Lêwiyî 26:30 - Kurmanji Încîl

³⁰ Ezê bilindciyên we yên perizînê tune bikim û gorîgehên we yên bixûrê bînim xwarê. Ezê cendekên we bavêjim ser cendekên pûtên we, ezê ji we nefretê bikim.

Lêwiyî 26:30 Referans Kwoze

Padîşah II, 23:20

Wî tevahiya kahinên bilindciyan li ser gorîgehan serjê kirin. Piştî şewitandina hestiyên mirovan li ser wan gorîgehan, vegeriya Orşelîmê.

Îşaya 27:9

Loma wê sûcê Aqûb bi vê bê bexişandin, Wê tevahiya berê rakirina gunehên wan wiha pêk bê: Wê hemû kevirên gorîgehê, Wekî kilsa kutayî biperçiqîne. Êdî wê ne pûtekî Aşêrayê Ne jî gorîgehên bixûrê li ser piyan bimînin.

Yêremya 14:19

Ma te Cihûda bi tevahî red kir? Ma dilê te ji Siyonê nefret dike? Ji bo çi te li me xist û şifaya me tuneye? Em li benda aştiyê man, qencî nehat. Em li hêviya dema şifayê bûn, tirs û saw hat.

Zebûr 89:38

Belê te, dev jê berda û ji xwe avêt, Tu li yê xwe yê meshkirî hatî xezebê.

Padîşah II, 23:16

Yoşiya zivirî, gorên li çiyê dîtin, hestî ji tirban da derxistin û li gorî gotina Xudan a ku zilamê Xwedê gotibû, li ser gorîgehan ew da şewitandin û qirêjkirin.

Padîşah II, 23:8

Yoşiya hemû kahin ji bajarên Cihûdayê anîn. Wî ji Gevayê heta Beêr-Şevayê bilindciyên perizînê ku kahinan bixûr lê pêxistine qirêj kirin. Paşê wî bilindciyên li devê Dergehê Yêşûyê waliyê bajêr hilweşandin. Ew li aliyê çepa dergehê bajêr bûn.

Padîşah I, 13:2

Li gorî gotina Xudan ji gorîgehê re deng da û got: “Gorîgeh, ya gorîgeh! Xudan wiha dibêje: ‘Wê ji Mala Dawid re kurek çêbe, wê navê wî Yoşiya be. Kahinên peywirdarên li bilindciyên perizînê ku bixûr pêdixin, wê li ser te qurban pêşkêş bikin. Li ser te hestiyên mirovan bişewitînin!’”

Lêwiyî 26:15

heke hûn qanûnên min nefret bikin, nefretê ji rê û rêbazên min bikin, emrên min nekin û peymana min bişikênin,

Lêwiyî 26:11

Ezê meskenê xwe li nav we ava bikim û we nefret nekim.

Lêwiyî 20:23

Hûnê di rê û rêbazên miletên ku ez ji pêş we berdidim wan de rêve neçin. Ji bo ku wan ev tişt kirin, min ji wan nefret kir.

Destpêk 19:13

Emê vî cihî wêran bikin, çimkî li ber Xudan gazina li dijî wan wisa giran bûye ku wî em şandin ku em vî cihî wêran bikin.”

Dubarekirina Şerîetê 32:19

“Xudan ev dît û ew red kirin, Çimkî kur û keçên wî ew hêrs kir.

Padîşah I, 13:32

Çimkî gotinên wî yên ku bi gotina Xudan ji gorîgeha Bêt-Êlê re û li ser hemû perestgehên bilindciyên bajarên Sameryayê gotibû, wê esse pêk bên.”

Zebûr 106:40

Hêrsa Xudan li hember gelê wî rabû, Û ji mîrasa xwe nefret kir.

Amos 6:8

Gotina Xwedayê Karîndar Xudan ev e: “Reb Xudan bi serê xwe sond xwar, Bîzê min ji quretiya Aqûb diçe, Ez ji qesrên wî nefret dikim. Loma ezê bajêr û her tiştê tê de bidim dest.”

Amos 7:9

Wê bilindciyên ziriyeta Îshaq wêran bibin, Pîrozgehên gelê Îsraêl helak bibin. Ezê bi şûr li dijî Mala Yarovam rabim.

Yêremya 16:18

Ezê pêşî du qat bergîdana neheqî û gunehên wan bidim wan. Çimkî wan bi îlahên xwe yên bêrûh û dilqelêq, welatê min mirdar kir, milkê min bi kirêtiyên xwe tije kir.

Hoşêya 10:2

Dilê wan hîlekar e, Divê ew niha cezayê sûcên xwe bikişînin. Wê Xudan gorîgehên wan bişikêne Û kevirbelên wan xera bike.