Ovadya 1:3 - Kurmanji Încîl

³ Quretiya dilê te, tu xapandî! Ya kesê ku di şikeftên zinaran de rûdinî, Ya kesê ku mala xwe li bilindciyan ava dike! Tu di dilê xwe de dibêjî: ‘Kî dikare min bîne xwarê?’

Ovadya 1:3 Referans Kwoze

Yêremya 49:16

Tirsa ku tu tînî Û quretiya dilê te, tu xapandî. Ya kesê ku di şikeftên zinaran de rûdinî! Ya kesê ku bilindciyan dagir dikî! Cihê xwe wekî teyran li bilindciyan jî ava bikî, Ezê te ji wê derê bînim xwarê.” Ev e gotina Xudan.

Methelokên 29:23

Pozbilindiya mirov wî nizim dike, Lê nefsbiçûkî rûmetê tîne.

Îşaya 16:6

Me quretiya Moavê bihîst, Xwe zêde eciband! Belê me quretî, pozbilindî û xezeba wê bihîst, Lê pesindana wê pûç û vala ye.

Padîşah II, 14:7

Amatsya deh hezar Edomî li Geliyê Xwê kuştin û Selayê bi şer stand. Navê wê kir Yoqteyêl û heta niha jî wisa ye.

Melaxî 1:4

Heke gelê Edomê bibêje: “Em hatin perçiqandin, lê emê dîsa wêraneyên xwe ava bikin,” wê gavê Xudanê Karîndar wiha dibêje: “Bila ava bikin, lê ezê hilweşînim. Wê ji wan re ‘Welatê xerab û gelê ku xezeba Xudan heta hetayê li ser wan e’ bê gotin.

Yêremya 49:4

Ya keça çivanok! Tu çima bi deştên xwe pesnê xwe didî? Dexlê deştên te kêm dibe. Te xwe spartiye xezîneyên xwe û dibêjî: ‘Wê kî bi ser min de were?’”

Methelokên 18:12

Beriya ketinê dilê quretî, Beriya rûmetê jî nefsbiçûkî tê.

Methelokên 16:18

Beriya hilweşînê pozbilindî, Beriya ketinê jî ruhê quretiyê tê.

Eyûb 20:6

Bejna wan bigihîjin ezmanan, Serê wan li ewran jî bikevin,

Yêremya 21:13

Va ye, ez li dijî te me, Orşelîma li jorê newalê, zinarê li deştê.’” Ev e gotina Xudan. “‘Hûn ên ku dibêjin: Kî dikare bi ser me de were? Kî dikare bikeve warên me?

Yêremya 37:9

Xudan wiha dibêje: ‘Xwe nexapînin û nebêjin: Wê Kildanî esse ji ser serê me herin. Çimkî wê Kildanî neçin.

Yêremya 48:28

“Ya şêniyên Moavê! Dev ji bajaran berdin, li zinaran bijîn. Wekî wê kevokê bin ku hêlîna xwe li ser keviya geliyekî çêkiriye.

Destpêk 36:8

Esaw ango Edom, li herêma çiyayî ya Seîrê rûnişt.