Yêremya 15:5 - Kurmanji Încîl

⁵ “Ya Orşelîm! Wê kî li ber te bikeve? Wê kî ji bo te şînê bike? Wê kî berê xwe bide te Û li rewşa te bipirse?”

Yêremya 15:5 Referans Kwoze

Îşaya 51:19

Ev du tişt hatin serê te, Ka wê kî ji bo te şînê bike? Şikestin û hilweşandin, xela û şûr hatin, Ka ez çawa te teselî bikim?

Nahûm 3:7

Hemû kesên li te binêrin wê ji te birevin Û bêjin: ‘Nînewa xera bûye, Wê kê ji bo wan li xwe bixe? Ezê kê bibînim ku te teselî bike?’”

Yêremya 21:7

Gotina Xudan ev e: “‘Paşê ezê Sîdqiyayê Padîşahê Cihûdayê, xulamên wî û hemû kesên bajêr ên ku ji ber kul, şûr û xelayê sax mane, bidim destê Nebûxadnessarê Padîşahê Babîlê û dijminên pey kuştina wan. Wê hemûyan bide ber şûran, canê wan nebexişîne, li ber wan nekeve û rehmê nîşanî wan nede.’

Zebûr 69:20

Ez bi keder im, riswatiyê dilê min şikand, Ez li benda dilovanekî mam, belê derneket, Li xemrevînekî geriyam, min rayî nekir.

Yêremya 16:5

Çimkî Xudan wiha dibêje: “Nekeve mala şînê. Ranebe li xwe nexe û ji bo wan neke hewar. Çimkî min aştî, rehim û dilovaniya xwe ji ser vî gelî rakir.” Ev e gotina Xudan.

Yêremya 13:14

Ezê wan, bav û kuran li hev bixim û bipelixînim.’” Ev e gotina Xudan. “‘Ezê li ber wan nekevim û wan ji cezakirinê neparêzim. Gava ez wan xera dikim, ezê li wan neyêm rehmê.’”

Eyûb 19:21

“Hevalno! Li min werin rehmê, Li min werin rehmê, destê Xwedê li min ketiye.

Samûêl I, 25:5

Deh xulam şandin ba wî û wiha emir kir: “Li Karmelê herin ba Naval. Silavê min lê bikin û jê re bêjin:

Samûêl I, 17:22

Dawid tiştên anî, danî ber peywirdar, ber bi artêşa tevdîrgirtî ve beziya û li rewşa birayên xwe pirsî.

Samûêl I, 10:4

Wê silavê li te bikin û du nan bidin te. Tê jî qebûl bikî.

Dadger 18:15

Wan berê xwe da mala Mîxa ku xortê Lêwiyî lê dima. Gava ketin hundir, wan li rewşa wî pirsî.

Derketin 18:7

Mûsa hat pêşiya xezûrê xwe, li pêş wî deverû çû erdê û ramûsa. Wan li rewşa hev pirsîn û derbasî hundirê kon bûn.

Lavijên Şînê 1:17

Siyon destên xwe vedike, Lê tu teselîkarê wê tuneye. Xudan li dijî Aqûb emir kir Ku kesên derdorê jê re bibin neyar. Orşelîm di nav wan de bû kirêtiyek.