Lêwiyî 3:12 - Kurmanji Încîl

¹² “‘Heke pêşkêşî bizin be, divê li hizûra Xudan bê pêşkêşkirin.

Lêwiyî 3:12 Referans Kwoze

Korîntî II, 5:21

Xwedê ewê ku guneh nedizanî ji bo me kir guneh, da ku em di şexsê wî de bibin rastdariya Xwedê.

Romayî 8:3

Ew tiştê ku Şerîetê nikaribû bike, ji ber ku ji sedemê nefsê ji hêz ketibû, Xwedê kir: Wî Kurê xwe di şiklê bedena gunehkar de şand, da ku bibe goriya gunehan û bi vî awayî guneh di nefsa mirov de sûcdar derxist.

Îşaya 53:6

Me hemûyan wekî pêz riya xwe şaş kir, Her yekî ji me ber bi riya xwe ve çû. Lê Xudan sûcê me hemûyan xist stûyê wî.

Îşaya 53:2

Ew li hizûra wî wekî şaxekî teze, Wekî koka li axa ziwa mezin bû. Ne bedewiya wî, ne jî rewnaqiya wî hebû Ku em lê binêrin. Di dîtina wî de tiştekî dilê me herê tunebû.

Lêwiyî 10:16

Mûsa li ser nêriyê pêşkêşiya paqijiyê pirs kir, çimkî ew hatibû şewitandin. Ew li Harûn û kurên wî yên saxmayî Êlezar û Îtamar hêrs bû û got:

Lêwiyî 9:15

Paşê Harûn pêşkêşiya gel pêşkêş kir. Wî nêriyê pêşkêşiya paqijiyê ya ji ber gel hilda, serjê kir û wekî ya pêşî, ev jî wekî pêşkêşiya paqijiyê pêşkêş kir.

Lêwiyî 9:3

Ji gelê Îsraêl re bêje: ‘Ji bo pêşkêşiya paqijiyê nêriyekî û ji bo qurbana şewitandinê golikek û berxekî yeksalî yê bêqisûr bînin.

Lêwiyî 3:1

“‘Heke pêşkêşî, qurbana aştiyê ya dewêr be, nêr an mê, divê ew heywanekî bêqisûr li hizûra Xudan pêşkêş bike.

Lêwiyî 1:10

“‘Heke pêşkêşî qurbana şewitandinê ya pêz be, mî yan bizin, divê nêr û bêqisûr be.

Lêwiyî 1:6

Wê qurbana şewitandinê bê gurandin û perçekirin.

Lêwiyî 1:2

“Bi gelê Îsraêl re bipeyive û ji wan re bêje: ‘Gava kesekî ji we pêşkêşiyeke heywanî pêşkêşî Xudan kir, divê hûn pez an dewarekî bînin.

Hejmartin 15:6

“‘Di pêşkêşkirina beranekî de, wekî pêşkêşiya dexlê, tê ji arvanê hûr ê ku ji dehan duduyê efayekê ye û ji sisêyan yekê hîneke zeytê hatiye hevîrkirin pêşkêş bikî.