Samûêl II, 2:4 - Kurmanji Încîl

⁴ Gelê Cihûdayê çûn Hevronê û li wê derê li ser Mala Cihûda Dawid wekî padîşah bi rûnkirinê kifş kir. Wan ji Dawid re got ku kesên Şawûl veşartine, Yavêş-Gîladî ne.

Samûêl II, 2:4 Referans Kwoze

Samûêl II, 5:5

Li Hevronê heft sal û şeş mehan ji Cihûdayê re, li Orşelîmê jî sî û sê salan ji hemû Îsraêl û Cihûdayê re padîşahî kir.

Samûêl II, 5:3

Hemû rîspiyên gelê Îsraêl li Hevronê hatin ba Dawidê Padîşah û wî li wir li ber Xudan bi wan re peymanek çêkir. Wan jî Dawid wekî Padîşahê gelê Îsraêl kifş kir.

Dîrok I, 11:3

Hemû rîspiyên gelê Îsraêl li Hevronê hatin ba Dawid û wî li wir li ber Xudan bi wan re peymanek çêkir. Li gorî gotina Xudan ku bi riya Samûêl da, wan Dawid wekî Padîşahê gelê Îsraêl kifş kir.

Samûêl I, 16:13

Samûêl qiloçê zeytê hilda, li ber birayên wî ew rûn kir. Ji wê rojê û pê ve, Ruhê Xudan bi hêzeke mezin hat ser Dawid. Samûêl jî çû Ramayê.

Samûêl II, 19:42

Li ser vê yekê, Cihûdayiyan ji gelê Îsraêl re got: “Ji ber ku padîşah yekî ji me ye, hûn çima ji vê yekê hêrs dibin? Ma me ji hebûna padîşah tiştek xwariye? Me ji xwe re tiştek hildaye?”

Samûêl II, 19:11

Dawidê Padîşah ji Sadoqê Kahin û ji Aviyatarê Kahin re xeber şand û got: “Ji rîspiyên Cihûdayê re bêjin: ‘Li gorî gotinên ku heta qesra padîşah, li seranserê welatê Îsraêl tên gotin, ji bo çi hûn li paş dimînin?

Samûêl II, 5:17

Gava Filîstiyan bihîst ku Dawid li ser gelê Îsraêl wekî padîşah hatiye kifşkirin, hemû artêşa Filîstî ji bo li Dawid bigerin ketin rê. Gava Dawid bi vê yekê hesiya, ew çû asêgehê.

Samûêl II, 2:11

Dawid li Hevronê li ser Mala Cihûda heft sal û şeş mehan padîşahî kir.

Samûêl II, 2:7

Xweyê we Şawûl mir. Niha hêzdar û mêrxas bin. Mala Cihûda ji bo bibim padîşah ez kifş kirim.”

Dîrok I, 12:23

Li gorî fermana devê Xudan, ji bo ku padîşahiya Şawûl bidin destê Dawid, hejmara serekên çekdarên ku ji Hevronê hatin ba wî ev in:

Samûêl II, 21:11

Gava Dawid bi kirinên cariyeya Şawûl Rispaya keça Aya hesiya,

Samûêl II, 21:12

ew çû û hestiyên Şawûl û Yonatanê kurê wî ji xelkê Yavêş-Gîladê standin. Roja ku Filîstiyan li Çiyayê Gilboayê Şawûl kuşt, cendekê wî û cendekê kurê wî, li qada Bêtşeanê daleqandibûn. Xelkê Yavêş-Gîladê jî cendek bi dizî ji wir anîbûn.

Padîşah II, 11:12

Wî kurê padîşah derxist derve, tac danî serê wî û Şerîet spart wî. Wan ew kir padîşah. Yehoyada û kurên wî ew rûn kir, li çepikan xist û got: “Her bijî padîşah!”

Dîrok I, 10:11

Lê gava Yavêş-Gîladiyan bihîst ku Filîstiyan ev tişt aniye serê Şawûl,