Yêremya 12:1 - Kurmanji Încîl

¹ Gava ez li ber te dozê vekim, Tu mafdar î, ya Xudan. Lê bihêle, ez bi te re li ser edaletê bipeyivim. Çima riya xeraban bi xêr e? Her bêbext ji bo çi rihet e?

Yêremya 12:1 Referans Kwoze

Melaxî 3:15

Niha em ji qureyan re dibêjin xwezî bi wan. Kesên xerabiyê dikin tenê bi ser dikevin, gava ew Xwedê diceribînin jî, ji cezayan rizgar dibin!’”

Zebûr 92:7

Wek giya şînbûna xeraban, Hergav şaxdayina yên ku dikin fesadiyan, Ji bo her û her hilweşîna wan e.

Zebûr 37:1

Ber wan nekeve, yên ku dikin xerabî, Ne jî biheside, yên ku dikin fesadî!

Daniyêl 9:7

“Tu dadperwer î, ya Reb! Ji ber ku em ne dilsoz bûn te em avêtin welatên dûr û nêzîk. Em ew Cihûyên ku li wan deran dijîn, şêniyên Orşelîmê, hemû Îsraêlî îro em di nav şermê de ne.

Eyûb 12:6

Konên rêbiran di rihetiyê de ne, Kesên hêrsa Xwedê rakirine di ewlehiyê de ne. Xwedê ev tişt dane destê wan.

Habaqûq 1:4

Loma hêza Şerîetê nemaye, Edalet qet pêk nayê. Xerab rastan dorpêç dikin, Jixwe edalet jî tuneye.

Zebûr 51:4

Li hember te, tenê min li ber te sûc kir, Min ya ku, li pêş çavê te xerab bû kir. Îcar tu, di gotinê de mafdar, Di dadbarkirinê de rastdar î.

Zebûr 37:35

Min zilamê xerab û bêrehm dît, Wek dara ku li ciyê xwe şîn bûye, Şax û gulî dabû;

Sefanya 3:5

Xudanê tê de rast e, Ew neheqiyê nake. Ew her sibe edaleta xwe pêk tîne Û her şeveq wê bernade. Lê kesê neheq nizane şerm çi ye.

Yêremya 11:20

Lê ya Xudanê Karîndar! Ya Dadgerê adil ê ku dil û raman diceribîne! Ez heyfa ku tê ji wan bistînî bibînim, Çimkî min doza xwe li ber te vekir.

Yêremya 12:6

Çimkî birayên te û mala bavê te jî, Bi te re bêbextî kir. Ew bi dengê bilind li pey te qîriyan. Gotinên xweş li rûyê te bêjin jî, Tu ji wan bawer neke.

Yêremya 5:11

Mala Îsraêl û Mala Cihûda, Bi min re gelekî bêbextî kir.” Ev e gotina Xudan.

Eyûb 13:3

Lê ez dixwazim bi Karîndar re bipeyivim, Ez dixwazim doza xwe li ber Xwedê vekim.

Ezra 9:15

Ya Xwedayê Îsraêl Xudan! Tu adil î. Îro, hinek ji me ji sirgûnê filitîne û sax mane. Tevî ku heqê kesî tuneye li ber te bisekine, va ye em bi sûcên xwe li ber te disekinin.”

Hoşêya 6:7

Lê wan li bajarê Adamê Peyman binpê kir. Li wê derê li min bêbextî kirin.

Îşaya 48:8

Te tu caran nebihîstibû, tu caran nizanibû, Ji demên berê ve jî guhên te ne vekirî bûn. Çimkî min zanibû tu gelekî xayîn î Û hê ji zikmakî ve ji te re serhildêr dihate gotin.

Îşaya 41:21

Xudan dibêje: “Doza xwe bînin vir!” Padîşahê Aqûb dibêje: “Delîlên xwe bînin!

Methelokên 1:32

Averêtiya sexikan, wan dikuje, Bêxemiya bêaqilan, wan tune dike.

Zebûr 145:17

Xudan di hemû riyên xwe de dadperwer e, Di hemû karên xwe de keremdar e.

Zebûr 119:137

Tu dadperwer î, ya Xudan, Û dadbariyên te rast in.

Zebûr 119:75

Ez dizanim ya Xudan, dadbariyên te rast in; Te ez bi dilsozî nizim kirim.

Dubarekirina Şerîetê 32:4

Ew zinar e, karê wî kamil e, Hemû riyên wî adil in. Ew Xwedayê dilsoziyê ye, neheqiyê nake, Ew rast û dirust e.

Destpêk 18:25

Dûrî te be ku tu wiha bikî û tu kesê rast jî bi kesê xerab re bikujî û rast bibin wekî xerab! Ma dadgerê tevahiya dinyayê ya rast neke?”

Nehemya 9:33

Lê di tiştên têne serê me de tu rast î. Tu dilsoz bûyî, lê me xerabî kir.

Zebûr 116:5

Xudan keremdar û dadperwer e, Xwedayê me dilovan e.

Waiz 8:14

Li ser rûyê erdê tiştekî din ê pûç heye: Mirovên rast hene, tiştê tê serê wan, divê bê serê xeraban. Mirovên xerab jî hene, tiştê tê serê wan, divê bê serê rastan. Min got: “Ev jî tiştekî pûç e.”

Yêremya 3:7

Min got: ‘Wê li min vegere’ lê venegeriya. Cihûdaya xwişka wê ya bêbext jî ev yek dît.

Yêremya 3:20

Lê belê, çawa ku jinek bi mêrê xwe re bêbextiyê dike, Tu jî bi min re bêbext bûyî, ya Mala Îsraêl.’” Ev e gotina Xudan.

Yêremya 9:2

Xwezî ji bo min li beriyê, Qonaxeke rêwiyan hebûya Ku min gelê xwe berda Û ez ji ba wan biçûma. Hemû zinakar û koma bêbextan in.

Yêremya 32:16

“Piştî min nivîsa firotinê da Barûkê kurê Nêriya, min ji Xudan re dua kir û got:

Lavijên Şînê 1:18

“Xudan rast e, Çimkî ez li dijî fermana devê wî derketim. Lê hemû gelno! Bibihîzin û êşa min bibînin. Keç û xortên min çûn sirgûnê.

Eyûb 8:17

Koka wî xwe li şikêra keviran dipêçe, Di nav keviran de cih digere.

Eyûb 24:12

Nalîna mirovan ji bajêr tê, Canê birîndaran dike hewar. Lê Xwedê li vê neheqiyê nanêre.

Eyûb 24:23

Gava ew ewlehiyê dide wan, ew tên piştgirîkirin, Çavê wî li ser riyên wan e.

Zebûr 51:6

Madem tu ji dil û can rastiyê dixwazî, Şahrezayiyê têxe, kûrahiya dilê min.

Daniyêl 9:14

Îcar Xudan dev ji xerabiya ku bi ser me de anî berneda. Çimkî her tiştê ku Xwedayê me Xudan dike rast e. Lê me guhdariya dengê wî nekir.

Melaxî 2:17

We bi gotinên xwe Xudan aciz kir. Lê hûn dibêjin: “Me çawa ew aciz kir?” We bi van gotinan aciz kir: “Her kesê xerabiyê dike di çavê Xudan de qenc e. Dilê wî bi wî kesî xweş e.” Bi ser de we ev jî got: “Ka Xwedayê edaletê?”