Lêwiyî 4:21 - Kurmanji Încîl

²¹ Wê conegê derîne derveyî artêşgehê û çawa ku bi conegayê pêşî kiribû wê wî jî bişewitîne. Ev pêşkêşiya paqijiyê ya ji bo civakê ye.

Lêwiyî 4:21 Referans Kwoze

Lêwiyî 16:15

“Piştre wê ji bo gel nêriyê pêşkêşiya paqijiyê serjê bike, xwîna wî bibe pişt perdeyê û çawa ku bi xwîna conegê kir, wê xwîna nêrî jî bi ser derxûn ve û bi pêşiya derxûn ve bireşîne.

Korîntî II, 5:21

Xwedê ewê ku guneh nedizanî ji bo me kir guneh, da ku em di şexsê wî de bibin rastdariya Xwedê.

Metta 20:28

Çawa ku Kurê Mirov jî nehatiye ku jê re xizmet bê kirin, lê hatiye ku xizmetê bike û di ber gelekan de canê xwe berdêl bide.»

Ezra 8:35

Wê gavê kesên ji sirgûnê hatin, ji Xwedayê Îsraêl re qurbanên şewitandinê pêşkêş kirin. Wan duwanzdeh gayên ku ji bo tevahiya Îsraêlê, nod û şeş beran, heftê û heft berx û ji bo pêşkêşiya paqijiyê jî duwanzdeh nêrî pêşkêş kirin. Tevahiya wan wekî qurbanên şewitandinê ji Xudan re hatin pêşkêşkirin.

Lêwiyî 16:21

Wê Harûn herdu destên xwe deyne ser serê nêriyê sax û li hemû neheqî, serhildan û gunehên gelê Îsraêl mikur bê. Bi vî awayî wê van bide ser serê nêrî û bi zilamekî ku ji bo vî karî hatiye tayînkirin, nêrî berde çolê.

Îbranî 13:11

Çimkî ew heywanên ku Serokkahîn xwîna wan ji bo guneh dibe nav Cihê Pîroz, termê wan li derveyî wargeh tê şewitandin.

Lêwiyî 4:13

“‘Heke tevahiya civaka Îsraêl bi nezanî gunehekî ku Xudan nekirina wî emir kiriye, bêyî ku haya civakê jê hebe jî bike, wê sûcdar bê hesibandin.

Lêwiyî 4:20

Çawa ku wî bi conegayê ku bi awayê pêşkêşiya paqijiyê hat dayîn kir, wê bi vî jî bike. Bi vî awayî wê kahin ji bo wan kefaretê bide û wê ew bên bexişandin.

Hejmartin 15:24

heke bi şaşî, bêyî ku civak pê bizane gunehek hebe, wê tevahiya civakê, wekî qurbana şewitandina ku bêhna wê bi Xudan xweş tê, conegayek, li gorî rê û rêbazan bi pêşkêşiya dexlê û pêşkêşiya rijandinê re, wekî pêşkêşiya paqijiyê nêriyek bê pêşkêşkirin.

Derketin 29:14

Tê goşt, eyar û rêxa conegê li derveyê artêşgehê bişewitînî. Ev pêşkêşiya paqijiyê ye.

Lêwiyî 6:11

Wê kincên ser xwe biguhere û xweliyê bibe dereke paqij ya li derveyî artêşgehê.

Lêwiyî 6:23

Wê hemû pêşkêşiyên dexlê yên kahinan bi tevahî bên şewitandin, wê jê neyê xwarin.”

Lêwiyî 8:17

Wî ji bermayiya conegê; eyar, goşt û rêxa wî, li derveyê artêşgehê şewitandin. Çawa ku Xudan lê emir kiriye, Mûsa wiha kir.

Lêwiyî 16:27

Wê conega û nêriyê ku wekî pêşkêşiya paqijiyê hatine pêşkêşkirin û xwîna wan ji bo kefaretdayînê anîne Cihê Herî Pîroz, derxin derveyî artêşgehê. Li wir wê rêx, eyar, goştên wan bê şewitandin.