Nehemya 5:10 - Kurmanji Încîl

¹⁰ Herwiha ez, birayên min û xulamên min bi xwe jî, em bi deyn zîv û dexil didine wan. Hêvî dikim, em êdî vê faîzê biqedînin.

Nehemya 5:10 Referans Kwoze

Korîntî II, 6:1

Em ên ku hevparên Xwedê yên xebatê ne, em ji we lava dikin ku hûn kerema wî badîhewa qebûl nekin.

Korîntî II, 5:20

Îcar wek ku Xwedê bi devê me hêvî dike, em ji bo Mesîh qasidiyê dikin. Em ji bo Mesîh lava dikin: «Bi Xwedê re li hev werin.»

Korîntî II, 5:11

Îcar, ji ber ku em dizanin tirsa Xudan çi ye, em dixwazin baweriya mirovan bînin. Em ji Xwedê ve eşkere ne û hêviya min heye ku em ji wijdana we ve jî eşkere ne.

Mîxa 2:1

Wey li wan kesên ku li ser nivînên xwe, Xerabî û neheqiyê difikirin! Ji ber ku hêzdar in, Bi hilatina rojê re fikrên wan pêk tînin.

Zebûr 15:5

Perê xwe nade faîzê, Li hember bêsûc bertîlê nastîne. Yê ku vana dike wê tu car veneleqe.

Nehemya 5:7

Bi dilê xwe şêwirîm, min pêşeng û peywirdar sûcdar kirin û got: “Tevahiya we ji birayên xwe faîzê distînin.” Min li dijî wan komeke mezin ava kir

Nehemya 5:9

Min got: “Ev karê we ne baş e. Ma ne hewce ye, hûn di tirsa Xwedayê me de bimeşin ku miletên dijminên me tinazên xwe bi me nekin?

Nehemya 5:11

Îro rabin zevî, rez, bexçeyên zeytûnan û malên wan bidin wan. Bi ser de jî, ji sedî yekê faîza ku hûn ji bo zîv, dexil, şeraba nû û zeytê distînin, li wan vegerînin.”

Îşaya 58:6

Ma rojiya ku min hilbijart ne ev e? Sistkirina werîsên xerabiyê, Vekirina nîran, berdana bindestan Û şikandina her cure nîran ne ev e?

Dubarekirina Şerîetê 15:2

Karê bexişandina deynan wiha çêdibe: Wê her kesê ku deyn daye, deynê cîranê xwe bibexişîne. Wê ji cîranê xwe yan birayê xwe deynê xwe nexwaze. Çimkî sala Xudan a bexişandina deynan hatiye eşkerekirin.

Nehemya 10:32

“Ji bo xizmeta Mala Xwedayê me, em ji xwe re emir dikin ku emê her sal ji sisêyê yekê şekelê bidin.