Mîxa 7:20 - Kurmanji Încîl

²⁰ Çawa ku rojên berê te ji bav û kalên me re sond xwariye, Tê ji Aqûb re dilsoz, ji Îbrahîm re dilovan bî.

Mîxa 7:20 Referans Kwoze

Dubarekirina Şerîetê 7:8

Lê Xudan bi rastî hez kir û bi sonda ku ji bav û kalên we re xwaribû ve girêdayî ma. Ji ber vê yekê wî bi destê xwe yê hêzdar hûn ji warê koletiyê, ji destê Firewnê Padîşahê Misrê deranîn.

Destpêk 24:27

Wî got: “Xwedayê malxweyê min Îbrahîm, Xudan pîroz be ku wî dilsozî û dilovaniya xwe ji malxweyê min kêm nekir. Hê ez di rê de bûm, Xwedê riya mala mirovên malxweyê min nîşanî min da.”

Destpêk 32:10

Ez ne hêjayî wê hemû dilsozî û dilovaniyê me ku te nîşanî xulamê xwe da. Çaxê ez di vî Çemê Şerîayê re derbas bûm, tenê şivdarê min hebû, lê niha ez bûme du beş.

Dubarekirina Şerîetê 7:12

“Heke hûn guh bidin van rê û rêbazan, heke hay ji xwe hebin ku wan bikin, wê Xwedayê we Xudan ji we re dilsoz be ku peymana ji bav û kalên we re sond xwaribû pêk bîne.

Yêremya 33:6

“‘Lê ezê şifa û rihetiyê bidim wî bajarî û baş bikim. Ezê şifayê bidim wan û bikim ku di nav aştî û ewlehiyeke berfireh de bijîn.