Samûêl II, 2:1 - Kurmanji Încîl

¹ Piştî vê yekê Dawid ji Xudan pirsî û got: “Gelo ez neçim bajarekî Cihûdayê?” Xudan got: “Here.” Dawid pirsî: “Ez herim kîjan bajarî?” Xudan got: “Here Hevronê!”

Samûêl II, 2:1 Referans Kwoze

Samûêl I, 30:31

ji bo kesên ku li Hevronê dimînin û ji cihên ku bi zilamên xwe re diçûnê, malê talên şand.

Samûêl I, 23:2

Dawid bi Xudan şêwirî û got: “Ez herim êrîşî van Filîstiyan bikim?” Xudan bersiv da û got: “Here êrîşî Filîstiyan bike û bajarê Qeîlayê rizgar bike.”

Samûêl I, 23:4

Li ser vê yekê Dawid careke din bi Xudan şêwirî. Xudan jê re careke din got: “Rabe, here Qeîlayê! Çimkî ezê Filîstiyan bi destê xwe radestî te bikim.”

Destpêk 32:2

Gava Aqûb ew dîtin, wî got: “Ev artêşgeha Xwedê ye.” Wî navê wê derê Mahanayîm danî.

Zebûr 143:8

Serê sibê, kerema xwe bi min bide bihîstin, Çimkî ez bi te bawer im; Riya ku ezê herim nîşanî min bide, Çimkî ez canê xwe ji te re bilind dikim.

Zebûr 27:4

Min tiştekî xwest ji Xudan, ez li wî geriyam: Temaşekirina bedewiya Xudan, Li perestgeha wî, ji bo ku ez ji wî re bibim heyran, Hemû rojên jiyana xwe li mala wî biborînim.

Dîrok I, 29:7

Ji bo xizmeta Mala Xwedê, pênc hezar telant û deh hezar darîk zêr, deh hezar telant zîv, hijdeh hezar tûnc û sed hezar telant jî hesin dan.

Padîşah I, 2:11

Wî çil salan li ser gelê Îsraêl padîşahî kir; heft salan li Hevronê û sî û sê salan jî li Orşelîmê.

Samûêl II, 15:7

Piştî çar salan Avşalom ji padîşah re got: “Destûr bide ez herim Hevronê û soza xwe pêk bînim ku min dabû Xudan.

Samûêl II, 5:23

Dawid ji Xudan pirsî. Xudan jê re got: “Ji vî alî ve êrîş neke! Wan ji paş ve dorpêç bike û li ber darên belesanê êrîşî wan bike.

Samûêl II, 5:19

Dawid ji Xudan pirs kir û got: “Ez êrîşî Filîstiyan bikim, tê wan bidî destê min?” Xudan jê re got: “Bike, ezê bêguman bidim destê te.”

Samûêl II, 2:11

Dawid li Hevronê li ser Mala Cihûda heft sal û şeş mehan padîşahî kir.

Dadger 1:1

Piştî mirina Yêşû, gelê Îsraêl ji Xudan pirsî û got: “Wê kî ji nav me pêşî here şerê Kenaniyan?”

Hejmartin 27:21

Wê li pêş Êlezarê Kahin bisekine û wê kahin li hizûra Xudan biryara Ûrîmê bipirse. Bi vî awayî wê Êlezar rêberiya Yêşû û tevahiya civaka Îsraêl bike.”

Hejmartin 13:22

Herwiha wan Negevê derbas kir û hatin Hevrona ku ji binemalên Enaqiyan; Ahîman, Şêşay û Talmay li wir diman. –Hevron heft sal beriya Bajarê Soanê hatibû avakirin ku ew bajar li Misrê bû.–

Destpêk 13:18

Avram konên xwe hilanîn û çû Hevronê, li ber darmaziyên Mamrê bi cih bû. Wî li wir gorîgehek ji Xudan re çêkir.

Yêşû 15:13

Li ser fermana devê Xudan ku wî lê kir, Yêşû Qîryat-Arba –ku Hevron e– ya ku para Cihûdayiyan bû da Kalêvê kurê Yefûnne. Arba bavkalê Enaqiyan bû.

Samûêl I, 10:22

Wan careke din ji Xudan pirsîn: “Ew hê jî nehatiye vir?” Xudan got: “Ew li vir e, lê di nav hûr-mûran de xwe veşartiye.”