Mîxa 7:7 - Kurmanji Încîl

⁷ Lê ezê berê xwe bidim Xudan, Ezê li benda Xwedayê rizgariya xwe bim. Xwedayê min wê min bibihîze.

Mîxa 7:7 Referans Kwoze

Zebûr 37:7

Li pêş Xudan bêdeng be, bi aramî raweste; Hêrs nebe li wan ku di riya xwe de bikêr in, Ber yê hîlekar nekeve.

Îşaya 45:22

“Li min bizivirin û rizgar bibin, Hemû mirovên li binê dinyayê jî! Çimkî Xwedê ez im û yekî din tuneye.

Îşaya 25:9

Wê rojê wê bêjin, “Va ye, Xwedayê me ev e! Em li benda wî man ku e rizgar bike. Xudanê me ev e ku em li benda wî man. Em bi rizgariya wî şa û kêfxweş bin.”

Zebûr 25:5

Bi rastiya xwe rê nîşanî min bide, ji bo min bibe hîndar. Çimkî tu yî ji bo min Xwedayê rizgarkar. Hêviya min hergav tu yî.

Zebûr 130:5

Çavê min li riya Xudan e, Canê min li benda wî ye, Hêviya min peyva wî ye.

Zebûr 109:4

Ji dêl hezkirina min, ew min sûcdar dikin, Hê jî ez ji bo wan dua dikim.

Îşaya 12:2

Xwedê esse rizgariya min e, Ezê pê ewle bim û netirsim. Çimkî Xudan hêz û lavija min e, Ew ji bo min bû rizgarî.”

Zebûr 65:2

Ey tu, yê ku duayan dibihîze, Wê hemû mirov bên ba te.

Destpêk 49:18

“Ez li benda rizgariya te me, ya Xudan!

Zebûr 38:15

Çimkî hêviya min tu yî, ya Xudan, Tê bidî bersîva min, ya Reb Xwedayê min!

Îşaya 8:17

Ezê li benda Xudan bimînim ku rûyê xwe ji Mala Aqûb veşartiye. Ezê hêviya xwe pê ve girê bidim.

Zebûr 50:15

Di roja xwe ya teng de gazî min bike, Ezê te rizgar bikim, tê rûmetê bidî min.

Îşaya 17:7

Wê rojê wê mirov berê xwe bidin afiranerê xwe û çavê wan li Pîrozê Îsraêl binêrin.

Daniyêl 3:17

Me bavêjin tenûra sincirî jî, Xwedayê ku em jê re xizmetê dikin dikare me ji wê tenûrê rizgar bike. Ya padîşah! Wê me ji destê te jî rizgar bike.

Hoşêya 12:6

Tu jî, vegere Xwedayê xwe. Dilovanî û edaletê ji xwe re bigire, Her dem li benda Xwedayê xwe be.

Yoêl 1:19

Ya Xudan, ez li te dikim hewar, Çimkî êgir mêrgên çolê daqurtandin Û pêta êgir hemû darên zeviyan şewitandin.

Habaqûq 2:1

Ez li cihê nobetê, li birca çavdêriyê bisekinim. Ez binêrim wê Xudan ji min re çi bêje, Binêrim bersiveke çawa dide gazinên min.

Hejmartin 5:28

Lê heke jinik xwe qirêj nekiribe û paqij be, wê pê neêşe û zarokên wê çêbin.

Zebûr 85:5

Ma tê her û her hêrs bibî li me? Û hêrsa te bajo li hember hemû nifşên me?

Lavijên Şînê 3:24

Canê min dibêje: “Para min Xudan e, Loma ez pê hêvîdar im.”

Habaqûq 2:3

Tiştên dîtiniyê li benda dema xwe ya diyarkirî ne, Ew li ser rojên dawî dibêjin û derewan nakin. Bi derengî jî bikevin, li bendê bin, Bêguman wê bibin, wê dereng nemînin.