Yêremya 2:21 - Kurmanji Încîl

²¹ Lê min tu wekî mêwa bijare danîbû Ku hemû ji tovên bi ewle bûn. Çawa tu xera bûyî û ziviriyî dêliyeke bejî?

Yêremya 2:21 Referans Kwoze

Îşaya 5:4

Hê jî tiştekî ku ji bo rezê xwe bikim maye? Qey min her tiştî nekiriye? Ez li bendê bûm tirî bide min, lê çima tiriyê bejî da?

Derketin 15:17

Ya Xudan te ew anîn çiyayê mîrasa xwe, Dera ku tu lê dimînî, Pîrozgeha ku te bi destê xwe danî, ya Reb.

Yûhenna 15:1

«Ez mêwa rastîn im, Bavê min jî rezvan e.

Zebûr 44:2

Te bi destê xwe berda miletan, Û ew bi cih kirin li şûna wan; Te şikand miletan, Belê firehî anî ji bo wan.

Zebûr 80:8

Te ji Misirê şivek dêliyê anî, Te milletan deranî û wê danî.

Dubarekirina Şerîetê 4:37

Ji ber ku wî ji bav û kalên we hez kir, ziriyeta wan hilbijart. Wî bi xwe, bi hêza xwe ya mezin hûn ji Misrê deranî.

Lûqa 20:9

Îsa dest pê kir, ev mesele ji xelkê re got: «Mirovekî rezek çand, ew bi kirê da rezvanan û ji bo demeke dirêj çû welatekî din.

Marqos 12:1

Îsa bi meselan ji wan re dest bi peyivînê kir: «Mirovekî rez danî, hawirdora wî sênc kir; mahserek kola û birca nobedaran çêkir. Piştre wî rez bi kirê da rezvanan û çû welatekî din.

Dubarekirina Şerîetê 32:32

Çimkî mêwa wan ji mêwa Sodomê ye, Ji zeviyên Gomorayê ye. Tiriyê wan tiriyê jehrê ye, Gûşiyên wan tehl in.

Metta 21:33

«Guhdariya meseleyeke din bikin: Malxwêyekî malê hebû ku rez danî. Wî hawirdora wî sênc kir, li navê mahserek kola û birca nobedaran çêkir. Piştre wî rez bi kirê da rezvanan û çû welatekî din.

Îşaya 61:3

Alîkariya şîndarên Siyonê bikim Di şûna xweliyê de, tacê deynim serê wan, Di şûna şînê de, rûnê şahiyê bidim wan Û di şûna ruhgiraniyê de, cilê pesindanê bidim wan. Wê ji wan re darberûyên rastiyê bê gotin, Şaxên ku Xudan danîne Ku berziya wî nîşan bidin.

Îşaya 60:21

Wê tevahiya gelê te kesên rast bin, Wê welêt bikin mîrasa herheyî. Ew in şaxên ku min danîne, Ew in karên destê min Ku ezê berziya xwe nîşan bidim.

Îşaya 41:8

“Lê tu, Îsraêlê xulamê min, Aqûbê ku min hilbijart, Ziriyeta Îbrahîmê dostê min,

Îşaya 1:21

Ma bajarê dilsoziyê çawa bû fahîşe! Ew bajarê ku bi edaletê tije bû. Berê rastî lê dima, Niha kujer!

Zebûr 105:6

Ey nifşê xizmetkarê wî Birahîm, Zarokên Aqûb ên ku wî bijartine,

Yêşû 24:31

Di tevahiya emrê Yêşû û tevahiya emrê rîspiyên ku hemû kirinên Xudan ji bo gelê Îsraêl kirine zanibûn û piştî Yêşû sax mane de, gelê Îsraêl xulamiya Xudan kir.

Lavijên Şînê 4:1

Zêr çawa reş bû! Zêrê xas çawa guherî! Kevirên pîroz li serê her kuçeyê belav bûne.

Destpêk 32:28

Zilêm got: “Êdî wê ji te re Aqûb neyê gotin, lê wê Îsraêl bê gotin. Çimkî te bi Xwedê û bi mirovan re rikeberî kir û tu bi ser ketî.”

Destpêk 18:19

Min Îbrahîm hilbijart ku li zarokên xwe û li nifşê piştî xwe emir bike ku hay ji riya min hebin û ya heq û rast bikin. Ezê jî soza min daye wî pêk bînim.”

Îşaya 27:2

Wê rojê wê Xudan bêje: “Ji bo rezê xweşik, bistrînin!

Yêremya 11:17

Xudanê Karîndar ê ku tu danî, Li dijî te xerabiyê emir kir. Çimkî Mala Îsraêl û Mala Cihûda, Ji Baal re bixûr pêxist. Bi vî awayî hem li xwe xerabî kir, Hem jî ez hêrs kirim.

Zebûr 80:9

Te axa pêş wê vekir, Wê kûr tor berda, welat tije kir.

Yêremya 5:10

“Bikevin nav rezên wî û xera bikin, Lê bi tevahî neqedînin. Guliyên wan jêkin û bavêjin, Çimkî ew ne yên Xudan in.

Yêremya 11:16

Xudan navê darzeytûna şîn li te kir Ku bi fêkiyê xwe yê baş xweşik e. Lê gava bahoz rabû, Wê agir bi darê bikeve Û guliyên wê xera bike.