Lêwiyî 26:33 - Kurmanji Încîl

³³ Ezê we di nav miletên din de belav bikim û li dijî we şûrê xwe ji kalanê wê derxim. Wê welatê we bibe wêrane û bajarên we bibin xerabe.

Lêwiyî 26:33 Referans Kwoze

Zekeriya 7:14

Min ew wekî bahozê avêtin nav tevahiya miletên nenas. Wan welat hişt, loma bû wêrane ku kesek here û lê bimîne nema. Welatê xweş bû wêrane.’”

Dubarekirina Şerîetê 4:27

Wê Xudan we di nav gelên din de belav bike. Di nav wan miletên ku Xudan we dişîne de, wê hejmara we kêm bibe.

Zebûr 44:11

Te em kirin wek miya ku tê şerjêkirin, Û te em li nav miletan belav kirin.

Lûqa 21:24

Ewê bikevin ber devê şûr, bi hêsîrtî wê bên birin nav hemû miletan û heta zemanê miletan temam bibe, Orşelîm wê di bin lingên wan de biperçiqe.

Lavijên Şînê 4:15

Ji wan re qîriyan û gotin: “Qirêjno vekişin! Vekişin, vekişin! Xwe bi tiştekî nekin!” Gava reviyan û bi serserîtî geriyan, Di nav miletan de dihat gotin: “Bila êdî li vir nemînin.”

Yêremya 9:16

Ezê wan di nav miletên ku ew û bav û kalên wan pê nizanin de belav bikim û heta ku ez wan biqedînim, ezê şûr bi ser wan de bişînim.”

Lavijên Şînê 1:3

Cihûda bi tengasî û koletiya giran hat sirgûnkirin. Di nav miletan de rûdine, Rihetiyê nabîne. Hemû kesên pey wê, Di dema tengasiyê de gihîştinê.

یعقوب 1:1

Aqûbê xulamê Xwedê û Xudan Îsa Mesîh, silavan li diwanzdeh eşîrên ku belav bûne dike.

Nehemya 1:8

“Gotina ku te ji Mûsayê xulamê xwe re got, bi bîr bîne. Te gotibû: ‘Heke hûn bi min re nedilsoz bin, ezê we li nav gelan belav bikim.

Zebûr 106:27

Nîjada wan li nav miletan wer ke, Wan li welatên cihê belav ke.

Îşaya 1:7

Welatê we wêran bûye, Bajarên we şewitî ne. Li ber çavê we, Xerîb axa we dixwin. Çawa ku xerîban serobino kiribin, Welat wisa wêran bûbû.

Yêremya 7:34

Ezê li bajarên Cihûdayê û kuçeyên Orşelîmê dengê kêf û şahiyê, dengê bûk û zavê nehêlim. Çimkî wê welat wêran bibe.’”

Yêremya 13:24

“Loma ezê te wekî pûşê belav bikim Ku ketiye ber bayê beriyê.”

Yêremya 15:4

Ji ber tiştên ku Padîşahê Cihûdayê, Minaşşeyê kurê Hîzqiya li Orşelîmê kirine, ezê wan di çavê hemû padîşahiyên dinyayê de bikim mijara sawê.

Yêremya 31:10

“Miletno, guh bidin gotina Xudan! Bi keviyên dûr ên deryayan bidin bihîstin û bêjin: ‘Yê ku gelê Îsraêl belav kiriye wê bide hev, Wekî şivên, wê keriyê xwe biparêze.’

Amos 9:4

Ew ji ber dijminên xwe bên sirgûnkirin jî, Ezê li şûr emir bikim ku wan bikuje. Ezê çavê xwe bidim ser wan, Ne ji bo qenciyê, lê ji bo xerabiyê.”

Padîşah I, 8:46

“Heke li dijî te guneh bikin –çimkî mirov tuneye ku guneh nake– tu li dijî wan hêrs bibî, wan bidî destê dijmin û kesên wan sirgûn dikin, çi nêzîk çi dûr, sirgûnê welatên dijmin bikin,

Padîşah II, 25:9

Wî agir berda Mala Xudan, qesra padîşah û tevahiya malên Orşelîmê. Tevahiya malên mezin şewitandin.

Nehemya 1:3

Ji min re got: “Rewşa kesên li vê herêmê ku ji sirgûnê sax mane, pir xerab e û di nava riswatiyê de ne. Sûrên Orşelîmê hatine hilweşandin û dergehên wê jî hatine şewitandin.”

Ester 3:8

Haman ji Ahaşwêroşê Padîşah re wiha got: “Li hemû herêmên padîşahiya te de miletek heye ku di nav gelên din de belav bûye û ji wan cuda ye. Qanûnên wan, ji qanûnên hemû gelên din cudatir in û ew guh nadin qanûnên padîşah jî. Nabe ku padîşah wan di vê rewşê de bihêle.

Zebûr 44:12

Te pirr erzan firot gelê xwe, Û bi buhayê wan kar nekir.

Îşaya 6:11

Min pirsî û got: “Heta kengê ya Reb?” Wî got: “Heta bajar wêran û bêkes bimînin Û xanî bêmirov bimînin. Heta ax bi tevahî bibe wêran.

Yêremya 4:7

Şêr ji hewinga xwe derket, Xerabkar ku miletan helak dike da rê. Ew ji cihê xwe derket Ku welatê te wêran bike. Wê bajarên te xera bibin, Wê tu kes lê nemîne.

Yêremya 8:3

Wê hemû kesên ku ji vî miletê xerab sax mane, li hemû derên ku min ew ajotin, wê di saxiya xwe de, xweziya xwe bi mirinê bînin.’” Ev e gotina Xudanê Karîndar.

Lavijên Şînê 1:1

Ew bajarê ku bi mirovan tije bû, Çawa bi tena serê xwe rûdine! Di nav miletan de mezin bû, Niha wekî jinebiyekê ye! Di nav herêman de şahbanûyek bû, Niha di bin suxrevaniyê de ye.

Lavijên Şînê 4:16

Xudan bi xwe ew belav kirin, Wê êdî li wan nenêre. Wan kahin nehesibandin Û li ber kalan neketin.

Hoşêya 9:6

Çimkî heke ji ber helakê birevin û xilas jî bibin, Wê Misir wan bide hev, Wê Memfîs wan binax bike. Tiştên wan ên zîv ên binirx, Wê bibin ên giyayê gezgezkê, Wê di konên wan de dirî şîn bibin.