Lêwiyî 7:18 - Kurmanji Încîl

¹⁸ Heke ji goştê qurbana aştiyê roja sisêyan bê xwarin, wê qebûl nebe û ji kesê ku pêşkêş kir re neyê hesibandin. Çimkî wê qirêj bê hesibandin û kesê ku jê bixwe jî wê sûcdar bê dîtin.

Lêwiyî 7:18 Referans Kwoze

Hejmartin 18:27

Wê ev pêşkêşiya we wekî dexlê ser bênderê û wekî tijebûna mehsereyê para we bê hesibandin.

Lêwiyî 22:25

Hûnê heywanên wiha ji xerîban nestînin û wekî xwarin pêşkêşî Xwedayê xwe nekin. Çimkî ew xerab û biqisûr in, wê ji bo we neyên qebûlkirin.’”

Lêwiyî 11:41

“‘Heywanên biçûk ên li ser rûyê erdê kirêt in û wê neyên xwarin.

Petrûs I 2:24

Wî li ser xaçê, gunehên me di bedena xwe de hilgirtin, da ku em li hember gunehan mirî bin û ji bo rastdariyê bijîn. We bi birînên wî şîfa dît.

Îbranî 9:28

Mesîh jî ji bo ku gunehên gelekan hilgire carekê hat pêşkêşkirin. Cara diduyan, ew ne ji bo hilgirtina guneh, lê ji bo xilasbûna wan ên ku li hêviya wî disekinin, wê xuya bibe.

Romayî 4:11

Birahîm hê sinetnebûyî nîşana sinetê wek mora rastdariya ku bi baweriyê tê, stand. Bi vî awayî Birahîm bû bavê wan hemûyên ku bê sinet baweriyê tînin, da ku ew jî rastdar bên hesabkirin.

Lûqa 16:15

Hingê Îsa ji wan re got: «Hûn ew in ku xwe li ber mirovan rûspî derdixin, lê Xwedê bi dilê we dizane; çimkî tiştê ku di nav mirovan de bi qedir e, li ba Xwedê mekruh e.

Melaxî 1:13

Bi ser de hûn dibêjin: ‘Ev çiqas zehmet e!’ û pozbilindiyê dikin” Xudanê Karîndar dibêje. “Gava hûn wekî qurbanê heywanên diziyê, heywanên kulek û nexweş tînin, ez ji destê we qebûl bikim?

Melaxî 1:10

“Xwezî kesek ji we hebûya ku deriyên Pîrozgehê bi ser we de bigirta û we li ser gorîgeha min beredayî agir pênexista!” Xudanê Karîndar dibêje: “Ez ji we ne razî me û diyariyên destê we jî qebûl nakim!

Amos 5:22

Hûn ji min re Pêşkêşiyên xwe yên dexlê û şewitandinê bînin jî, Ezê qebûl nekim. Dermalekiriyên we yên pêşkêşiyên aştiyê, Ezê lê nenêrim.

Hoşêya 8:13

Ew ji min re qurban serjê dikin, Ew bixwe jî dixwin. Lê dîsa jî Xudan ji wan qurbanan ne razî ye. Wê niha neheqiyên wan bîne bîra xwe, Wê cezayê gunehên wan bide; Wê vegerin Misrê.

Yêremya 14:12

Ew rojiyê jî bigirin, ezê guhdariya lavakirina wan nekim. Ew qurbana şewitandinê û pêşkêşiya dexlê jî bidin, ezê ji wan razî nebim. Ezê bi şûr, kul û xelayê wan biqedînim.

Yêremya 14:10

Xudan li ser vî gelî wiha dibêje: “Wan ji gerê hez kir Û ji lingê xwe re nebûn asteng. Loma Xudan ji wan ne razî ye, Niha wê neheqiyên wan bi bîr bîne, Wê ji ber gunehên wan, ceza bike.”

Îşaya 66:3

Kesê dewarekî serjê dike, Wekî wî kesî ye ku mirovekî dikuje. Kesê berxekî dike qurban, Wekî wî kesî ye ku stûyê kûçikekî dişikêne. Kesê pêşkêşiya dexlê pêşkêş dike, Wekî wî kesî ye ku xwîna berazan pêşkêş dike. Kesê wekî pêşkêşiya bîranînê, guniyê dişewitîne, Wekî wî kesî ye ku diperize pûtan. Wan kesan riyên xwe hilbijartin, Canê wan bi kirêtiyên wan xweş e.

Îşaya 65:4

Li goristanan rûdinin Û li derên veşartî şevê diborînin. Ew goştê berêz dixwin, Di firaxên wan de şorba goştê heram heye.

Lêwiyî 22:23

Hûn dikarin ga yan pezê ku di beşekî ji bedena wî de zêdehî yan kêmahî heye, wekî pêşkêşiya dilxwaziyê pêşkêş bikin. Lê wê wekî nedra sozdanê neyê qebûlkirin.

Lêwiyî 22:16

An na, wê ew kes sûcê xwarina van pêşkêşiyên pîroz bîne ser kesên din jî. Çimkî Xudanê ku wan pîroz dike ez im.’”

Lêwiyî 20:19

“‘Hûnê tazîbûna xaltîka xwe û meta xwe venekin, çimkî ew namûsa merivên we ne. Wê sûcdar bên hesibandin.

Lêwiyî 20:17

“‘Heke zilamek xwişka xwe ya ji diya xwe yan ji bavê xwe, ji xwe re bistîne, tazîbûna wê bibîne û jinik jî tazîbûna wî bibîne, ev şerm e. Wê bi eşkereyî ji nav gel bên avêtin, çimkî wî tazîbûna xwişka xwe vekiriye. Wê sûcdar bê hesibandin.

Lêwiyî 17:16

Heke ew kincên xwe û serê xwe neşo, wê bê cezakirin.’”

Lêwiyî 10:19

Harûn ji Mûsa re got: “Va ye, wan îro pêşkêşiya xwe ya paqijiyê û qurbana şewitandinê pêşkêşî Xudan kirin û ev tişt jî hatin serê min. Heke min îro ji pêşkêşiya paqijiyê bixwara, gelo wê li çavê Xudan xweş bihata?”

Lêwiyî 10:17

“We çima pêşkêşiya paqijiyê li dereke pîroz nexwar? Ew gelekî pîroz e. Ji bo ku hûn sûcên civakê rakin û li hizûra wî ji bo wan kefaretê bidin, Xudan ew dabû we.

Lêwiyî 5:17

“Heke kesek bi nezanî tiştekî ku Xudan nekirina wî emir kiriye bike û guneh bike, wê sûcdar bê hesibandin û bê cezakirin.

Lêwiyî 7:19

“‘Goştê ku bi tiştekî qirêj bibe wê neyê xwarin, wê bê şewitandin. Goştên din jî wê hemû kesên paqij bikaribin jê bixwin.

Methelokên 15:8

Qurbana xeraban li ber Xudan kirêt e, Lê ew ji duaya dilrastan razî ye.

Lêwiyî 19:5

“‘Gava hûn qurbana aştiyê pêşkêşî Xudan dikin, bi awayekî ku ji bo xatirê we bê qebûlkirin pêşkêş bikin.