Melaxî 1:2 - Kurmanji Încîl

² Xudan dibêje: “Min ji we hez kir. “Lê hûn dibêjin: ‘Te çawa ji me hez kir?’” Gotina Xudan ev e: “Qey Esaw ne birayê Aqûb bû? Min ji Aqûb hez kir,

Melaxî 1:2 Referans Kwoze

Yêremya 31:3

Xudan ji dûrî ve li wan xuya bû û got: ‘Min bi hezkirina herheyî ji te hez kir, Loma min dilsoziya xwe beramberî te berdewam kir.’

Dubarekirina Şerîetê 10:15

Lê Xudan ji bav û kalên we hez kir û bi tenê bi wan ve girêdayî ma. Wî hûn ên ku ji ziriyeta wan in, ji hemû gelan hilbijartin û hûn îro jî wisa ne.

Dubarekirina Şerîetê 4:37

Ji ber ku wî ji bav û kalên we hez kir, ziriyeta wan hilbijart. Wî bi xwe, bi hêza xwe ya mezin hûn ji Misrê deranî.

Melaxî 2:17

We bi gotinên xwe Xudan aciz kir. Lê hûn dibêjin: “Me çawa ew aciz kir?” We bi van gotinan aciz kir: “Her kesê xerabiyê dike di çavê Xudan de qenc e. Dilê wî bi wî kesî xweş e.” Bi ser de we ev jî got: “Ka Xwedayê edaletê?”

Yêremya 2:31

Ya hûn, kesên vî nifşî! Guh bidin gotina Xudan! Gelo ez ji bo gelê Îsraêl bûm çolistan? Ez bûm diyarê taristana kûr? Loma çima gelê min dibêje: ‘Em herin, Em êdî nayên ba te.’

Yêremya 2:5

Xudan wiha dibêje: “Bav û kalên we çi neheqî li ba min dît Ku ji min dûr ketin? Wan da pey tiştên pûç û vala û ew bi xwe pûç bûn.

Îşaya 43:4

Ji ber ku tu li ber çavê min hêja û birûmet î Û ez ji te hez dikim, Ezê di ber te de mirovan, Di ber canê te de neteweyan bidim.

Destpêk 48:4

û ji min re got: ‘Ezê te berdar bikim û zêde bikim. Ezê te bikim komeke gelan û ezê piştî te vî welatî bidim ziriyeta te ku her û her bibe milkê we.’

Destpêk 27:33

Îshaq lerizî û got: “Lê ewê ku çû nêçîr kir û ji min re anî kî bû? Beriya ku tu bêyî, min xwarina xwe xwar û ew pîroz kir. Êdî yê pîroz ew e.”

Destpêk 25:23

Xudan jê re got: “Di zikê te de du milet hene, Wê ji bedena te du neteweyên cuda çêbin. Wê yek ji yê din hêzdartir be, Wê yê mezin xulamiya yê biçûk bike.”

Lûqa 10:29

Lê wî xwest xwe rûspî derxe û ji Îsa re got: «Ma cîranê min kî ye?»

Yûhenna 15:12

Emrê min ev e: Ji hevdû hez bikin, wek ku min ji we hez kir.

Dubarekirina Şerîetê 23:5

Lê belê Xwedayê we Xudan nexwest guhdariya Balam bike. Xwedayê we Xudan ji we hez kir û ji bo we naletê zivirand bereketê.

Dubarekirina Şerîetê 33:3

Bi rastî, tu ji gelê xwe hez dikî, Hemû kesên pîroz di destê te de ne. Ew li ber lingên te rûdinin Û guh didin gotinên te.

Îşaya 63:1

Ev kî ye ku ji Edomê tê Û bi cilên edimî yên sorbûyî ji Bosrayê tê? Ev kî ye ku bi cilên bi heşmet, Bi mezinbûna hêza xwe dimeşe? “Ew ez im, ez rastiyê dibihîzim Û di rizgarkirinê de hêzdar im.”

Amos 1:11

Xudan wiha dibêje: “Ji bo sê-çar û zêdetir neheqiyên Edomiyan, Ezê cezayê wan ranekim. Bi şûr ketin pey birayên xwe û li ber neketin. Hêrsa wan hergav dirinde bû Û xezeb tu car ji dest bernedan.

Destpêk 25:25

Yê ku pêşî çêbû sor bû û tevahiya bedena wî wekî ebayekî bipirç bû. Navê wî Esaw danîn.

Destpêk 25:26

Piştre birayê wî çêbû. Bi destê xwe bi pehniya Esaw girtibû. Loma navê wî Aqûb danîn. Çaxê Rebeqayê zarok anîn, Îshaq şêst salî bû.

Padîşah I, 10:9

Xwedayê te Xudan pîroz be ku ji te razî ye û tu daniye ser textê gelê Îsraêl! Ji ber ku Xudan heta hetayê ji gelê Îsraêl hez dike, wî tu kirî padîşah ku tu serweriya heq û rastiyê pêk bînî.”

Padîşah II, 3:8

Paşê got: “Em di kîjan riyê re herin?” Yoram got: “Di riya deştên Edomê re.”