Lêwiyî 26:19 - Kurmanji Încîl

¹⁹ Ezê quretiya hêza we bişikênim, ezmanên we bikim wekî hesin û axa we bikim wekî tûnc.

Lêwiyî 26:19 Referans Kwoze

Dubarekirina Şerîetê 28:23

Wê ezmanên li ser serê te bibin tûnc, axa di bin te de jî bibe hesin.

Padîşah I, 17:1

Êlyasê ji Tîşbeya Gîladê ji Ahav re wiha got: “Bi navê Xudanê Jîndar ê Xwedayê Îsraêl ku ez li ber sekinî me, bêyî ku ez bêjim, wê di salên bê de, ne xunav hebe, ne jî baran.”

Lûqa 4:25

Lê ez ya rast ji we re dibêjim: Di rojên Êlyas pêxember de, çaxê ku ezman sê sal û şeş mehan hatibû girtin û di tevahiya welêt de xelayeke giran çêbûbû, gelek jinebî li welatê Îsraêlê hebûn.

Sefanya 3:11

Tê wê rojê ji ber tevahiya karên xwe Yên te li dijî min kirine, şerm nekî. Çimkî ezê kesên bi pozbilindiyê şahiyê dikin, Wê gavê ji nav te rakim. Êdî tê careke din Li çiyayê min ê pîroz qure nebî.

Daniyêl 4:37

Ez Nebûxadnessar, ez ji Padîşahê Ezmanan re spasdar im. Ez pesnê wî didim û wî berz dikim. Çimkî hemû karên wî rastî û riyên wî dadperwerî ne. Ew dikare yên ku di riya quretiyê de dimeşin nizim bike.”

Yêremya 13:9

“Xudan wiha dibêje: ‘Ezê hem pozbilindiya Cihûdayê, hem pozbilindiya mezin a Orşelîmê jî wiha xera bikim.

Îşaya 25:11

Çawa soberîvan destên xwe dirêj dike, Wê ew jî destê xwe li wir dirêj bike, Lê wê Xudan pozbilindiya wî, Bi hunera destê wî re nizim bike.

Samûêl I, 4:11

Sindoqa Xwedê ket destê Filîstiyan û herdu kurên Elî, Hofnî û Pînehas mirin.

Îşaya 26:5

Wî kesên li bilindahiyan rûdinin tewandin. Bajarê bilind nizim dike, Heta erdê, heta axê Ew nizim dike.

Îşaya 2:12

Çimkî roja Xudanê Karîndar, Wê li dijî hemû qure û pozbilindan be. Wê rojê hemû kesên hatine bilindkirin, Wê bêne nizimkirin.

Samûêl I, 4:3

Gava leşker vegeriyan artêşgehê, rîspiyên gelê Îsraêl got: “Ji bo çi îro Xudan kir ku Filîstî zora me Îsraêliyan bibin? Werin em Sindoqa Peymana Xudan ji Şîloyê bînin vir. Heke ew li nav me be, wê Xudan me ji destê dijminên me rizgar bike.”

Padîşah I, 8:35

“Gava ji ber ku li dijî te guneh kirine ezman bên girtin, baran nebare û ew jî ber bi vî cihî ve dua bikin, navê te hildin û dema te ew nizim kirin, ew ji sûcê xwe vegerin;

Îşaya 28:1

Wey li taca quretiya serxweşên Efrayîmê Û kulîlka çilmisî ya xweşikî û rewnaqiya wê Ku li ser deşta bi ber e. Wey li taca wan kesan ku li ber şerabê têk çûne.

Yêremya 3:3

Loma tavî hat texsîrkirin Û barana biharê nayê. Eniya te eniya fahîşê bû, Lê şermezarî ne xema te bû.

Dubarekirina Şerîetê 11:17

Bila hêrsa Xudan li dijî we ranebe û ew ezmanan negire ku baran nebare, ax berê xwe nede û hûn li welatê qenc ê ku ew dide we zû helak nebin.