Yêremya 1:5 - Kurmanji Încîl

⁵ “Beriya ku min di zikê dê de şikil da te, Min tu nas kirî. Beriya bûyîna te, min tu veqetandî Û ji miletan re kirî pêxember.”

Yêremya 1:5 Referans Kwoze

Zebûr 139:16

Hê di malzaroka dê de çavên te ez dîtim; Hemû rojên ku ji bo min hatibûn veqetandin, Beriya ku yek ji wan jî bê, Tev di kitêba te de hatibûn nivîsandin.

Îşaya 49:1

Ya kesên keviyên deryayan, min bibihîzin! Ya neteweyên dûr, guhdarî bikin! Gava ez di zik de me, Xudan gazî min kir. Gava ez di zikê dayika xwe de bûm, navê min danî.

Romayî 8:29

Çimkî Xwedê ew ên ku ji berê ve bijartine, ji berê ve kifş jî kirin ku di sûretê Kurê wî de bin. Wisa ku Kur di nav gelek birayan de yê nixurî be.

Îşaya 49:5

Niha Xudan dibêje. Yê ku di zik de şikil daye min û ez kirim xulamê xwe ku Aqûb bi şûn de bînim ba wî û Îsraêl li ber wî bicivînim –çimkî di çavê Xudan de ez birûmet im û Xwedayê min bû hêza min–

Îşaya 44:2

Ez, Xudanê ku tu afirandiye, Di zik de şikil daye te Û wê ji te re bibe alîkar, wiha dibêjim: ‘Netirse Aqûbê xulamê min, Yeşûrûnê ku min hilbijart.

Lûqa 1:41

Gava ku Êlîzabêtê silava Meryemê bihîst, zarok di zikê wê de xwe tevda û Êlîzabêt bi Ruhê Pîroz tije bû,

Lûqa 1:76

Û tu jî, zaroko, wê ji te re pêxemberê Yê Herî Berz bê gotin, Çimkî tê di pêşiya Xudan de herî, da ku tu riyên wî amade bikî

Derketin 33:17

Xudan ji Mûsa re got: “Ev tiştê tu dibêjî ezê bikim, çimkî ez ji te razî me û ez te bi navê te nas dikim.”

Yêremya 1:10

Binêre, min îro tu li ser milet û padîşahiyan kifş kirî ku tu ji kokê rakî û hilweşînî, tune bikî û xera bikî, ava bikî û daçikînî.”

Derketin 33:12

Mûsa ji Xudan re got: “Tu ji min re dibêjî ku gel derîne, lê te ji min re negot ku tê kê bi min re bişînî. Te ji bo min got: ‘Ez te bi navê te dinasim û dilê min bi te xweş e.’

Lûqa 1:15

Çimkî ewê li ba Xudan mezin be. Ew şerab û vexwarinên giran qet venaxwe Û hê di zikê diya xwe de wê bi Ruhê Pîroz tije be.

Romayî 1:1

Ji Pawlosê xulamê Mesîh Îsa yê ku ji bo şandîtiyê hatiye gazîkirin û hatiye veqetandin, da ku Mizgîniya Xwedê

Yêremya 50:34

Lê rizgarkarê wan hêzdar e, Navê wî Xudanê Karîndar e. Wê esse doza wan biparêze Ku ji dinyayê re rihetiyê Û ji şêniyên Babîlê re nerihetiyê bîne.”

Efesî 1:22

Û Xwedê «her tişt xist bin lingên wî» û ew bi serîtiya li ser her tiştî da Civînê.

Yûhenna 10:36

Bav ez kirim veqetandiyê pîroz û ez şandim dinyayê, îcar ji ber ku min got: ‹Ez Kurê Xwedê me›, hûn çawa ji min re dibêjin: ‹Tu çêran dikî!›

Korîntî I, 8:3

Lê eger yek ji Xwedê hez dike, ew ji aliyê Xwedê ve tê nas kirin.

Zebûr 139:15

Gava ez li dera veşartî hatim afirandin, Di kûrahiyên erdê de hatim nixamtin, Bedena min ji te veşartî nebû.

Yêremya 1:4

Gotina Xudan ji min re hat û got:

Yêremya 25:13

Ezê hemû gotinên xwe yên ku min li dijî wî welatî gotine, hemû tiştên di vê nivîsê de hatine nivîsandin ku Yêremya li dijî hemû miletan pêxemberî kir, bînim serê vî welatî.

Yêremya 36:2

“Tomarekê hilde û hemû gotinên min ên ji rojên Yoşiya vir ve li dijî gelên Îsraêl û Cihûda û miletên din ji te re gotin, binivîse.

Yêremya 20:15

Bila nalet li wî mirovî bê Ku mizgînî da bavê min, Gelekî şa kir û got: “Kurek ji te re bû!”