Nivîsa Rûta Pîrika Dawidê Padîşah 1:6 - Kurmanji Încîl

⁶ Naomî ji welatê Moavê bihîst ku Xudan hatiye alîkariya gelê wê û xwarin daye wan, li ser vê yekê wê û herdu bûkên xwe amade kirin ku bizivirin.

Nivîsa Rûta Pîrika Dawidê Padîşah 1:6 Referans Kwoze

Zebûr 132:15

Ezê zadê wê pirr bi bereket bikim, Hejarên wê bi nan têr bikim.

Zebûr 111:5

Ew yên ku jê ditirsin têr dike, Peymana xwe her û her bibîr tîne.

Derketin 4:31

Gel bawer kir. Gava gelê Îsraêl bihîst ku Xudan bala xwe da tengasiyên wan, deverû çûn erdê û perizîn.

Derketin 3:16

Niha here û hemû rîspiyên gelê Îsraêl bicivîne û ji wan re bêje: ‘Xwedayê bav û kalên we, Xwedayê Îbrahîm, Îshaq û Aqûb Yahwe li min xuya bû û wiha got: Ji nêzîk ve bala min li ser we ye û min a ku li Misrê bi we kirin dît.

Lûqa 19:44

û wê te û zarokên te yên di nav te de li erdê bixin û ewê di nav te de kevir li ser kevir nehêlin, çimkî te wextê serdana xwe nezanî.»

Lûqa 1:68

«Pesin ji Xudan Xwedayê Îsraêl re, Ku ew hat serdana gelê xwe û wî ew bi berdêl xilas kir.

Metta 6:11

Nanê me yê rojane roj bi roj bide me.

Yêremya 29:10

Çimkî Xudan wiha dibêje: “Gava heftê salên Babîlê temam bû, ezê bala xwe bidim we. Ezê soza xwe ya baş pêk bînim û we vegerînim vir.

Îşaya 55:10

Çawa ku berf û baran ji ezmanan tê xwarê Û bêyî ku erdê av bide nazivire jorê ku Bihêle erd şîn bibe û ber bide, Tov dide cotkaran û nan dide kesên dixwin,

Sefanya 2:7

Wê ev der bibin milkê bermayiyên Mala Cihûda. Wê li ser wê keriyên xwe biçêrînin Û bi şev li malên Aşqelonê razên. Çimkî Xwedayê wan Xudan wê hay ji wan hebe Û wê bermayiyên wan vegerîne firehiya berê.

Zebûr 146:7

Ew heqê bindestan hiltîne, Û xwarinê dide birçiyan, Azad dike hêsîran.

Zebûr 145:15

Çavê her kesî li te ye, Tu xwarina wan, di wextê de didî wan.

Samûêl I, 2:21

Xudan bi Hannayê re qencî kir û Hanna bi zaro ma. Sê kur û du keçên din anîn. Samûêlê biçûk di bin xizmeta Xudan de mezin bû.

Destpêk 50:25

Ûsiv kurên Îsraêl da sondê û got: “Esse wê Xwedê were alîkariya we û divê hûn hestiyên min ji vir derxin.”

Destpêk 48:15

Piştre wî Ûsiv pîroz kir û got: “Ew Xwedayê ku bavkalên min Îbrahîm û Îshaq Li ser riya wî çûn, Ew Xwedayê ku di hemû jiyana min de, Heta îro ji min re bûye şivan.

Destpêk 28:20

Piştre Aqûb soz da û got: “Heke Xwedê bi min re be, di riya ku ez lê diçim de min biparêze û xwarina ez dixwim û cilên ez li xwe dikim bide min

Destpêk 21:1

Xudan çawa ku soz dabû, qencî li Sarayê kir û soza xwe pêk anî.

Petrûs I 2:12

Di nav miletan de jiyaneke qenc bijîn. Û eger wek ku hûn xerabkar in ketma we bikin jî, bila kirinên we yên qenc bibînin û di Roja Edaletê de pesnê Xwedê bidin.

Tîmotʼêyo I 6:8

Lê eger xwarin û wergirtina me hebe, em bi wan razî bin.

Zebûr 147:14

Ew aştiyê dide sînorên te, Bi genimê herî baş, têr dike te.

Methelokên 30:8

Hîlekarî û derewan ji min dûr bixe, Ne feqîriyê, ne jî dewlemendiyê bide min, Tenê nanê ku para min e, bi min bide xwarin.

Nivîsa Rûta Pîrika Dawidê Padîşah 1:5

Mahlon û Kîlyon mirin. Bi vî awayî Naomî ji mêrê xwe û herdu kurên xwe bû.

Nivîsa Rûta Pîrika Dawidê Padîşah 1:7

Ew bi herdu bûkên xwe re ji wê derê bi rê ketin ku bizivirin welatê Cihûda.

Zebûr 102:14

Evdên te, ji kevirê wê derê hez dikin, Ber toza wê derê dikevin.

Yoêl 2:19

Wê bersiva gelê xwe bide û bibêje: “Va ye ez dexil, şeraba nû û rûnê zeytê dişînim we Û hûnê jê têr bibin. Ezê êdî we di nav miletan de riswa nekim.