Lêwiyî 27:28 - Kurmanji Încîl

²⁸ “‘Çi mirov, çi heywan û çi jî zeviya ku bi milkî maye, her tişta kesekî ku ji Xudan re hatiye veqetandin, wê neyê firotin û bi şûn de neyê standin. Çimkî her tişta veqetandî ji Xudan re bi zêdebarî pîroz e.

Lêwiyî 27:28 Referans Kwoze

Derketin 22:20

“Kesê qurban ji îlahekî re serjê bike, wê bi tevahî bê tunekirin. Wê qurban tenê ji Xudan re bin.

Lêwiyî 27:21

Lê gava zevî di Sala Azadiyê de tê kirîn, wê wekî zeviya hatiye veqetandin ji Xudan re pîroz be û bibe milkê kahin.

Dubarekirina Şerîetê 25:19

Dema Xwedayê te Xudan li welatê ku bi milkî dide te de, gava ji hemû dijminên derdora te rihetî da te, wê gavê tê bîranîna Emalêqiyan ji bin ezmanan rakî. Vê ji bîr neke.

Samûêl I, 15:18

Xudan tu şandî û got: Here û Emalêqiyên sûcdar bi tevahî tune bike û kit ji wan nehêle.

Yêşû 7:1

Lê Îsraêlî li ser tiştên ku ji Xudan re hatibûn veqetandin nedilsoz bûn. Ji eşîra Cihûda, Exanê kurê Karmiyê kurê Zavdiyê kurê Zerah, hinek tiştên hatibûn veqetandin hildan. Li ser vê yekê Xudan li gelê Îsraêl hêrs bû.

Yêşû 6:26

Piştre Yêşû sond xwar û got: “Kesê ku vî bajarî, Erîhayê ji nû ve ava bike, naleta Xudan lê be. Wê bi mirina kurê xwe yê mezin hîmê bajêr deyne û bi kuştina kurê xwe yê biçûk dergehên bajêr daçikîne.”

Hejmartin 18:14

“Wê her tiştê li welatê Îsraêl ji Xudan re hatiye veqetandin ya we be.

Galatî 3:13

Mesîh, em bi berdêl ji nifira Şerîetê kirrîn û rizgar kirin. Ew ji bo me ket bin nifirê; çimkî hatiye nivîsîn: «Her kesê ku bi dar ve daleqandî ye, di bin nifirê de ye.»

Galatî 3:10

Çimkî hemû yên ku pişta xwe bi kirina Şerîetê ve girêdane, di bin nifirê de ne. Ji ber ku weha hatiye nivîsîn: «Her kesê ku di hemû tiştên ku di Kitêba Şerîetê de nivîsî ne, nesekine û neke, di bin nifirê de ye.»

Korîntî I, 16:22

Eger yek ji Xudan hez neke, nifir li ser wî be. ‹Maranata›.

Romayî 9:3

Çimkî min dixwest ku ez ji dêl birayên xwe, hemnîjadên xwe red bibûma û ji Mesîh dûr biketama.

Metta 25:41

«Hingê wê ji yên li milê xwe yê çepê re jî bêje: ‹Ji min dûr bikevin, hûn ên ku nifir lêbûyî, herin agirê herheyî yê ku ji bo Îblîs û milyaketên wî hatiye amadekirin.

Samûêl I, 15:3

Rabe here li Emalêq bixe û her tiştê wan bi tevahî tune bike. Li ber wan nekeve. Ji mêr, jin û zarokan bigire heta zarokên berşîr, ga, pez, deve heta bi kerên wan hemûyan bikuje.’”

Dadger 21:18

Em nikarin keçên xwe bi wan re bizewicînin. Çimkî gelê Îsraêl sond xwaribû û gotibû: ‘Nalet li wan were ku keçên xwe bidin Binyamîniyan.’”

Dadger 21:11

Ya ku hûnê bikin ev e: Hemû mêran û hemû jinên ku destê mêran pê bûye bikujin.”

Dadger 21:5

Gelê Îsraêl got: “Gava em civiyan û hatin hizûra Xudan, ji nav hemû eşîrên Îsraêl kîjan nehat?” Çimkî wan li Mîspayê sond xwaribû û gotibû: “Her kesê neyê, divê esse bê kuştin.”

Yêşû 7:25

Yêşû got: “Te çima em xistin tengasiyê? Wê Xudan jî îro te bixe tengasiyê.” Piştre hemû gelê Îsraêl Exan da ber keviran. Wan her tiştên wî dan ber keviran û şewitandin.

Lêwiyî 27:27

Heke ji nav heywanên qirêj be, kesê ku dikire wê berdêla ku kahin diyar dike bide û ji pêncan yekan jî deyne ser. Heke berdêla wî neyê dayîn, wê li gorî berdêla ku kahin kifş kiriye bê firotin.

Lêwiyî 27:29

Wê tu berdêla kesê ku ji Xudan re hatiye veqetandin neyê dayîn. Wê esse bê kuştin.

Dubarekirina Şerîetê 7:26

Wan tiştên kirêt nebin malên xwe, yan na hûnê jî wekî wan bi tevahî tune bibin. Ji wan nefretê bikin û kirêt bihesibînin, çimkî ew tişt heram in.

Lêwiyî 21:22

Ew dikare ji xwarinên Xwedê yên pîroz û herî pîroz bixwe.