Lêwiyî 5:7 - Kurmanji Încîl

⁷ “‘Heke hêza wî têra dayîna mî yan bizinekê neke, wê wekî pêşkêşiya berdêlê du qumrî yan du kevokan pêşkêşî Xudan bike. Wê yekî wekî pêşkêşiya paqijiyê û yê din jî wekî qurbana şewitandinê bîne.

Lêwiyî 5:7 Referans Kwoze

Lêwiyî 12:8

“‘Heke hêza wê têra dayîna berxekî neke, wê du kevok an du qumriyan bîne ku yekê wekî qurbana şewitandinê û yekê jî wekî pêşkêşiya paqijiyê be. Wê kahin wan ji bo jinikê kefaretê bide û wê ew paqij bibe.’”

Metta 10:16

«Va ye, ez we wek miyan dişînim nav guran. Loma wek maran bi aqil û wek kevokan dilpak bin.

Korîntî II, 8:12

Çimkî eger dilxwazî hebe, dayîna yekî ne li gor tiştê ku di destê wî de tune, lê li gor tiştê ku di destê wî de heye, meqbûl e.

Metta 3:16

Îsa imad bû, ji avê derket derneket û pêre pêre ezman qelişî û wî dît ku Ruhê Xwedê wek kevokekê hat xwarê û li ser wî danî.

Lêwiyî 14:31

Wê yek wekî pêşkêşiya paqijiyê, ya din jî wekî qurbana şewitandinê, bi pêşkêşiya dexlê re pêşkêş bike. Wê kahin bi van ji bo zilamê tê paqijkirin li hizûra Xudan kefaretê bide.”

Lûqa 2:24

û li gor gotina Şerîeta Xudan «Cotek kevokên qumrî, an du ferxên kevokan» jê re bikin gorî.

Lêwiyî 16:5

Wê civaka Îsraêl, wekî pêşkêşiya paqijiyê du nêrî û wekî qurbana şewitandinê jî beranekî bide Harûn.

Lêwiyî 15:30

Wê kahin yekê ji wan wekî pêşkêşiya paqijiyê û ya din jî wekî qurbana şewitandinê pêşkêş bike. Bi vî awayî wê kahin li hizûra Xudan, ji bo qirêjiya xwînjêhatina wê kefaretê bide.

Lêwiyî 9:3

Ji gelê Îsraêl re bêje: ‘Ji bo pêşkêşiya paqijiyê nêriyekî û ji bo qurbana şewitandinê golikek û berxekî yeksalî yê bêqisûr bînin.

Lêwiyî 5:11

“‘Heke hêza wî têra dayîna du qumrî yan du kevokan neke, wê ji ber sûcê xwe wekî pêşkêşiya paqijiyê, dehyeka efaya arvanê hûr bîne. Wê zeytê nerijîne ser û guniyê bi ser de neke. Çimkî ev pêşkêşiya paqijiyê ye.

Metta 21:12

Îsa ket Perestgehê û hemû yên ku li wê derê kirrîn û firotin dikirin, avêtin derve. Maseyên pereguhêran û kursiyên kevokfiroşan gêr kirin.

Lêwiyî 7:1

“‘Rê û rêbaza pêşkêşiya berdêlê ev e. Ev gelekî pîroz e.

Lêwiyî 12:6

“‘Gava rojên paqijbûna ji bo kur an keçekê temam bûn, wê wekî qurbana şewitandinê berxekî yeksalî û wekî pêşkêşiya paqijiyê jî kevok an qumriyekê bîne ber deriyê Konê Hevdîtinê û bide kahin.

Lêwiyî 14:30

Li gorî hêza wî, wê ji qumriyan an kevokan bîne.

Hejmartin 5:6

“Ji gelê Îsraêl re bêje: ‘Gava jin an mêrek li dijî kesekî din guneh bike, bi Xudan re nedilsozî kiriye û sûcdar e.

Hejmartin 6:10

Wê di roja heştan de, du qumrî yan du têjikên kevokan ji kahin re bîne ber deriyê Konê Hevdîtinê.

Hejmartin 6:11

Wê kahin yekê wekî pêşkêşiya paqijiyê û ya din jî wekî qurbana şewitandinê pêşkêş bike û ji bo wî kefaret bike. Çimkî kesê veqetandî bi mirî sûcdar bûye. Wê hema wê rojê ji nû ve serê xwe pak bike

Lêwiyî 27:8

Heke kesek feqîr û hêza wî têra berdêlê neke, wê li pêş kahin bisekine û wê kahin bi qasî hêza kesê ku ji Xudan re kifş kir, berdêlê diyar bike.