Yêremya 11:16 - Kurmanji Încîl

¹⁶ Xudan navê darzeytûna şîn li te kir Ku bi fêkiyê xwe yê baş xweşik e. Lê gava bahoz rabû, Wê agir bi darê bikeve Û guliyên wê xera bike.

Yêremya 11:16 Referans Kwoze

Îşaya 27:11

Gava guliyên wê hişk bibin, Wê bên jêkirin. Wê jin werin û wan bişewitînin. Çimkî ev gel fêm nake. Loma wê afirandarê wan Li ber wan nekeve, Yê ku şikil daye wan, Wê rehmê li wan neke.

Zebûr 52:8

Belê ez, li mala Xwedê wek dara zeytûnê ya şîn im, Hergav û her û her bi kerema Xwedê ewle me.

Zebûr 80:16

Bi agir hatiye şewitandîn, hatiye birrîn dêliya te, Bila bi awirên te yên tûj tune bibin, dijminê te!

Yûhenna 15:6

Eger yek bi min re nemîne, wê wek şivika mêwê bê avêtin derve û hişk bibe. Hingê ew tên civandin, tên avêtin nav êgir û dişewitin.

Metta 3:10

Ji xwe bivir li ser qurmê daran e! Her dara ku berê qenc nede wê bê birrîn û bê avêtin nav êgir.

Yêremya 21:14

“‘Ezê we li gorî berê karê we ceza bikim.’” Ev e gotina Xudan. “‘Ezê li daristana bajêr agirekî wisa pêxim Ku hemû derdora wî dadiqurtîne.’”

Zebûr 83:2

Binêre, dijminên te tevliheviyê dertînin, Yên ku ji te nefret dikin, serî hiltînin.

Peyxam 11:4

Ev in ew herdu darên zeytûnan û herdu şamdankên ku li ber Xudanê dinyayê disekinin.

Dubarekirina Şerîetê 28:40

Wê li seranserê welatê te darzeytûn hebin, lê tê zeytê li xwe nedî. Çimkî wê berê zeytûnên te bikeve bin daran.

Eyûb 8:16

Wekî pîrikê, Xwedênenas li ber tavê şîn dibe Û şaxên wî dertên ser bexçe.

Yêremya 7:20

“Loma Reb Xudan wiha dibêje: ‘Va ye, ezê li vê derê, bi ser mirovan, heywanan, darên çolê û berê axê ve hêrs û xezeba xwe birijînim. Wê bişewitîne û netefe.’

Hoşêya 14:6

Wê şax bide, Wê xweşiya wî wê bişibe darzeytûnan Û bêhna wî bibe wekî sedra Lubnanê.

Zebûr 80:17

Destê te, li ser wî zilamî ye, ku destê te yê rastê ye, Bila destê te, li ser wî be ku tu ji bo xwe hêzdar dikî!

Yêremya 2:21

Lê min tu wekî mêwa bijare danîbû Ku hemû ji tovên bi ewle bûn. Çawa tu xera bûyî û ziviriyî dêliyeke bejî?