Methelokên 4:18 - Kurmanji Încîl

¹⁸ Riya rastan wekî ronahiya berbangê ye Ku heta nîvro her diçe ronahiyê dide.

Methelokên Hezretê Silêman 1947

¹⁸ Lê, şîvereya dilpakan mîna ronahiyê dibiriqe û rewşa wê heta nîvê rojê her û her bêtir dibe.

Methelokên 4:18 Referans Kwoze

Yûhenna 8:12

Îsa dîsa bi wan re peyivî û got: «Ez ronahiya dinyayê me; yê ku li pey min bê, tu caran di tariyê de rêve naçe, lê wê bibe xweyî ronahiya jiyanê.»

Eyûb 11:17

Wî çaxî wê jiyana te ji tava nîvro bêtir bibiriqe Û tarîbûna wê bibe wekî sibehê.

Daniyêl 12:3

Wê kesên şehreza wekî qûbeya ezmanî, kesên ku gelek mirovan li rastiyê zivirandine wekî stêran her û her bibiriqin.

Korîntî II, 3:18

Û em hemû bi rûyê bêxêlî rûmeta Xudan dibînin, em ji rûmetê ber bi rûmetê ve li eynî sûretî tên guhertin. Ev jî bi saya Xudanê ku Ruh e, çêdibe.

Filîpî 2:15

da ku hûn bêqusûr û pak bin. Di nav vî nifşê xwehr û jirêketî de ku hûn di nav wan de wek stêrên ezmên ronahiyê didin, zarokên Xwedê yên bêleke bin

Petrûs II 1:19

Bi vî awayî peyva pêxemberîtiyê ji me re hê bêtir qayîm hat deranîn. Heta ku sibe zelal bibe û stêrka sibê di dilê we de derkeve, wek çiraya ku di tariyê de ronahî dide, hûnê qenc bikin ku hûn bala xwe bidin peyvên pêxemberîtiyê.

Metta 5:16

Bi vî awayî bila ronahiya we jî li ber mirovan wisa şewq bide, da ku kirinên we yên qenc bibînin û pesnê Bavê we yê li ezmanan bidin.

Metta 5:14

«Hûn ronahiya dinyayê ne. Bajarê ku li ser çiyê ye nikare bê veşartin.

Zebûr 84:7

Çiqas here wê hêzdar bibin, Wê li Siyonê, ji alî Xwedê ve bên dîtin.

Îşaya 26:7

Riya rastan rastî ye, Ya Yê Rast, riya rastan rast dikî.

Samûêl II, 23:4

Ew wekî rojeke bêewr, Wekî şewqa serê sibê tê dîtin. Bi biriqîna wî, piştî baranê di axê de giya şîn dike.”

Peyxam 22:5

Û êdî nabe şev û hewcedariya wan bi ronahiya çirayê û bi ronahiya rojê namîne, çimkî Xudan Xwedê wê ronahiyê bide wan û wê her û her padîşahiyê bikin.

Petrûs II 3:18

Lê di kerem û naskirina Xudan û Xilaskarê me Îsa Mesîh de bigihîjin. Rûmet niha û her û her ji wî re be. Amîn.

Peyxam 21:23

Ne hewce ye ku roj û heyv bajêr ronahî bikin, çimkî rûmeta Xwedê wî ronahî dike û Berx çira wî ye.

Hoşêya 6:3

Em Xudan nas bikin, Em bikevin pey naskirina wî. Wê li me mîna ronahiya serê sibê esse xuya bibe. Hatina wî wê wek baranê, Wekî barana biharê ku av dide erdê.

Eyûb 23:10

Lê ew riya ku ez çûm ser dizane, Dema min biceribîne, ezê wekî zêr derkevim.

Metta 5:45

da ku hûn bibin zarokên Bavê xwe yê li ezmanan. Çimkî ew tava xwe hem li ser xeraban û hem jî li ser qencan dertîne û barana xwe bi ser rast û nerastan de dibarîne.

Eyûb 17:9

Kesên rast ji riya xwe averê nabin, Kesên destpak her ku diçe hêzdartir dibin.

Zebûr 97:11

Ji bo rastan ronahî, Ji bo dilpakan şahî tê çandin.

Methelokên 2:9

Wî çaxî tê fêm bikî Ku rastî, edalet, wekhevî û her riya qenc çi ye.

Methelokên 2:20

Loma di riya qencan de bimeşin, Rêçikên rastan herdem bidomîne.

Methelokên 13:9

Ronahiya kesên rast bi şahî pê dikeve, Lê qendîlên xeraban ditefe.

Methelokên 15:24

Ji bo biaqil, riya jiyanê ber bi jor ve diçe Ku nekeve diyarê miriyan.

Dadger 5:31

Ya Xudan, bila hemû dijminên te wiha tune bibin. Lê hezkiriyên te bila wekî rojê bibiriqin.” Piştî vê yekê welat çil salan di nav aştiyê de ma.