Lêwiyî 7:31 - Kurmanji Încîl

³¹ Wê kahin bez li ser gorîgehê bişewitîne, lê wê sing para Harûn û kurên wî be.

Lêwiyî 7:31 Referans Kwoze

Lêwiyî 7:34

Min ji qurbanên aştiyê yên ku Îsraêlî pêşkêş dikin, singê pêşkêşiya raberkirinê û hêta ku wekî diyarî tê dayîn, wekî para gelê Îsraêl ya herheyî dan Harûnê Kahin û kurên wî.’”

Lêwiyî 3:16

Wê kahin hemûyan li ser gorîgehê bişewitîne. Ev pêşkêşiya şewitandina xwarinê ye ku bêhna wê xweş e. “‘Hemû bez yê Xudan e.

Lêwiyî 3:11

Paşê wê kahin wan li ser gorîgehê bişewitîne. Ev pêşkêşiya şewitandina xwarinê ya ji bo Xudan e.

Lêwiyî 3:5

Wê kurên Harûn wan bi qurbana şewitandinê ya li ser êzingên êgir, li ser gorîgehê bişewitînin. Ev pêşkêşiya şewitandinê ye ku bêhna wê bi Xudan xweş tê.

Hejmartin 18:18

Lê çawa ku sing û hêta rastê ya pêşkêşiya raberkirinê ji te re ne, wê goştê wan jî, ji te re be.

Lêwiyî 8:29

Piştre Mûsa sing hilda û wekî pêşkêşiya raberkirinê li hizûra Xudan raber kir. Ev para Mûsa ya beranê pêşkêşiya tayînkirinê bû. Çawa ku Xudan lê emir kiriye, Mûsa wiha kir.

Lêwiyî 6:26

Kahinê ku pêşkêşiya paqijiyê pêşkêş dike, wê li dereke pîroz, li hewşa Konê Hevdîtinê jê bixwe.

Lêwiyî 6:16

Ya ji ber mayî wê Harûn û kurên wî bixwin. Wekî nanê şikeva, wê li dereke pîroz, li hewşa Konê Hevdîtinê bixwin.

Lêwiyî 5:13

Bi vî awayî wê kahin ji bo gunehê ku wî kiriye kefaretê bide û wê ew kes bê bexişandin. Wekî pêşkêşiya dexlê, ya mayî wê ji kahin re be.’”

Korîntî I, 9:13

Ma hûn nizanin, yên ku di karê Perestgehê de dixebitin, ji Perestgehê dixwin û yên ku di gorîgehê de xizmetê dikin, parê ji gorîgehê distînin?

Derketin 29:26

“Tê singê beranê ku ji bo tayînkirina Harûn hatiye veqetandin hilînî. Tê li hizûra Xudan wekî pêşkêşiya raberkirinê bihejînî. Wê ew sing bibe para te.

Hejmartin 18:11

“Herwiha wê ev jî, ji bo te bin: Her para ku ji pêşkêşiyên raberkirinê yên gelê Îsraêl tê veqetandin, ez her û her didim te, kurên te û keçên te. Her kesê mala te yê ku paqij e, dikare wan bixwe.

Dubarekirina Şerîetê 18:3

“Wê heqê kahinan ev be: Kesekî ji nav gel ku pez an dewar pêşkêş dike, wê hêt, ser û pê û ûr û roviyan bide wan.