Yêremya 36:5 - Kurmanji Încîl

⁵ Piştre Yêremya li Barûk emir kir û got: “Ez girtî me, ez nikarim herim Mala Xudan.

Yêremya 36:5 Referans Kwoze

Yêremya 33:1

Hê Yêremya di hewşa parêzvanan de girtî bû, gotina Xudan cara diduyan jê re hat û got:

Yêremya 32:2

Di vê navberê de artêşa Padîşahê Babîlê dor li Orşelîmê dipêça û Yêremyayê Pêxember di hewşa parêzvanan a qesra Padîşahê Cihûdayê de girtî bû.

Korîntî II, 11:23

Ma ew xizmetkarên Mesîh in? Ez wek yekî ku aqilê wî tune bipeyivim – ez hê zêdetir im. Min zêdetir ked daye, ez zêdetir ketime zîndanê, min bêtir lêdan xwar, ez pirr caran gihîştime ber mirinê.

Îbranî 11:36

Hinekên din bi tinaz û qamçiyan, erê heta bi girêdan û zîndanê hatin ceribandin.

Tîmotʼêyo II 2:9

Ji ber vê Mizgîniyê ez wek sûcdarekî hatime girêdan û tengahiyê dikişînim, lê belê peyva Xwedê ne girêdayî ye.

Efesî 6:20

Di ber wê de ez bi zincîran girêdayî qasidiyê dikim. Dua bikin, da ku ez bê tirs, wek ku pêwist e, wê bêjim.

Efesî 3:1

Ji bo vê yekê ez Pawlos, ji bo we miletan di ber Mesîh Îsa de girtî me.

Yêremya 40:4

Va ye, niha îro ez zincîrên destê te vedikim. Heke bi min re hatina Babîlê di çavê te qenc be, kerem bike were. Ezê baş li te binêrim. Heke bi min re hatina Babîlê di çavê te de ne qenc be, neyê. Va ye tevahiya welêt li ber te ye. Çûna ku derê li ber çavê te baş û rast be, here wir.

Yêremya 38:28

Heta roja Orşelîm hat desteserkirin, Yêremya li hewşa parêzvanan ma.

Yêremya 38:6

Wê gavê wan Yêremya girt û avêt sarinca Malkiyayê kurê padîşah ku li hewşa parêzvanan bû. Wan Yêremya bi werîsan daxist jêr. Di sarincê de ne av, tenê herî hebû. Yêremya ket nav heriyê.

Yêremya 37:15

Serek li Yêremya hêrs bûn. Wan lê xist û ew li mala Yonatanê Nivîsende hepis kir. Çimkî wan mala wî kiribû zîndan.

Yêremya 20:2

Wî li Yêremyayê Pêxember xist û bi singî ve girê da ku li Dergehê Binyamînê yê jorîn ê Mala Xudan bû.

Nehemya 6:10

Rojekê ez çûm mala Şemayayê kurê Delayayê kurê Mehêtavêl ku xwe li malê veşartibû. Wî ji min re got: “Li Mala Xwedê, li hundirê Perestgehê em hev bibînin, lê em deriyê Perestgehê bigirin. Çimkî wê ji bo kuştina te werin! Belê wê bi şev ji bo kuştina te werin.”

Zebûr 88:8

Te nasên min ji min dûr kir, Min li pêş wan mekrûh kir. Derî li ser min hat radan, da ku ez nerevim.

Yêremya 32:12

Min li ber çavê Hanamêlê kurapê xwe, li ber çavê şahidên nivîsa kirînê îmze kirine û li ber çavê tevahiya Cihûdayiyên li hewşa parêzvanan rûniştine, nivîsa kirînê da Barûkê kurê Nêriyayê kurê Mahsêya.