Samûêl I, 2:3 - Kurmanji Încîl

³ Êdî gotinên mezin nekin, Bila ji devê we gotinên qure dernekevin, Ji ber ku Xudan ew Xwedê ye ku her tiştî dizane. Ew e yê ku kirinan dipîve.

Samûêl I, 2:3 Referans Kwoze

Methelokên 8:13

Tirsa Xudan, nefreta ji xerabiyê ye. Loma ez ji quretî û pozbilindiyê, Ji riya xerab û gotinên şaş nefret dikim.

Padîşah I, 8:39

wê gavê li ezmanan, li warê xwe bibihîze, bibexişîne, tevbigere û li gorî hemû riyên wan bide kesê tu dilê wî dizanî. Çimkî tu, tenê tu dilê hemû mirovan dizanî.

Methelokên 24:12

Heke tu bêjî: “Lê min ev nizanibû” Ma Yê ku dilan datîne ser mêzînê fêm nake? Ma Yê ku canê te diparêze nizane? Ma wê bergîdana kirinên hemû mirovan nede?

Îbranî 4:12

Peyva Xwedê jîndar û bi bandûr e. Ji her şûrê dudev hê tûjtir e. Û heta can û ruh, hem jî movik û mejî ji hev veqetîne, lê diçe; dîwana niyet û ramanên dil dike.

Methelokên 16:2

Hemû riyên mirov di çavê wî de pak in, Lê Xudan niyetan datîne ser mêzînê.

Îşaya 37:23

Te tinazên xwe bi kê kir, te çêrî kê kir? Te li dijî kê dengê xwe rakir û pozbilindî kir? Te li dijî Pîrozê Îsraêl kir!

Zebûr 147:5

Rebê me mezin û gellek hêzdar e, Sînor ji têgihîştina wî re nîne.

Zebûr 94:4

Gotinên vala bi quretî dibêjin, Sûcdar tev pesnê xwe didin.

Zebûr 44:21

Ma Xwedê ev dernedixist meydanê? Çimkî ew dizane bi sirrê dilan.

Eyûb 31:6

–Helbet ezê di mêzîna rast de bêm kişandin Û wê Xwedê kamilbûna min bibîne–

Samûêl I, 16:7

Lê Xudan ji Samûêl re got: “Li bejn û bala wî nenêre. Ne ew e! Xudan wekî mirov dibînin nabîne. Mirov li rû dinêre, lê belê Xudan li dil dinêre.”

Peyxam 2:23

Û ezê li zarokên wê bixim û bikujim û hemû civîn wê bizanin ku yê li dil û daxwazan dikole ez im û ezê li gor kirinên her yekî ji we bidim we.

Melaxî 3:13

Xudan dibêje: “We li dijî min gotinên hişk gotin. Lê hûn dibêjin: ‘Me li dijî te çi got?’

Daniyêl 5:27

TEQEL; tu di mêzînê de hatî kişandin û kêm derketî.

Daniyêl 4:37

Ez Nebûxadnessar, ez ji Padîşahê Ezmanan re spasdar im. Ez pesnê wî didim û wî berz dikim. Çimkî hemû karên wî rastî û riyên wî dadperwerî ne. Ew dikare yên ku di riya quretiyê de dimeşin nizim bike.”

Yêremya 17:10

“Ez Xudan dilan dikolim û ramanan diceribînim Ku li gorî rê û berê karê wan bidim.”

Îşaya 26:7

Riya rastan rastî ye, Ya Yê Rast, riya rastan rast dikî.

Zebûr 17:10

Dilê wan dohn girtiye, Bi devê xwe bi quretî dibêjin.

Zebûr 31:18

Ew lêvên derewîn bila bên girtin; Ew ku, bi quretî û bi neheqî Li hember yê rast, Bi bêarî dipeyivin.

Zebûr 75:5

Qiloçê xwe jor ve ranekin, Nepeyivin, serî rakirî!

Yêşû 22:22

“Xwedayê Herî Mezin Xudan! Erê, Xwedayê Herî Mezin Xudan vê yekê dizane û bila Îsraêl jî bizanibe! Heke ya ku me kiriye li dijî Xudan serhildan an jî nedilsozî be, bila Xudan îro me nehêle.

Dadger 9:38

Zevûl jê re got: “Niha zimanê te li ku ye?! Te gotiye: ‘Avîmelek kî ye ku em xulamiya wî bikin?’ Ma ew zilamên ku te biçûk dîtin, ne ev in? De rabe! Şer bike!”