Metta 6:5 - Kurmanji Încîl

⁵ «Gava ku hûn dua dikin, wek ên durû nebin, çimkî ew hez dikin ku li serê kuçeyan û di kinîştan de dua bikin, da ku ji aliyê mirovan ve bên dîtin. Bi rastî ez ji we re dibêjim, wan xelata xwe standiye.

Peymana Nû (Încîl)

⁵ Gava hûn dua dikin, mîna durʼûya nebin. Ew hʼiz dikin kʼinîşt û meydanada bisekinin dua bikin, ku ber meriva bêne kʼifşê. Ez rʼast werʼa dibêjim, îdî wana heqê xwe standîye.

Пәймана Ну (Инщил)

⁵ Гава һун дӧа дькьн, мина дӧрʼуйа нәбьн. Әԝ һʼьз дькьн кʼьништ у мәйданада бьсәкьньн дӧа бькьн, кӧ бәр мәрьва бенә кʼьфше. Әз рʼаст ԝәрʼа дьбежьм, иди ԝана һәԛе хԝә стандийә.

کتاب مقدس به زبان کردی شیکاکی

⁵ «وقته تِ دعایه دِگَی، نابی تِ بینا ریاکارا بی. چون گو اَو هَز دِگَن دیرادا و سَره کوچا راوَستِن و دعایه بِگَن گو خلق وان بِبینیت. بَراستی، اَز بُ وَ دِبِژِم، اَوان خِیرا خو اِستاندیَ.

Metta 6:5 Referans Kwoze

Metta 6:2

Loma, çaxê ku tu xêrê bikî, li pêşiya xwe li boriyê nexe, wek ku durû li kuçê û di kinîştan de dikin, da ku pesnê wan bê dayîn. Bi rastî ez ji we re dibêjim, wan xelata xwe standiye.

Lûqa 18:13

Lê yê bacgir ji dûr ve rawesta û nedixwest çavên xwe jî ber bi ezmên ve hilde; wî li singê xwe dixist û digot: ‹Ya Xwedê, li min gunehkarî were rehmê!›

Marqos 11:25

Û gava ku hûn ji bo duakirinê radiwestin, eger li hember kesekî tiştekî we hebe, lê bibihûrin, da ku Bavê we yê li ezmanan jî li sûcên we bibihûre.»

Yêremya 29:12

Loma gava hûn gazî min bikin, gava hûn werin ji min re duayan bikin, ezê guhdariya we bikim.

Îşaya 1:15

“Gava hûn destên xwe vekin, Ezê çavê xwe ji we bidim alî. Hûn çiqas jî dua bikin, Ezê guhdarî nekim. Hûn destbixwîn in.

Lûqa 20:47

Ew malên jinebiyan dadiqurtînin û ji bo ku bên dîtin, duayên dirêj dikin. Dîwana wan wê hê girantir be.»

یعقوب 4:6

Lê keremeke hê mezintir dide. Loma dibêje: «Xwedê li hember pozbilindan disekine, Lê keremê li nefsbiçûkan dike.»

Lûqa 18:1

Ji bo ku ew herdem dua bikin û newestin, Îsa meselek ji wan re got:

Daniyêl 6:10

Gava Daniyêl hîn bû ku ferman hatiye morkirin, ew çû malê û tevî ku pencereyên odeya wê ya jorîn ber bi aliyê Orşelîmê ve vekirî bûn, wî çawa ku wî her roj dikir, kir. Wî sê caran çok dida, dua dikir û pesnê Xwedayê xwe dida.

Efesî 6:18

Bi her dua û lavakirinê, herdem bi Ruh dua bikin. Ji bo vê yekê hişyar bimînin û ji bo hemû pîrozan herdem bi berdewamî lava bikin.

Lûqa 11:43

Wey li we Fêrisiyan! Hûn di kinîştan de ji kursiyê pêşî û di sûkan de ji silav standinê hez dikin.

Metta 21:22

Eger baweriya we hebe, hûn bi dua çi bixwazin hûnê bistînin.»

Zebûr 55:17

Bi şev, bi roj û êvarê ji kedera xwe dinalim, Ew dibihîze dengê min.

Zebûr 5:2

Feryada min bibihîze, ey Padîşah û Xwedayê min! Çimkî, ji te re ye dua min.

Selanîkî I, 5:17

bê rawestin dua bikin,

Yûhenna 16:24

Heta niha we bi navê min tu tişt nexwest. Bixwazin, hûnê bistînin, wisa ku şahiya we temam bibe.

Marqos 12:38

Wî di hînkirina xwe de digot: «Xwe ji wan Şerîetzanan biparêzin, yên ku hez dikin bi xiftanên dirêj bigerin, di sûkan de silav li wan bê kirin,

Metta 9:38

Loma lava ji Xudanê dexlê bikin, da ku ji bo dexla xwe paleyan bişîne.»

Metta 23:13

«Wey li we hûn Şerîetzan û Fêrisîno! Hûn durûno! Hûn Padîşahiya Ezmanan li ber mirovan digirin. Hûn bi xwe nakevinê û ne jî hûn dihêlin ên ku dixwazin bikevinê, derbas bibin.

Methelokên 16:5

Her kesê dilqure li ber Xudan kirêt e, Bawer bin bêceza namîne.

Metta 23:6

Di ziyafetan de ji cihên jorîn, li kinîştan jî ji kursiyên pêşî hez dikin.

Methelokên 15:8

Qurbana xeraban li ber Xudan kirêt e, Lê ew ji duaya dilrastan razî ye.

Metta 6:16

«Û çaxê ku hûn rojiyê bigirin, wek durûyan mirûzê xwe nekin; ew rûyê xwe tirş dikin, da ku mirov bibînin ku ew bi rojî ne. Bi rastî ez ji we re dibêjim, wan xelata xwe standiye.

Metta 6:1

«Hay ji xwe hebin, kirinên xwe yên qenc li ber çavên mirovan nekin, ji bo ku ji aliyê wan ve bên dîtin. An na, wê ji Bavê we yê li ezmanan ji bo we xelat nebe.

Metta 23:5

«Hemû tiştên ku dikin ji bo dîtina mirovan e. Bazbendên xwe pehn dikin û rêşiyên kirasên xwe dirêj dikin.

Lûqa 6:24

Lê belê wey li we dewlemendan, Çimkî we handana xwe standiye.