zordar in, Şêniyên we derewan dikin. Di devên wan de zimanê xapînok heye.

Zebûr 12:3

Wê Xudan, lêva hemû xweşekan, Devê hemû zimandirêjan bibirre.

Zebûr 62:5

Ey canê min, tu tenê bi aramî Xwedê bipê, Çimkî hêviya min ew e.

Yêremya 5:9

Gotina Xudan ev e: “Ma ez ji ber vê yekê ceza nekim? Canê min ji miletekî wiha heyfê nestîne?