Methelokên 2:22 - Kurmanji Încîl

²² Lê kesên xerab wê ji welêt bên avêtin Û koka xayînan bê rakirin.

Methelokên Hezretê Silêman 1947

²² Lêbelê, yên xirab ji rûyê erdê dê bêne qelandin û yên bêbext wê bêne edimandin.

Methelokên 2:22 Referans Kwoze

Zebûr 52:5

Belê wê Xwedê, te her û her hilweşîne, Wê bi te bigire û te ji konê te derîne, Ji diyarê jiyanê koka te bişkivîne.

Zebûr 37:28

Çimkî ji rastiyê hez dike Xudan, Bernade ew evdên xwe, wan dilsozan. Ew wan diparêze her û her, Dûndana xeraban tê birrîn.

Dubarekirina Şerîetê 7:22

Wê Xwedayê we Xudan hindik hindik wan miletan ji pêş we biqewitîne. Hûnê nikaribin wan zû biqedînin, yan na wê heywanên çolê li dora we zêde bibin.

Methelokên 10:30

Wê kesên rast her û her neleqin, Lê wê kesên xerab ji rûyê erdê rabin.

Zebûr 145:20

Xudan, hemû yên ku jê hez dikin diparêze, Û hemû xeraban tune dike.

Zebûr 104:35

Bila gunehkar ji dinê rabin, Yên xerab êdî tune bin! Ey canê min, Xudan pîroz bike! Pesnê Xudan bidin!

Eyûb 21:30

Ku di roja felaketê de xerab tên parastin Û di roja xezebê de ew ber bi ewlehiyê ve dibin.

Zebûr 37:22

Yên ku Xudan pîroz kirine, wê welat mîras bistînin. Yên ku wî ew nalet kirine, wê ji navê bên hilanîn.

Zebûr 37:20

Belê wê xerab tune bibin; Dijminên Xudan, wê biçilmisin wek kulîlkên çolan, Wê telef bibin wek mijan.

Dubarekirina Şerîetê 29:28

Xudan bi hêrs û xezeba mezin ew ji welatê wan hildan û avêtin welatekî din, wekî ew îro dibin.’

Methelokên 11:3

Kamiliya dilrastan rêberiya wan dike, Lê derewkariya bêbextan wan xerab dike.

Dubarekirina Şerîetê 29:20

Wê Xudan nexwaze kesekî wiha bibexişîne. Wê hêrs û xîreta Xudan wekî dûyê li dijî wî bilind bibe û hemû naletên di vê nivîsê de hatiye nivîsandin bên serê wî. Wê Xudan navê wî ji ser rûyê erdê rake.

Padîşah I, 14:14

“Herwiha Xudan wê ji bo xwe padîşahekî deyne ser Îsraêlê. Ew padîşah wê hema wê rojê koka Mala Yarovam bîne. Kengê? Hema niha!

Dîrok I, 10:13

Bi vî awayî Şawûl ji ber nedilsoziya xwe mir. Ew bi Xudan re nedilsoz bû û gotina Xudan pêk neanî. Bi ser de jî, ji bo riyekê nîşanî wî bide, wî şêwra xwe bi cinbazekê kir.

Zebûr 52:7

«Vî zilamê ha, xwe nespart Xwedê, Bi pirrbûna serweta xwe ewle bû, Û xwe spart dewlemendiyê!»