Lêwiyî 8:14 - Kurmanji Încîl

¹⁴ Paşê wî conegayê pêşkêşiya paqijiyê anî. Harûn û kurên wî destê xwe danîn ser serê conegê

Lêwiyî 8:14 Referans Kwoze

Petrûs I 3:18

Mesîh jî bi carekê ji bo gunehan cefa kişand, da ku me bigihîne Xwedê. Yê rast ji bo yên nerast mir. Ew di bedenê de hat kuştin, lê ji aliyê Ruh ve hat vejandin.

Korîntî II, 5:21

Xwedê ewê ku guneh nedizanî ji bo me kir guneh, da ku em di şexsê wî de bibin rastdariya Xwedê.

Romayî 8:3

Ew tiştê ku Şerîetê nikaribû bike, ji ber ku ji sedemê nefsê ji hêz ketibû, Xwedê kir: Wî Kurê xwe di şiklê bedena gunehkar de şand, da ku bibe goriya gunehan û bi vî awayî guneh di nefsa mirov de sûcdar derxist.

Îşaya 53:10

Lê Xudan ji perçiqandina wî razî bû, Wî xwest ew were eziyetkirin. Çimkî gava canê wî bû pêşkêşiya berdêlê, Wê ziriyeta xwe bibîne û emrê wî dirêj be. Wê armanca Xudan di destê wî de pêşve here.

Zebûr 66:15

Bi dûmana beranên şewitandî û pezên qelew, Ezê goriyên şewitandinê pêşkişî te bikim, Ezê ga û nêriyan ji te re pêşkiş bikim.

Lêwiyî 16:21

Wê Harûn herdu destên xwe deyne ser serê nêriyê sax û li hemû neheqî, serhildan û gunehên gelê Îsraêl mikur bê. Bi vî awayî wê van bide ser serê nêrî û bi zilamekî ku ji bo vî karî hatiye tayînkirin, nêrî berde çolê.

Lêwiyî 16:6

“Wê Harûn wekî pêşkêşiya paqijiyê conegayek ji bo xwe pêşkêş bike. Wê ji bo xwe û mala xwe kefaretê bide.

Lêwiyî 8:2

“Harûn û kurên wî, kincên kahintiyê, rûnê kifşkirinê, conegayê pêşkêşiya paqijiyê, herdu beranan û selika nanê şikeva hilde

Lêwiyî 1:4

Wê destê xwe deyne ser serê qurbana şewitandinê û wê ji bo kefareta wî bê qebûlkirin.

Lêwiyî 4:15

Wê li hizûra Xudan, rîspiyên civakê destê xwe deynin ser serê conegê û wî li hizûra Xudan serjê bikin.

Hejmartin 8:12

“Wê Lêwiyî destê xwe deynin ser serê conegayan û ji bo ku di ber Lêwiyiyan de bibe kefaret, wê yekî wekî pêşkêşiya paqijiyê, yê din wekî qurbana şewitandinê pêşkêşî Xudan bikin.