Lêwiyî 26:13 - Kurmanji Încîl

¹³ Ez Xwedayê we Xudan im ku min hûn ji koletiya ji welatê Misrê deranîn. Min darên nîrê li ser stûyê we şikandin û hûn bi serbilindî da meşandin.

Lêwiyî 26:13 Referans Kwoze

Zebûr 116:16

Ya Xudan, ez evdê te yê rastîn im; Lawê qewraşa te me, Te zincîrên min vekir.

Lêwiyî 25:38

Ez Xwedayê we Xudan im. Min hûn ji welatê Misrê deranîn ku ez welatê Kenanê bidim we û ji we re bibim Xwedê.

Derketin 20:2

“Ez Xwedayê te Xudan im ku tu ji welatê Misrê, ji warê koletiyê deranî.

Yêremya 2:20

“Çimkî dema berê te nîrê xwe şikand Û benên xwe qetandin. Te got: ‘Ez xulamiyê nakim.’ Tu li ser her girê bilind Û li bin her dara şîn, Razayî û fahîşetî kir.

Lêwiyî 25:55

Çimkî gelê Îsraêl xulamên min in. Ew xulamên min ên ku min ew ji welatê Misrê deranîn. Ez Xwedayê we Xudan im.

Îşaya 51:23

Ezê wê bidim destê zordarên te. Kesên ji te re got: ‘Xwar bibe, emê pê li te bikin û derbas bin’ Û te pişta xwe kir wekî axê, Kir wekî rê ku ew derbas bibin.”

Lêwiyî 25:42

Çimkî ew xulamên min in. Min ew ji welatê Misrê deranîn, wê bi koletî neyên firotin.

Derketin 6:7

Ezê we bikim gelê xwe û bibim Xwedayê we. Hûnê bizanibin ku ez Xwedayê we Xudan im û min hûn ji bin barê Misriyan deranî.

Hoşêya 11:4

Min ew bi benên qenciya mirovahiyê, Bi girêdanên hezkirinê hilkişandin. Min nîrê wan rakirin, Min xwe tewand û xwarin da wan.

Derketin 14:8

Xudan dilê Firewn hişk kir û wî da pey gelê Îsraêl ku bi serfirazî dimeşiya.

Îşaya 9:3

Te milet zêde kir, Tê şahiya wan jî mezin bikî. Di dema palehiyê de şahî çawa be, Di dema parvekirina talên de çoşbûn çawa be, Wê li pêş te jî wisa şa bibin.

Yêremya 28:2

“Xwedayê Îsraêl Xudanê Karîndar wiha dibêje: ‘Min nîrê Padîşahê Babîlê şikand.

Yêremya 28:4

Ezê Yehoyaxînê kurê Yehoyaqîmê Padîşahê Cihûdayê û hemû sirgûniyên Cihûdayî yên ku çûne Babîlê dîsa vegerînim.’ Ev e gotina Xudan. ‘Çimkî ezê nîrê Padîşahê Babîlê bişikênim.’”

Nahûm 1:13

Niha ezê nîrê wî yê li ser te bişikênim, Ezê benên te biqetînim.”