Metta 2:11 - Kurmanji Încîl

¹¹ Ew ketin malê û zarok bi diya wî Meryemê re dîtin, çûn ser çokan û perizîn wî. Sindoqa xwe ya xezînê vekirin û diyariyên ji zêr, cewîşêrîn û murê pêşkêşî wî kirin.

Peymana Nû (Încîl)

¹¹ çûne hindurʼ, Kurʼik tʼevî dîya Wî Meryemê dîtin, li ber Wî deverʼû çûn, serê xwe li ber danîn û xiznêd xwe vekirin, pʼêşkʼêşêd zêrʼ, bixûrê eʼrebî û zimir dane Wî.

Пәймана Ну (Инщил)

¹¹ чунә һьндӧрʼ, Кӧрʼьк тʼәви дийа Ԝи Мәрйәме дитьн, ль бәр Ԝи дәвәрʼу чун, сәре хԝә ль бәр данин у хьзнед хԝә вәкьрьн, пʼешкʼешед зерʼ, бьхуре әʼрәби у зьмьр данә Ԝи.

کتاب مقدس به زبان کردی شیکاکی

¹¹ وقته چُنَ ناو مالدا و بِچوگا ساوا گَل داییگا وی مریم دیتِن، کَتنَ سَر چُکا و اَو بِچوگ پَرستِش گِرِن. پاشه صاندِقه خو وَگِرِن و هِندَ دیاری ژه زِری و شیرا بِهن خوشَ دارا و مُر بُ وی پِشکِش گِرِن.

Metta 2:11 Referans Kwoze

Îşaya 60:6

“Wê gelek keriyên deveyan, Wê deveyên ciwan ên Mîdyan û Eyfayê welatê te binixêmin, Wê her Sebayî were. Wê zêr û guniyê bînin Û mizgîniya pesindana Xudan bidin.

Zebûr 72:10

Bila padîşahê Tarşîş û yê giravan, Jê re xeracê bînin, Padîşahên Seba û Seva diyariyan pêşkişî wî bikin!

Lûqa 2:16

Îcar ew bi lez çûn. Wan Meryem, Ûsiv û zarokê di afir de razayî dîtin.

Metta 2:2

û pirsîn: «Ka padîşahê Cihûyan ê ku çêbûye li ku derê ye? Me li Rojhilat stêra wî dît û em hatin ku biperizin wî.»

Zebûr 95:6

Werin em biperizinê û şa bibin, Li pêş Xudanê ku em afirandine herin ser çokan.

Zebûr 72:15

Bila bijî! Û bila ji zêrê Seba bidinê; Hergav ji bo wî dua bikin, Û her roj wî pîroz bikin!

Padîşah I, 10:2

Tevî karwanekî pir mezin, bi deveyên biharatê û heta bêjî bes bi zêr û kevirên hêja barkirî hat Orşelîmê. Gava hat ba Silêman, çi di dilê wê de hebû jê re got.

Hejmartin 7:14

Firaxekî zêrîn ku tije bixûr bû û giraniya wî deh şekel bû,

Peyxam 19:10

Û ez li ber lingên wî deverû çûm ser çokan, ku ez biperizim wî. Lê wî ji min re got: «Nebe ku tu vê yekê bikî! Ez xizmet-hevalê te û xizmet-hevalê birayên te me, yên ku şahidiya Îsa bi wan re ye. Biperize Xwedê, çimkî şahidiya Îsa ruhê pêxemberîtiyê ye.»

Metta 14:33

Hingê yên ku di qeyikê de bûn, perizîn wî û gotin: «Bi rastî tu Kurê Xwedê yî.»

Peyxam 5:8

Çaxê wî ew stand, çar afirîdên jîndar û bîst û çar rihspî li ber Berx deverû çûn ser çokan. Di destê her yekî ji wan de çeng û piyanên zêrîn ên tije bixûr hebûn. Bixûr duayên mirovên pîroz in.

Lûqa 2:38

Ew jî di wê kêlîkê de hat, pesnê Xwedê da û wê li ser wî ji yên ku li hêviya xilasiya Orşelîmê bûn re got.

Samûêl I, 10:27

Lê hinek kesên xerab gotin: “Ew çawa dikare me rizgar bike?” Wan Şawûl kêm dît û diyarî nedane wî. Lê Şawûl guh neda vê yekê.

Hejmartin 7:86

Duwanzdeh firaxên zêrîn ku tije bixûr bûn û li gorî şekelê Pîrozgehê giraniya her firaxê deh şekel bû. Hemû zêrê firaxan 120 şekel bû.

Lêwiyî 6:15

Wê kahin ji pêşkêşiya dexlê kulmeke arvanê hûr û zeytê, tevî guniya li ser wê hilîne û bi awayê bêhna ku bi Xudan xweş tê vê para diyarkirî li ser gorîgehê bişewitîne.

Derketin 30:34

Xudan ji Mûsa re got: “Tu ji bo xwe biharatên bêhnxweş –guniya reş, onîka, kasnî û guniya xas– hilde. Wê pîvana hemûyan yek be.

Destpêk 43:11

Li ser vê yekê bavê wan Îsraêl ji wan re got: “Madem wisa ye, herin. Ji berên herî qenc ên vî welatî hinek melhem, hinek hingiv, benîşt, mûr, fistiq û behîvan bixin barên xwe û wekî xelat ji wî zilamî re bibin.

Melaxî 1:11

Ji rojhilat heta rojava wê navê min li nav miletan mezin be! Wê li her derî li ser navê min bixûr were pêxistin û diyariyên paqij werin pêşkêşkirin. Çimkî wê navê min li nav miletan mezin be!” Xudanê Karîndar dibêje.

Zebûr 45:8

Bîhna mûr, ud û darçinê ji kincên te tê; Li qesrên ji diranên fîl, tembûr te şa dikin!

Zebûr 2:12

Kur maç bikin, da ku hêrs nebe, Kes ji we, li ser rê tune nebe. Çimkî bi derbekê radibe hêrsa wî, Xwezî bi wan, ku xwe avêtine wî.

Padîşah I, 10:10

Şahbanûya Sebayê sed û bîst telant zêr, gelek biharat û kevirên hêja dan padîşah. Wê ewqas pir biharat dabû Silêmanê Padîşah ku careke din ewqas biharat nehat.

Derketin 30:23

“Tu van biharatên hêja bistîne: 500 şekel rûnê mûr, nîvê wê, yanê 250 şekel darçîna bêhnxweş û ewqas jî qamîşê bêhnxweş,

Helbesta Helbestan 3:6

Ev kî ye, ji çolê tê? Kî wekî stûna dûyê, Bi her cure biharata bazirganiyê, Bi mûr û guniyê Bêhn lê bûyiye?

Metta 1:18

Bûyîna Îsa Mesîh jî bi vî awayî çêbû: Diya wî Meryem dergistiya Ûsiv bû, lê berî ku ew bizewicin û bigihîjin hev, xuya bû ku ew bi Ruhê Pîroz bizaro ye.

Metta 2:10

Gava ku wan jî stêr dît, bi şahiyeke mezin dilgeş bûn.

Metta 12:46

Hê ku Îsa ji elaletê re dipeyivî, dê û birayên wî li derve rawestan, xwestin ku bi wî re bipeyivin.

Yûhenna 19:39

Nîkodêmos jî hat, yê ku cara pêşî bi şev hatibû ba Îsa; wî nêzîkî sed lîtrên Romayî ji mur û dara ûdê tevlihevkirî anî.