Yêremya 22:18 - Kurmanji Încîl

¹⁸ Loma Xudan li ser Yehoyaqîmê kurê Yoşiyayê Padîşahê Cihûdayê wiha dibêje: “Wê tu kes li ser wî şînê neke û nebêje: ‘Wax birayo! Wax xwişkê!’ Wê tu kes şînê neke û nebêje: ‘Wax xweyo! Wax heşmeta wî!’

Yêremya 22:18 Referans Kwoze

Yêremya 16:6

“Wê li vî welatî mezin jî, biçûk jî bimirin. Wê neyên veşartin û tu kes şîna wan neke. Wê tu kes xwe birîndar neke û ji bo wan porê xwe kur neke.

Padîşah I, 13:30

Pêxemberê kal cendek xist gora xwe şîna wî kir û got: “Wey birayo, ax birayo!”

Yêremya 22:10

Ji bo kesê mirî negirîn û şînê nekin, Lê ji bo kesê bi rê bikeve bi dilşewatî bigirîn. Wê careke din venegere û welatê xwe nebîne.

Yêremya 16:4

“Wê bi nexweşiyên mirinê bimirin û wê tu kes şîna wan neke. Wê neyên veşartin û li ser axê bibin zibil. Wê bi şûr û xelayê biqedin. Wê cendekên wan ji teyrên ezmanan û heywanên çolê re bibin xurek.”

Yêremya 34:5

Tê di aştiyê de bimirî. Çawa ku ji bo bav û kalên te yên ku padîşahên beriya te bûn, agir hat pêxistin, wê ji bo te jî êgir pêxin. Wê şîna te bikin û bêjin: Ax xweyê me!’” Ev e gotina Xudan. “‘Ez Xudan vê dibêjim.’”

Samûêl II, 1:26

Ji bo te xemgîn im, birayê min Yonatan. Tu ji bo min pir hêja bûyî. Hezkirina te ji hezkirina jinê bêtir bû.

Padîşah II, 23:6

Wî pûtekî Aşêrayê ji Mala Xudan derxist derveyî Orşelîmê, bir Newala Qîdronê û ew li wê derê şewitand, perçiqand û kir xwelî. Xweliya wê li ser tirbên miriyên xelkê de avêt.

Padîşah II, 23:36

Gava Yehoyaqîm bû padîşah bîst û pênc salî bû. Yehoyaqîm li Orşelîmê yanzdeh salan padîşahî kir. Diya wî Zevûdaya keça Pedayayê Rûmayî bû.

Padîşah II, 24:6

Ew mir û gihîşt bav û kalên xwe. Kurê wî Yehoyaxîn li cihê wî bû padîşah.

Yêremya 22:12

Wê li dera wan ew sirgûn kiriye bimire û careke din vî welatî nebîne.

Dîrok I, 3:15

Kurên Yoşiya: Kurê pêşî Yohanan, yê diduyan Yehoyaqîm, yê sisêyan Sîdqiya û yê çaran Şallûm.

Yêremya 21:11

Ji qesra Padîşahê Cihûdayê re bêje: “Gotina Xudan bibihîzin!

Yêremya 36:30

Loma Xudan li ser Yehoyaqîmê Padîşahê Cihûdayê wiha dibêje: ‘Wê kesek jê tunebe ku li ser textê Dawid rûne. Wê cendekê wî bavêjin ber germa rojê û serma şevê.